Jeremaia 3:20 - Godigo dwagi yai po buku

²⁰ Tiali digi, menio. Dage Israel we bidi hani, dagego ena tagalama, te wego aga bidi tagalobo tiwai yali. Ena Genuai Bidi, eno te po wai dao.”

Jeremaia 3:20 Iomraidhean Croise

Aisaia 24:16

Te we bidi te tǫ sesegede digibulu bidibo bage augwali wiegi yai homu elama, tama augwaligo wiegi yai homu ebo tęąbi po wabo. Tama augwaligo te tęąbi po da e tama dao, “Genuai Bidigo nogi ugwaba sao. Agai tigidali sogo wiegi yai kolesaga mu ebo dao.” Tiali goli, eno e tama po wali, “Hobede mu dao. Ena wiegi yai homu mu egobeo. Eno haligade moni sęgę mu elama, eno olo dali mu sia sabo homu ebo. Magi baso meni. Te eno suali, te dwai sę eyu, ili po weyu tama ebo bidi dabego gasa bidi dabe ili po ola mani, augwali dali dwai sę yali, eno te po wali.

Aisaia 48:8

Eno te tama koneani, te eno gagalama, dage te deli hani we bidi pedalumainu ilali sogo, dage te po sela sąyu, hagoma ebo hani mu pedelali. Tama tibaso, eno te nai dabe po dageba hanilama, me pusubeo.”

Jeremaia 12:1

Genuai Bidio, nago doloba pai kolesaga sesemane sogo ebao, te eno nage dali po konila eyu wabeo. Tialima, te meba kolesaga eno konesiąwani, tama eno te nagebolo hanalu obao. Magi baso te dwai kolesaga ebo bidi dabe, te augwa sesemane sogo bugagia bidibo dawe? Magi baso te gagamu selibo bidi, me tibo po wabo bidi dabe, te augwa ebo sę bugagia mu ela pidubo dawe?

Jeremaia 5:11

Te Israelgo Juda dabego ena tudiba mu muai. Ena Genuai Bidigo eno te po wai dao,” wali.

Hosea 3:1

Genuai Bidigo enabolo te tama po ma wali, “Nago te naga we godolo ma yao, megi da agai te gasa bidi dali penani yali te palia salio. Nago aga godolo mu eyu, te eno ena we bidi Israel dabe, augwali godolo mu ebo tiwai gilama yao. Mu tama, te augwaligo ena tagalama, te tibo godiba pelama, tama augwaligo te olali wain wai dabe te tibo godiba ofa yainu sali. Tiali goli, tagalao, eno te Israel dabe godolo mu idubo dao,” wali.

Hosea 5:7

Augwaligo te Genuai Bidi tagalali, te wego aga bidi tagalama, te penani ela bilibo we tiwai yai. Tama augwa wai dabego te tama konebe, God te augwa aya mu da homu ebeo. Tialima, te dwasianu sogo gana, tama te boi bidi dabego augwali dolagasaibao, tama augwa tǫ dabe dali dolaibao,” wai.

Hosea 6:7

“Te we bidi dabe augwaligo te bulu Adam pesagede te wę Jordan nogelama, tama eno augwaliba te mani tǫba sabolali. Tama polo tama te eno augwali dali polobadu dąų walali po augwaligo togolama, bolai dao.

Malakai 2:11

Polobadu te Juda dabe me Israelgo te Godiba po dąų weyu, te augwaligo agai po wali paibao po wali. Tiali goli, augwaligo te dąų wali po bolalio, tama augwa te dwai sę mu me deli yalio. Te bidi dabego te tibo godiba lotu wabo gasa hani we dabe salio. Tama te tiali kolesagade augwaligo te Genuai Bidigo be meda mu ilalio.