Jeremaia 30:10 - Godigo dwagi yai po buku

¹⁰ Genuai Bidigo te tiwai po wali, “Dage Israel, dage Jekopgo hani dabe, dage eno sę bidi me sę ebo we, dage wi me elama, midigi igio. Mu tama, eno dage digibulu bulude te kalabuside bidibadi ma saibao. Tama dage te duga tǫba digi ma aselama, te bugagia dugulaluagameo. Te niwai hani me deligo dage wi me iligobeo.

Jeremaia 30:10 Iomraidhean Croise

Tigidali Nai Gagalama Nigali Side 15:1

Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.

Aisaia 14:3

Genuai Bidigo dage Israel dabego dene me dwai sogo silama, tama dage Israel dabe bugagia bidaibao. Te gasa bagego dage aiyaba elaluama, tama augwaligo dage tonaluai dao. Tama dage bomai sę mu yai dao. Tiali goli, te tigidali sęgę dabe sia saibao.

Aisaia 35:9

Te dwai laion me, dwai hasa dabe me, te sunumidu me soagobeo. Menio. Te Godigo augwali ma sali we bidi dabe naga, augwali naga te sunumidu bilaibao.

Aisaia 43:5

Ena dage dali bidibao, dage wi me igio. Dage hani dabe te giliga pedalubo badu, me giliga dega sabo badu bidibo, te augwali eno ma odasa asaibao.

Aisaia 44:1

Genuai Bidigo te po wali, “Awe, eno dage dolomainu yaibao. Tiali goli, dage Israel dabe, dage Jekopgo hani, dagego odiąo. Ena digi eno dage dąį ilama, te dage eno sę bidi bidibao.

Aisaia 44:2

Eno dage te deli hani we bidi pedalumainu ilali. Eno dage sisi ilama, dage dąį iliyu, te dage tǫde pedalisiąbadi, te sogo te dage ena hani da olama, dąį ilibo tiwai yali. Te eno dage negeyu, tonalua asali, te megi e sogoba usu nagasobao. Ena digi eno dage dąį ilama, tama dage eno doloba pai sę bidi bidibao. Tama tialima, ena Genuai Bidi, eno te po obao, dage wi me elamu dao.

Aisaia 46:11

Eno te giliga pedalubo badu bidi me deli asao olama, i wali, agai te ba kemodage bola asobo tiwai yaibao, te agai eno yabo homu yali sę yaibao. Eno te sę yao po walio, te eno po wali tiwai gilama te tama pedelaibao. Te eno yaibao olama, dąį ilali sę, eno te sę ebo dao.”

Aisaia 46:13

Menio. Te pąba pedelalio. Te eno munu ma tonalugobeo. Te eno dage Israel dabeba boi bidi ebo bidi dabeba dene mu menama, te dage bugagia ma bidaibao. Te Jerusalem taun me wiegi yai bugagia ma ilaibao, te eno ena genuai nogi me bomo te dage Israel dabe tomode hania pepeli diliba pedalumainu yaibao,” wai dao.

Aisaia 49:12

Tialima, eno te digibulu bidalubo we bidi dabe, te not badu me, te giliga dega sigulubo badu me, asaibao. Te augwali te taun Aswan badu me asaibao,” wali.

Aisaia 49:25

Tiali goli, Genuai Bidigo Jerusalemba te tiwai po wali, “Mu tama, te eno nago hani dali ma siyu, te nago wiegi yai doado bage te bomai boi bidi dabe me te dwai king dabego nogode ma dobola saibao. Eno te nageba hwįani bidi dabeba te hwįbo wei ponaibao, te eno nago wai dabe ma saibao.

Aisaia 54:4

“Jerusalem, nage wi me igio. Te nage hale munu ma egobeo. Te bidi dabego posobo po nageba munu ma wagobeo. Te nage gesi ogwa bidi elalubadi hale sali, te nago homu kone mu gegeda palama, te sogo nagaduba te bidibo we tiwai homu ebo kone me isiąyu, te aga bidi isai we tiwai egobeo.

Jeremaia 23:3

Tama ena digi eno te dwasianu elalubo sipsip hani te eno augwali sela sąwani tǫ kantride sisinaibao. Tama eno te augwali te augwa obo tomoba ma odasa asaibao. Tama augwaligo te wai hauwa ame nenama, te umabo hauwa pedelaibao.

Jeremaia 23:4

Te ena Genuai Bidi, te eno gesi noma tonalubo bidi nigilama, tama augwaligo te sipsip dabe bugagia tonalueibao. Tama te sipsip dabego magi nai me delide wi me egobeo. Tama te sipsip deli me hagagobe dao,” wali.

Jeremaia 23:6

Te aga king bidibo sogo, te Juda dabe me Israel dabede te sęgę mu meni yaibao. Te eno augwali ma selama, te augwali bugagia bidaibao. Tama augwa te king nogi te tiwai waibao, Genuai Bidi aga te dago doloba pai kolesaga ebo page bidi da, waibao,” te po wai dao.

Jeremaia 29:11

Ena Genuai Bidigo, eno te dageba tau sabo sę te homude konea pali. Eno dageba wiegi yai bugagia ilaibao. Eno dageba dwai sę ebo hagela homu ebao. Dagego te eno yabo sę homu koneama, tama dagego te sę pedelabo tonaluao.

