Jeremaia 30:16 - Godigo dwagi yai po buku

¹⁶ Tialima, mu tama, te hani dabego nage dolobo sę ebao, te augwa digi dolaibao. Te nago boi bidi dabe augwali te digibulu buluba kalabus paibao. Te nageba dwai sę eyu, te nago doado bage tigidali wi sali hani dabe, te boi bidi dabego dwai sę augwaliba elama, te augwa doado bage dabe wi saibao.

Jeremaia 30:16 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 129:5

Eno homugo dago te Saionba boi bidi ebo bidi aiyaba elalumainu homu yai, tama augwali pobeasa te augwa buluba ma pao.

Ma Dobola Sali 23:22

Tialima, dagego agai po wali pelama, tama eno te po wali sę tiwai tigidali ebaso da, te eno dagego boi bidi dabe augwali dali hwįnama, tama te dage dene mabo homu ebo bage me, te eno augwali aiyaba elaluaibao.

Bugagia Bidibo Kolesagade Po Asęai Buku 22:23

magi baso meni, Genuai Bidigo augwali tonaluyu, tama augwali tau saibao. Tama te bidigo te magi nai doado bage meni yai bidi dabeba te dwai sę ebaso da, teda Genuai Bidigo te bidi agaba te dwai sę wei ponobo dao. (2)

Aisaia 14:2

Awe, Genuai Bidigo te Israel hani isąwai we bidigo te Israel dabe augwa buluba ma asomainu tau somainu ilaibao, te Genuai Bidigo augwalibolo sa muani tǫ dao. Tama te we bidi dabe te Israel dabego olo sę ebo we bidi tiwai pedalaibao. Te bidi hani polobadu Israel dabe kalabus elaluali bage, megi da augwali Israel dabego kalabus bidi dabe bidaibao. Te polobadu te Israel dabe aiyaba elaluama, augwali dali dwai sę yali. Tiali goli, megi da, Israel dabego augwali tonaluaibao.

Aisaia 33:1

Dage te gasa bulu dabe dolobo hani, dage dolaibao. Te mu tama, dage me dolobe dao. Tiali goli, dagego gasa bulu dabe dolobo bodolu sia saibao. Tama duga digi duga dolaibao. Dagego te gasa hani dabe ili po walama, tama dagego te po mia selama, tama dagego augwali te boi bidi dabego nogoba mubo dao. Te mu tama, te gasa hanigo da dage me ili po me ola masiąbadi goli. Tiali goli, dagego te gasa bidi dabe ili po wabo sogo te sia saibao. Tama te gasa bidi dabego dage ili po olama, tama dage te boi bidi dabego nogoba muaibao.

Aisaia 54:15

Te hani mebago nage dali hwįai olama, asobaso da, te nago te tiwai koneao, te augwali eno tagala palobaso me asobeo. Menio. Te augwa homugo digi asali. Tama augwali te eno nago nogoba mueibao,” wali.

Aisaia 54:17

Tiali goli, te hwįbo nai dabe me deligo nage me dologobeo. Te nage bomonama dolalu, te bidi dabego nageba haniani po kisilama wabo po te wei ponoyu, aiyaba elalueibao. Eno te kolesagade ena sę bidi dabe tigidali bugagia tonalu, te augwali doloba pai we bidi pedelaibao. Ena Genuai Bidi, eno te po wai dao.”

Jeremaia 10:25

Te nageba lotu wasiąyu, te gedu haluasa po wasiąbo we bidi hani dabeba dene mao. Te hani dabego te dago we bidi dabe te Jekopgo hani ela muai. Augwaligo da mu silama, te dago tǫ me be mu dolai dao.

Jeremaia 12:14

Genuai Bidigo te tama po wali, “Te Israel dabe pąde bidibo hani dabe, augwalide eno po elalubao,” wali, “augwali te dwai kolesaga ebo bidi dabe tiyu, te augwaligo eno we bidi dabeba mani tǫde dwai sę ebao. Odao. Te eno te hani boi bidi dabe te augwa tǫba digi ela gudulaibao. Te Juda dabe augwa tǫde digi te boi bidi dabego tǫ tomode bidibao, tialima eno te Juda dabe me sela sąwaibao.

Jeremaia 2:3

Te sogo dage Israel te eno gasagi yai tedali we bidi mu bidali. Dage eno gide te nai hasia mu inilama, te tau ebo tiwai elaluai. Te gasa hanigo eno te nai sobaso da, augwaligo te dwai sę yali da weyu, te eno augwalibolo dwai dene mawai dao.’ Genuai Bidi eno te po wai dao.”

