Jeremaia 32:22 - Godigo dwagi yai po buku

²² Tama nago te tǫ dabolo mani, te nago dago wąį nǫų bomai po dąų wali gilama yali. Te tǫ ili hauwa elalubaso, te nai dabe wiegi yai bugagia mu holai dao.

Jeremaia 32:22 Iomraidhean Croise

Tigidali Nai Gagalama Nigali Side 13:15

“Te megi nago subo tǫ tigidali, te eno nagebolo mayu, tama nago nosali ame nabo hani wai dabebolo mobadi yaibao. Tama te tǫ dagego sesemane sogo mu elalua paibao.

Tigidali Nai Gagalama Nigali Side 24:7

Yawe, te dagalude bidibo Godigo ena te eno ayago bede, me te ena hani dabego tǫde selama, asali. Tama agai bomai dąų wabo po wali, te agai e elalubo tǫ te eno hani wąį dabebolo mawaibao wai. Yawego digi te aga mobo bidi ensel te nage pabodu polasa tagala palaibao. Tama tibaso, nago tede te eno ogwago we gegela sueibao.

Tigidali Nai Gagalama Nigali Side 50:24

Josepgo te tiwai po aga ama dedebolo wai, “Te sia sabode ena isaibao,” wai. “Tiali goli, te Godigo dage tonalueibao, tama agai dage e bulude bidali sela peyu, taga paibao. Tama agai dage odasa peyu, te Abrahambolo me, Aisak me Jekop, te augwalibolo mawaibao olama, te po dąų wali tǫba dage odasa tagaligi paibao,” wali.

Nehemia 9:15

“Te augwali nasi ebo sogo, te nago te tubo nai dagaludu dulumainu ilama, te augwali tumainogo yali. Tama augwali te wę nogone ebo side, nago te masigide wę pedalumainu elama, te augwali tumainogo ilali. Tama nago augwaliba weyu te augwali mawaibao olama, te po dąų wali tǫ te sagameo wai.”

Ma Dobola Sali 13:5

Tama Genuai Bidigo dago wąį dabe dali po dąų olama weyu, te Kenan dabe augwaligo tǫ, me Hit bidi dabe, me te Amor dabe, me te Hivi, me te Jebus dabe, te bidi hani augwaligo tǫ dage mawaibao. Te tǫ wiegi yai mu, tama ili hauwa elalubao. Tama Genuai Bidigo dage te tǫba odasa pabo sogo, dagego te Bo Disiąwai Nai Bret tuali te genuai side tigidali kibu be e Abip nogi wabo poluade te sę wali piąo.

Ma Dobola Sali 3:17

Tama eno te po wali, te eno dage Isip tǫde selama, te bulu bidi dabego dwai sę mu dagebolo ebaso, tama eno dage te Kenan bagego tǫ, me te Hit hani, me te Amor me, Peres me, te Hivi, me Jebus, te hanigo tǫba eno dage odasa painogo ebao. Te dwagi yai tǫ, te ili hauwa elalubo tǫ dao.” ’

Ma Dobola Sali 3:8

Tama ena dulai dao, tama te augwali te Isip dabego nogode ma selama, tama augwali te genuai tǫ me deli te tǫ ili hauwa elalubo, te nai bugagia dwagi yai mu holobo tǫba odasa paibao. Te tǫde megi te Kenan bidi hani me, te Hit hani me, te Amor hani me, te Peres, me Hivi, me Jebus, te tama hani augwali te tǫde megi bidibo dao.

Jeremaia 11:5

Tama eno te duga wąį nǫų dabe dali dąų wali po wali peyu, usu naibao. Eno te dagego wąį nǫų augwaliba te wiegi yai tǫ me deli mawaibao po wali, te ili hauwa elalubo tǫ da,” wali. Tama megi dage te tǫde bidibao.’” Genuai Bidigo po walio, tialima, eno te tiwai po wei ponai, “Mu tamao, Genuai Bidi, nago wabo po gilama tama tiagameo.”

Esekiel 20:15

Tialima, Israel dabe augwali te masigi tǫ wa pai bulude bidali sogo, te eno po bomo yai augwaliba weyu, eno augwali dąį ilali, te wiegi yai sawi yai tǫba augwali odasa pabo usu mu me egobeo wali. Te polalubo tǫ mu te tǫ ili hauwa mu elalu, te gasa tǫ dabe aiyaba mu elaluai dao,” te po wai.