Jeremaia 29:14

Ena Genuai Bidi, eno po dolo obao, te dage ena pąba asomainogo ilaibao. Te eno dage bugagia wiegi yai ma bidimainogo yaibao. Tama eno dage tigidali habu badu te dage eno sela sąnama, bidada pali tǫ kantri usu nama, sesa bilaibao. Tama eno dage ma oda selama, te duga polobadu bidali buluba odasa asaibao,” wali.

Jeremaia 3:18

“Te sogo te Juda dabe augwali te Israel augwali dali deliba sisinama, te augwa kantri te not badu, te megi bidibo madi tagalaibao. Tama augwali te eno duga wąįba mani tǫba bidagasaibao, te augwa hanigo te tǫ sesemane elalua pidu bidaibao,” wai.

Jeremaia 30:3

Ena Genuai Bidi, eno te ena we bidiba yabo sę dąį ilali sogo elalubao, te Israel dabe me Juda te bugagia ma bidaibao. Te eno augwali te tǫ te augwa wąį nǫų dabeba polobadu mani tǫba ma odasa aselama, te augwa tǫ mu ma pedelaibao,” wali.

Jeremaia 30:7

Homu dene mu ebao, te dwai sogo mu me deli pedelaibao. Te dwai sogogo te gasa dwai sogo ebo tigidali aiyaba elalueibao. Eno we bidi dabe, te Israel dabe, augwali te sogo genuai sęgę elalueibao. Tiali digi, te eno augwali ma saibao.

Jeremaia 33:16

Tama te sogo Juda dabe me Jerusalemde me sęgęmeni yaibao. Te augwali bugagia dugulalueibao. Tamaaugwa Jerusalem nogi te tiwai waibao, ‘Genuai Bidi agate dago doloba pai kolesaga page bidi dao.’

Esekiel 16:52

Nage hale umagi mu yao, magi baso meni, te eno nago kolesaga dali, te naga ama sigo kolesaga me dagalobo sogo, eno suali, nago kolesaga te dwai mu eyu, te nago ama dabe augwali te sęgę meni yai we dabe tiwai pedelali. Tialima, megi da, naga te hale ebo kolesaga yali sęgęde te sęgę tolobaso, te nage dwai haliga yagameo,” wali.

Esekiel 38:11

Te nago homugo tiaibao, te hani augwaligo hwįsama eyu, me augwaligo magi dwai sę ebeo homu yaibao. Tama augwaligo taun dabe obogo bagua sai me elalubeo, te genuai sunumi paliabo nai me elalubeo. Me te augwali seselalubo nai dabe menio, te homu yaibao. Tama tialima, nago homugo augwali dali hwįgi pabo homu yaibao,

Daniel 12:1

Tama te bidi te da tǫde bidi tiwai, agai te Danielba te tama po ma wali, “Te sogo te polalubo ensel Maikel te pedelaibao, te dage Israel dabe tonalubo ensel dao. Te sogo te genuai sęgę mu pedelaibao. Polobadu te tobage sęgę tiwai te bulu tǫ kantri me delide pedalubeo. Te sęgę pedalubo sogo, teda te Godigo dage te Israel we bidi tigidali dobola ma saibao, augwali nogi te agai bukude elalualio, tama te augwali bugagia bidaibao.

Hosea 2:18

“Tama te sogo eno te dąų wabo bomai po kontrak te buside tigidali uni hasa, me hasamani dabe dali, me ba dabe dali te po dąų walaibao,” po wai. “Tama augwaligo te eno we bidi dabe me dologobeo. Tama eno te hwįbo doado bage tigidali sela sąwaibao, te bobobage bainat ge hwą, me enesigi ene sesemone, tama eno we bidi dabe te tǫde dua digi tegaluama bidiyu, te augwali wi munu me egobeo,” wali.

Hosea 2:20

“Eno te ena dąų wali po wali peyu, tama nage te eno we tiwai sesemane bidaibao. Tama nago te tiwai koneyu, ena tama te naga Genuai Bidi da homu yaibao,” wali.

Hosea 6:11

“Tama dage Juda me, te eno dagego yali sęde te dwai dene maiabo sogo bodolu muai dao,” Genuai Bidigo te po wai.

Joel 2:21

“Tǫ, nage wi me igio. Nage wiegi yai homu pemene elama, te bugai haliga yao, magi baso meni, ena Genuai Bidi, eno te wiegi yai sę hauwa nageba ebo dao.

Maika 4:9

Jerusalem, magi baso nage gela genuai obawe? Magi baso nage te wego wai ame nainu tudi eliyu, tigi dene ebo tiwai ebawe? Nago king meni da, agawe? Nago kolesaga page koneai bidi dabe isila pai da, agawe?

Sekaraia 3:10

Tama te bubuga pedalobaso da, teda dage deli deli duga abagi dabe i olama, dage dali bidagasomainu yagameo. Tama dage duga wain gi dabede dulaluyu, me duga fik ni dologode dulaluyu yagameo. Tama dage tigidali homu nagame elama, tama bugagia mu bidiagameo,’ Genuai Bidigo te po wali,” ensel bidigo enabolo te Genuai Bidigo po tama pusali.

Dwagi Yai Gesi Po Jongo Asęani 12:15

“Te dage Jerusalem hanu tomode bidiyu te bulu du nogi Saion tede bidibo bage, dage wi egio. Suao. Dagego tuni bidi asobo, aga kibu donki waide dualasa asobao,” te po polobadu bukude tama po asęani.