Jeremaia 25:12

“Te bidi sese sela olama, nogo si kibu be, te 70 yia silibo si da, teda ena Genuai Bidi, te eno te Babilon kingba me te aga we bidi dabe dwai dene mawaibao, te augwaligo yali dwai kolesaga wei ponaibao. Tama eno te Babilon tǫ kantri dolaibao, te tǫ Kaldia dao, tama te Babilon tǫ sesemane olo mu elalua paibao.

Jeremaia 30:15

Nago te keni halubaso, te gela hauwa wabo tagalao. Te keni me pedela sogobeo. Nago dwai sę hauwa yali, tama nago sęgę genuai elalubao. Tama tiyu eno te kolesaga nageba ebo dao.

Jeremaia 50:28

Te Israel me Juda meba te Babilon taga soyu, te Saionba wi ma asali. Odao! Augwa e tiwai po obao, “Genuai Bidi dena God, agai be dolali hani dabeba te dwai dene wei ponama, mabo dao,” wabo.

Jeremaia 8:16

Te boi bidi dabe te Dan hanigo tǫ te not badu pedelama, te dago odali, te augwaligo hos dabe te homu hę bomonama mu wabo odali. Te hos dabe ga wabogo te tigidali tǫ pedai mumunu yalio. Te boi bidi dabe asiyu, te taun Jerusalem dolama, tede bidibo we bidi me dolainu yali, te dago tǫde elalubo tigidali nai mu dolama, silainu yai dao.”

Te We Bidi Dabego Jerusalem Hagede Gela Wali 1:21

Te meba gasa we bidi hanigo eno ena te dene ebaso, gela wabo po odali. Tiali goli, ena dali hobede yabo bidi meni yai. Te eno boi bidi dabego nago enabolo te mani te genuai sęgę po odali. Tama augwaligo nago te yali sędę augwali wiegi yai homu pemene genuai mu ebao. Polobadu nago enabolo dwai dene maiabo bodolu muai dao. Tama te bodolu polo pedelalio. Tiali goli, megi da, eno homugo nago eno boi bidi dabeba me deli tiwai kolesaga me yao.

Te We Bidi Dabego Jerusalem Hagede Gela Wali 1:22

Nago eno yali dwai sę kone palama, tama nago ena dene manio. Tama tialima, nago megi da, te boi bidi dabego dwai kolesaga koneama, tama nago ena dali yali te kolesaga tiwai elama, tama nago te boi bidi dabe dene mao. Magi baso meni. Ena gela dwai odubao, tama eno bomo tamunaluyu, didibili elama, tulolueibao.”

Esekiel 29:6

Tama tialima, dage Isip dabego koneagameo, ena deli naga ena God Genuai Bidi dao homu yagameo.’ Te po te Isip king bidibolo wao,” wali. “Te po me agabolo pusao, ‘Te Israel dabego homugo tiai da, dage Isip dabego augwali tau sogowe homu yai da, te boi hwįbode. Tiali goli, dagego augwali me tau sai menio. King, te Israel dabe augwaligo homugo tiali, nage te nogo tolasa pabo bomai dono tiwai dao homu yali. Tiali goli, menio.

Esekiel 35:5

“Te po me augwalibolo wao, ‘Polobadu mu dage Idom dabego Israel dabe dali boi bidi elaluai dao, me eno te Israel dabe dolali sogo, me eno te boi bidi dabe tagala palama, augwali dali hwįagasali sogo me, dagego te Israel dali boi bidi elaluai dao. Te sogo asali boi bidi dabe dage Idom bagego tau selama, te Israel dabe elama, isilai dao.

Joel 3:8

“Te eno te Juda dabego te dagego wai ogwa dabe me wegi somainu ilaibao. Tama te Sabea dabe, te digibulu bidi dabego, te Juda dabeba aselama, te dagego ogwa me, wegi me, abelagaselama, te augwali digibulu sela paibao. Ena Genuai Bidi, eno te po wai dao,” wali.

Maika 4:11

Megi da, te boi bidi hauwago te dage dali hwįainu sisinanio. Augwaligo posobo po te tiwai obao, “Tegobao, dago te Jerusalem mu dolama, tama suao, aga te tiwai naga me elalua pomainu yaibao,” obao.

Maika 7:10

Polobadu te boi bidi dabego dabolo te tiwai posobo po wali, “God, duga Genuai Bidi, menade bidibawe?” wali. Tiali goli, nosali te Genuai Bidigo da tau sabo augwa sulama, te augwali hale dwai mu saibao. Te Genuai Bidigo augwali aiyaba elaluama, te augwaligo te tǫ pu aiyana pai, te bidi dabego sągągo agabo tiwai ebo sueibao.

Nahum 1:8

Te genuai ąį asobo tiwai elama, tama aga boi bidi dabe te Ninive bage te aiyaba mu elaluama, tama te agai po sela sąbo bidi dabe te ela muyu yaibao.

