Jeremaia 3:15 - Godigo dwagi yai po buku

¹⁵ Tama eno wiegi yai tonalubo bidi te ena kolesaga tiwai wali pabo bidi dabe nigilaibao. Augwaligo wiegi yai homude koneani kolesaga elalubao, te augwaligo dage bugagia tonalueibao,” wali.

Jeremaia 3:15 Iomraidhean Croise

Bugagia Bidibo Kolesagade Po Asęai Buku 10:21

Te doloba pai bidigo pogo te bidi hauwa tau saibao. Tiali digi, te wiegi yai homu isąwani bidi dabe da, teda augwali te isaibao, magi baso meni, te augwaligo augwa bidibo kolesagade homu kone paliyu, dolo dagalobo menio.

Jeremaia 23:4

Te ena Genuai Bidi, te eno gesi noma tonalubo bidi nigilama, tama augwaligo te sipsip dabe bugagia tonalueibao. Tama te sipsip dabego magi nai me delide wi me egobeo. Tama te sipsip deli me hagagobe dao,” wali.

Jeremaia 31:10

“Dage te me badu tǫ kantri hani we bidi dabe, dagego ena Genuai Bidigo poba bugagia olo muao. Tama dagego eno te po te digibulu bidibo we bidiba pusao, te tamu ąį u badu bidibao. Dagego te tiwai po augwaliba wao, ‘Genuai Bidigo te Israel dabe sela sąnama, tedela palali, tiali goli, agai augwali ma odasa asaibao. Te agai augwali bugagia mu tonalu, te tonalubo bidigo aga sipsip dabe tonalubo tiwai ebo dao.’ Te po wao.

Esekiel 34:2

“Tǫde bidio, nago te Israel dabe tobolu bidi dabe po tų ela mayu, nago e tama po wao, ‘Dage Israel dabego tobolu bidi dabeo, odiąo. Ena God Genuai Bidi, eno po dage dali elalubao. Dage dolaibao. Te Israel dabe augwali da, te sipsip kibu dabe tiwai dao, tama dage da, te sipsip tonalubo sę elalubo bidi dabe tiwai dao. Tiali goli, dagego duga naga ma tonaluyu ebo dao, tama dagego te sipsip dabe tonalubo menio.

Esekiel 34:23

Tama eno ena sę bidi Devitgo hanide bidi me deli sa munama, tama aga eno sipsip dabe tonaluabo bidi nigilama, tama agai eno sipsip dabe augwali bugagia tonalumainu yaibao.

Esekiel 37:24

Tama eno sę bidi Devitgo hani bidi me deli augwaligo king bidaibao. Tama aga deli naga augwaligo tonalubo bidi bidaibao. Tama augwaligo eno bomai po me, eno gasa po wali peyu yaibao.

Dwagi Yai Gesi Po Lukgo Asęani 12:42

Tama Genuai Bidigo wei ponoyu, te po wali, “Te eno te kolesaga elama, dwagi yai sę ebo bidibolo obao. Aga genuai bidigo te bidi te sę tigidali tonaluabo genuai bidi me ma nigilaibao. Te bidi te gasa sę ebo we bidi dabe nai dobayabo sogo dobayabo genuai bidi me nigilaibao.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

1 Korin 2:6

Te tǫde kolesaga koneai bidi dabego kolesaga eno dagebolo ola masiąwani goli, te Godigo Mobo Bidigo te Godide ola mabo po page kuna konebo usu yali we bidi augwalibolo eno te koneani kolesaga po pusubo dao. Tiali goli te tǫde bidi dabego koneani kolesaga po me wabo meni. Tama te tǫde tobolu bidi dabego kolesaga me dago wabo meni, te augwaligo bomo kimi megi meni ebo.

1 Pita 2:2

Te tobage dwai sę egimio. Te menio. Te tamadi ame nani wai bǫų aga bomo eyu, te ame pę naga tuabo homu ebo dao. Tama dagego homu te wai bǫųgo homu ebo tiwai gilama, dagego Godigo po naga sao, te gasa po dali talusiąwai po dao. Te po naga sao. Tama tiyu, dage bugagia holoyu bidao, te God agai dage ma dobola sabo sę silabo sogo tonaluao.

1 Samuel 13:14

Tiali goli, megi da, nage te king bidibo te sesabi elama, bobage sogo me bidigobeo. Nago te Genuai Bidigo po wali me pabe, tama tibaso, agai te bidi wiegi yai me deli te Genuai Bidi homude godolo ebo kolesaga ebo bidi gegelama, tama agai te bidi te aga we bidigo king bidi nigilama bidimainu yaibao,” wali.