Jeremaia 3:6 - Godigo dwagi yai po buku

⁶ Te Josaia king bidali side, Genuai Bidigo enabolo te tiwai po wali, “Nago te enaba homu kęą pabo kolesaga tagalali we Israelgo ebo dwai kolesaga suyu digi eba, agawe? Aga te tigidali bulu duba holama, me te tigidali genuai ni dologoba pelama, te dwai penani kolesaga ebo dao.

Jeremaia 3:6 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 14:23

Megi tama te Juda hani dabe me augwaligo te lotu po wabo pesage te augwaligo te bulu dude me, te moni ni dologode me, tama ninigi pali. Tama augwaligo te masigigo te kąų ni tiwai te pos nigilama, tama augwaligo tulama, tama te tibo god we Asera noma te kąų nide te lotu po wabo pesagede wawalo pali, tama augwaligo te nomabolo lotu po wali.

Tuni Bidi Dabego Po Elalubo Buku Si 34:1

Te Josaia aga Juda dabego king pedelali sogo agai kibu be te 8 kibu be elaluali. Tama aga Jerusalemde aga kibu be 31 king bidali.

Godigo Nogi Ugwaba Sabo Tęąbi Po Wabo Buku Dabe 106:39

Te kolesagago augwali te God gedude meda yai pedelalio, tama augwaligo te God tudiba munama, tama augwaligo aga wali me pabeo.

Aisaia 57:3

Genuai Bidigo te tiwai po wali, “Dage te dwai kolesaga haniani ebo we bidi dabe, dage edaba asiąo, dage te pobi bidi dabe, me penani bidi dabe, me penani ebo we dabe te augwaligo wai dabe dao.

Aisaia 57:7

Dage te lotu wabo bulu du bageba holama, te ofa eyu, penani kolesaga yalio.

Jeremaia 1:2

Te Josaiago kibu be nogo si, sągągo sela, 13 kibu be wabode, te Emongo ogwa, te Juda king bidali sogo, Genuai Bidigo po Jeremaiabolo mabo gagalai dao.

Jeremaia 11:10

Augwaligo ena tagalama, te augwa wąį nǫų dabego dwai kolesaga wali ma pobao. Te augwaligo eno po sela sąyu, te augwa wąį nǫų dabego yali tiwai ebao. Te Israel hani me, Juda hanigo me, te tibo godiba lotu weyu, tama eno augwa wąį nǫų dabe dali dąų wali bomo yai po te bolobo dao.

Jeremaia 17:2

Sesemane sogo dage hanigo wai pulubago me te tibo god altaba homu kone kone eyu, te tibo god we Asera piksaba kone palu ebao, te dagego genuai ni dabe dologode muyu, me te tigidali bulu du bagede mubo dao.

Jeremaia 3:8

Israelgo we bidi dali bidibo tiwai elaluali, te togwali sogo te penani kolesaga hauwa mu ebaso, eno te bidigo we tagalobo pepa asęnama, te eno agaba menama, te aga sela sąwai. Aga ama, Juda da, agai tebo suali, tiali goli, aga wi dwasianu me ebeo. Menio. Tama eno suali, aga me pelama, te penani sę ebo kolesaga ela bilali.

Jeremaia 31:22

Dage te ena wegi wai tiwai, tiali goli, dagego ena tudiba muani. Mena sogo te dagego haliga si ebo tagalama, te enaba ma asaibawe? Ena Genuai Bidi, eno gesi noma kolesaga te tǫde yaibao. Te kolesaga e tama dao. Wego digi te bidi pageabi elama, te agaba hanalu, te aga godolo eba waibao,” wali.

Jeremaia 5:11

Te Israelgo Juda dabego ena tudiba mu muai. Ena Genuai Bidigo eno te po wai dao,” wali.

Jeremaia 7:24

Eno te tama po wali, tiali goli, augwaligo te po odama, te augwaligo wali me pabeo. Augwa te dwai kolesaga naga yabo homu elalu, te augwa hagoma eyu, te augwa homugo digi ebo sę wali piduali. Tama te ebogo augwali tau me sabeo. Menio. Augwa digi augwa aiyaba elalubo sę yali.

Esekiel 16:31

Te tigidali sunumide nago te tibo god dabeba lotu wabo pesage nigiyu, te penani ebo kolesaga ebao. Tialima, nage da, te gasa penani we dabego ebo kolesaga tiwai ebeo. Menio. Nago te kolesaga ebadi, tiali goli nago augwaligo te sabo mone tiwai me sabo homu ebeo.

Esekiel 16:35

Genuai Bidigo po ma weyu, te tama po wali, “Jerusalem, nage penani we da, ena God Genuai Bidigo po odao. Nago naga ugwa dabe pepeda sąnama, tama naga digi naga tigi te godolo ebo tigidali bidiba mobao. Tama nago te kugumini ebo kolesaga wali peyu, te tibo god dabeba lotu obao. Te nago naga wai dabe ela munama, te tibo god dabeba ofa tiwai mabo dao.

Esekiel 20:28

Te eno augwali mawaibao olama po dąų wali tǫba te augwali odasa asali sogo, augwaligo te genuai ni dabe te genuai bulu du dabe sulama, te augwaligo te homu eyu, te tibo god dabeba lotu wabo pesage dabe wiegi yai elaluba homu yali. Tama augwaligo te hasa dabe me wain dabe hauwa seselama, augwaligo ofa yali, te tiali kolesagade augwaligo ena haliga sębę dwai mu ilai dao.

Esekiel 23:11

“Te tomo wegi Oholibago te sęgę dabe te Oholaba pedalubo suali, tiali goli agai tede homu kone palobeo. Menio. Agai te penani sę ebo bomo umagi mu eyu, tama agai te Oholago yali dwai kolesaga aiyaba elaluai dao.

Esekiel 23:4

Te gomunai wegi nogi Ohola, te Samariade po kisilama wali, te Israel tǫ not badu kantrigo genuai taun da. Te tomo wegi nogi da, Oholiba, te Jerusalemde po kisilama walio, te Juda tǫ kantride saut badu elalubo genuai taun dao,” wali. “Tialima, eno te wegi si sali, te augwali sigo eno wai dabe ame nanio.

Hosea 11:7

Sesemane sogo augwaligo bomonama, ena tudiba muani, tialima eno augwaliba te mawainu ebo dwai dene te augwali me geda mugobeo. Te genuai sęgę augwalide elalubaso, te augwali dwai gela waibao. Tama te mena bidi me deligo te sęgę me sela sąwainu ebaso, usu me egobeo,” wai dao.

Hosea 4:13

Augwali te bulu duba holama, te tibo god dabeba ofa eyu, tama te wiegi yai denami ebo ofa me, te habu selali pesage te genuai ni page dologode te ofa ebo dao, magi baso meni, te ni dologode te wiegi yai tiwąi madi elalubaso yai.” “Tama tiyu, duga wegi dabe te sunumide bilalubo we dabe tiwai ebao,” wai. “Tama duga wąį we dabe me te penani ela bilibo dao.

Te Israel Tobolu Bidi Dabe 2:17

Tiali goli, te we bidi augwaligo te tobolu bidi dabego po me odobe. Augwaligo te Genuai Bidi tudiba munama, tama augwaligo te tibo godiba lotu po me udai, te bidigo aga we tagalama, te penani ebo weba pabo tiwai yali. Te augwa wąį dabe augwaligo te Godigo po wali pai, tiali goli te hani wai dabe polo hasegelama, tama augwaligo te tiwai kolesaga me ebeo.