Esekiel 20:6

Tama te sogo eno dila pai bomai po augwali dali dąų olama, te augwali eno Isipde selama, te eno augwaliba maiabo te dąį ilali tǫba odasa asali. Te tǫ te polalubo sawi yai tǫ mu elaluali, te gasa badu tǫ pedai tigidali aiyaba elaluali. Te tǫgo ili hauwa elalu, te nai wiegi yai mu holai dao.

Israel Hanigo Namba 14:16

‘Genuai Bidigo aga hani agai augwalibolo mawaibao wali te tǫba odasa pabo usu egobeo,’ te po waibao. ‘Tama tibaso, agai augwali te nai meni yai bulude ela muna silali dao,’ augwaligo nagede te tama po waibao.”

Israel Hanigo Namba 14:30

Eno dage sese te buluba bidigi pomainu po wai goli, megi da dage sese te buluba pogobeo. Kalep de Josua si naga paibao.

Bomai Po 1:35

‘Dage dwai we bidi, dage eno duga wąįbolo mawaibao wali te buluba dage mu pogobeo. Mu menio.

Bomai Po 1:8

Te tigidali tǫ ena Genuai Bidi eno te tǫ duga wąįbolo mawaibao po dąų walai dao. Te Abraham, me Aisak, me Jekopbolo wai dao, me te augwaligo wąį nosali asobo bagebolo me. Tialima, dage megi pelama sigi piąo,’ wali,” Mosesgo te po wali.

Bomai Po 6:10

Mosesgo te po wali, “God dago Genuai Bidigo dago wąį Abraham, me Aisak, me Jekop, te augwalibolo te genuai bulu me deli, te hanu wiegi yai hanu hauwa duga digi nigisiąwai bulu mawaibao po polobadu dąų walai dao.

Bomai Po 6:18

Dagego tigidali sę dage eyu, te Genuai Bidigo te wiegi yai dola pai nai dao wabo te sę dabe naga yao. Tama tialima, dagego tigidali yainu ebo sę dabe te wiegi yai mu pedelaibao. Tama dagego te wiegi yai ili yai tǫ saibao, te da te Genuai Bidigo duga wąį dabebolo dage mawaibao wali te tǫ dao.

Bomai Po 6:23

Agai da Isip bulude oda selama, tama da buluba olo madi odasa asai dao. Te da eba odasa aselama, tama dabolo te e tǫ mawainogo. Te agai dago wąįbolo polobadu po dąų wali gilama tialio.

Bomai Po 7:13

Agai dage godolo mu elama, tama agai dage dali wiegi yai sę mu yaibao. Tialima, dagego wai puluba hauwa mu elama, tama dagego wąį genuai mu yaibao. Tama me agai dagego gi dabe wiegi yai ilama, tama dagego gide wit me, wain bono du me, te oliv wel me, hauwa mu elaluaibao. Tama me te kau kibu me sipsip dabego wai hauwa ame nomainogo yaibao. Agai te wiegi yai nai dabe hauwa dage mawaibao, te agai duga wąįbolo mawaibao olama po dąų wali te tǫde.

Bomai Po 8:1

Tama Mosesgo te po wali, “Dagego megi eno dagebolo mawainogo ebo te bomai po wiegila wali piąo. Tama tiyu da, dage bugagia bidiyu, tama dagego Genuai Bidigo dagego wąįbolo mawaibao olama dąų walali te tǫ sigi paibao. Tama dage tede hauwa mu pedalaibao.

Josua 1:6

Nage bomo elama dolaluyu, tama nage wi me elamuo. Magi baso meni. Te nago te we bidi dabe augwali te eno augwalibolo mawaibao wali te tǫ pedaiba odasa pomainu yaibao, te tiwai eno te po augwa wąįbolo dąų wai dao.

Josua 21:43

Tialima, Genuai Bidigo te tigidali tǫ pedai te Israel dabe augwaliba mani, te polobadu agai te augwa wąį dabebolo te bomo yai po dąų wali tiwai gilama yali. Tama te Israel dabe augwaligo te bulu tǫ selama, tama augwali tede bidali.