Jeremaia 3:11 - Godigo dwagi yai po buku

¹¹ Tama Genuai Bidigo enabolo po ma weyu, te tiwai po wai, “Israel me Juda, augwali si te bidi tagalubo we si tiwai yali. Augwaligo te enaba homu kęą pabo kolesaga tagalai dao. Tiali goli, te Judago yali dwai sę te genuai mu elama, te Israelgo ebo dwai sę aiyaba elaluai dao,” wali.

Jeremaia 3:11 Iomraidhean Croise

Jeremaia 11:10

Augwaligo ena tagalama, te augwa wąį nǫų dabego dwai kolesaga wali ma pobao. Te augwaligo eno po sela sąyu, te augwa wąį nǫų dabego yali tiwai ebao. Te Israel hani me, Juda hanigo me, te tibo godiba lotu weyu, tama eno augwa wąį nǫų dabe dali dąų wali bomo yai po te bolobo dao.

Jeremaia 3:22

Genuai Bidigo te po wai, “Dage te hagoma ebo wai puluba dabe, dage enaba ma asiąo. Te eno dagego ena te duga tudiba mubo kolesaga dodolama, te dage ena dali bugagia bidimainu yaibao.” Tama te we bidi dabego po wei ponoyu, te po wai, “Awe, megi da, da nageba ma asaibao, magi baso meni, nage God, te dago Genuai Bidi dao.

Jeremaia 3:7

Eno e tama homu yali, agai te hagoma kolesaga eyu bolo elama, tama enaba ma asaibao. Tiali goli, menio. Aga te ma asobeo. Te aga ama, Juda, te we sabo kolesaga togobo we, agai te Israelgo kolesaga suai.

Jeremaia 3:8

Israelgo we bidi dali bidibo tiwai elaluali, te togwali sogo te penani kolesaga hauwa mu ebaso, eno te bidigo we tagalobo pepa asęnama, te eno agaba menama, te aga sela sąwai. Aga ama, Juda da, agai tebo suali, tiali goli, aga wi dwasianu me ebeo. Menio. Tama eno suali, aga me pelama, te penani sę ebo kolesaga ela bilali.

Esekiel 16:47

Polobadu te wegi ama nami sigo dwai kolesaga mu yali, tama nago augwali sigo te kolesaga wali pali. Tiali goli, tego nago godolo ebo homuba usu nubeo. Menio. Te sesabi menisąbadi, te pąde sogo te nago kolesaga te dwai mu umagi elama, tama te wegi ama nami sigo yali dwai kolesaga aiyaba elaluai dao.”

Esekiel 23:11

“Te tomo wegi Oholibago te sęgę dabe te Oholaba pedalubo suali, tiali goli agai tede homu kone palobeo. Menio. Agai te penani sę ebo bomo umagi mu eyu, tama agai te Oholago yali dwai kolesaga aiyaba elaluai dao.

Hosea 11:7

Sesemane sogo augwaligo bomonama, ena tudiba muani, tialima eno augwaliba te mawainu ebo dwai dene te augwali me geda mugobeo. Te genuai sęgę augwalide elalubaso, te augwali dwai gela waibao. Tama te mena bidi me deligo te sęgę me sela sąwainu ebaso, usu me egobeo,” wai dao.

Hosea 4:16

Te Israel dabe augwali te hagoma ebo bulmakau dabe tiwai yai. Augwaligo homugo te eno augwali te sipsip tonalubo bidigo te aga sipsip dabe tonalubo tiwai yaibao homu yali. Tiali goli, augwali te hagoma mu eyu, te eno usu me egobeo.