Habakuk 2:16

Te tama tiwai gilama, te Genuai Bidigo dagego genuai nogi elaluali aiyaba elaluama, te dage hale dwai mu yaibao. Te agai digi dagebolo dwai dene mu mabo sę elama, te agai duga digi te wain ąį hauwa mu tumainogo ebo tiwai elama, te dage gęǫ page dwai mu yaibao. Te dage tigi habu olo bidibo te bidi dabego sulama, tama dagego genuai nogi elaluali aiyaba tula palama, tama dage hale dwai umagi mu yaibao.

Sefanaia 2:8

Genuai Bidi Tigidali Bomo Elalubo Bidigo te tama po wali, “Te kantri Moap me kantri Amon bidi dabego eno we bidi posobo po olama, tama eno we bidi dali dwai po wabo eno polo odalio. Tama augwaligo hae olama, te po wali, ‘Augwaligo tǫ dago saibao,’ po wali.

Sekaraia 1:14

Tama te ensel bidigo enabolo Tigidali Bomo Elalubo Genuai Bidigo po te pusa mao po wali. Godigo te po wali, “Eno genuai homu dene mu te Jerusalem we bidi dabeba ebao, te eno genuai taun dao, tama eno augwaliba homu kone kone hauwa mu ebao.

Sekaraia 1:15

Polobadu ena we bidi dali sębę dwasianu yai dao, tama gasa hani bidi dabebolo augwali dene magasao po wai dao. Tialima augwali aselama, tama augwaligo eno we bidi dwasianu gana me dolobeo. Menio. Augwaligo te magi edelama, tama augwali mu tama mu dolama tagalalio. Tama tede megi te kantri dabe augwali bugagia bidiyu augwali sęgę meni yai goli, eno augwali dali sębę dwai mu ebao.

Sekaraia 12:2

“Eno te Jerusalem te kap wain me deli tiwai pedalumainu ilaibao. Tama te Jerusalem pąde elalubo tǫ kantrigo aga dolainu ebaso, te tǫ kantri augwali te kapde wain ąį tuai bidi dabe te gęǫ page dwagila mu ebo tiwai pedelaibao. Te augwaligo Jerusalemba boi hwįgi pabo side, te augwali pelama, te bagulali obo banis taun bagua sigi pelama, tama augwaligo te Juda dabego gasa taun dabe tigidali me bagua sela silaibao.

Sekaraia 14:2

Te Genuai Bidigo digi te tigidali bulu tǫ kantri ami bidi dabe sela aselama, te augwaligo dage Jerusalem dali boi hwįmainogo yaibao. Te augwaligo Jerusalem dabe aiyaba elaluama, tama augwaligo bede elaluali doado bage tigidali saibao, tama augwaligo te we dabeba me dwai kolesaga yaibao. Te we bidi hani dabe me badu bugai te augwaligo selama, te gasa bulu tǫ kantriba kalabus iligi pali, tama te hani me badu bugai te Jerusalemde bidaibao.

Sekaraia 2:12

Tama te Juda dabe augwali God aga te kantride bidaibao, tama augwali Godigo gedude wiegi yai we bidi mu bidaibao. Tama agai Jerusalem godolo mu eyu, tiwai meba taun dabe godolo egobeo, tama agai Jerusalem da aga hanu mu da tama waibao.” Genuai Bidigo te po wai.

Sekaraia 2:8

Tialima, Tigidali Bomo Elalubo Genuai Bidi aga te God aga genuai bomo ulade bidibo bidi dao. Agai aga we bidi dololali te kantri dabe homu kone ebao. Tama agai Jerusalem bagebolo e tama po walali, “Tialima bidi me deligo nage dolainu ebaso da, teda aga digi aga ma dolaibao.

Bomai Po 30:7

Tama te tigidali dwai dolabo sę dabe po eno dagebolo wali da, te Genuai Bidigo te dwai sę dabe te boi bidi dabe dage godolo isąma yali bidi dabeba pedalomainu yaibao, me te dage dali dwai sę yali bidi dabeba te dwai sę pedalomainu yaibao.

Kraisgo Geme Dualali Sę Pedelabo Po Jonbolo Ola Mani 13:10

Niwai bidi me deli te boi bidigo aga nogo dunama tama aga kalabusiba muabo sa muani bidi, te aga te kalabusiba pomainao. Niwai bidi me deli aga te poa pai gaia gego elabo sa muani bidi, te bidi augwaligo te ge hwągo mu ela mueibao. Te tiwai kolesaga augwalibolo pedalobaso da, teda te Godigo we bidi augwaligo Godide augwa homu bugagia kęą pai we bidi bidiyu, tama augwaligo te sęgę bugagia tolao.

1 Samuel 17:53

Te Israel dabego augwali pobeasa pelama, tama augwali te Filistia dabe bidali pesageba ma geasa aselama, tama te Filistia dabego taga pali tigidali doado bage te sali.