Jeremaia 28:11 - Godigo dwagi yai po buku

¹¹ Tama aga te we bidi dabego gedude dolugulama, te po walio, “Genuai Bidigo te tiwai po walio, ‘Te tama deli kolesagade naga te Nebukatnesargo, te we bidi dabeba me te tigidali tǫ kantriba domonani ni nami pedai te eno alua sąwaibao. Te kibu be si silisąbadi, eno te tiwai yaibao,’ Genuai Bidigo te po wai,” Hananiago wali. Jeremaiago te po odolama, aga palio.

Jeremaia 28:11 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 13:18

Tialima, te monu dabe profet bidigo te agabolo e tama po wali, “Ena me te nage tiwai bidi profet bidi dao,” wali. “Tama Genuai Bidigo sę ebo ensel bidi me deli asama, enabolo e tama po wagasali, ena nage ma pelama, nage oda sigi pelama, tama eno nage ma odasa, eno beba pelama, te me badu nai dabe nage mayu, tama me te nage tuabo ąį me mayu yao po wai.” Tiali goli, te monu dabe profet bidigo agabolo ili po ola mani.

Te Israel me Juda Hani Sigo Tuni Bidigo Po Elalubo Buku Deli 22:6

Tialima, Ahapgo te profet bidi dabe asomainu i wali. Te bidi sese nogo si sągą si, te 400 profet bidi dabe sabalubaso, te Ahapgo augwaliba te tiwai po hanalu wali, “Eno te Ramot taun ma sainu boi hwįgi pobaso usu yaibawe, ma meniwe?” Te augwaligo te tiwai po wei ponani, “Te usu da, nage pagameo. Genuai Bidigo nage tau sobaso, te nago augwali aiyaba elalueibao,” wali.

Tuni Bidi Dabego Po Elalubo Buku Si 18:10

Sedekaia te Kenanago ogwa me deli dao, aga te 400 profet bidi me deli dao. Agai ain dage me deli selama, tama kau kibugo gąų tiwai geselai dao. Tama megi da agai aga tobolude te gąų munama, Ahapbolo e tama po wagasali, “Genuai Bidigo te po wali, nago boi hwįnama, tama augwali aiyaba elaluaibao. Te nago augwali te e gąųgo augwali enene pelama, augwali mu siligi paboba usu nigi paibao,” wali.

Bugagia Bidibo Kolesagade Po Asęai Buku 14:7

Te wiegi yai homu kolesaga meni yani bidi dabede digibulu bidao. Te augwaligo nageba te wiegi yai homu kolesaga me magobeo.

Jeremaia 14:14

Tama Genuai Bidigo enabolo te tiwai po wai, “Te profet bidi dabego eno nogide tibo po pusubao. Eno augwali me tagala palobeo, tama eno po augwaliba me mabeo. Te po profet dabego dageba pusali po, te tibo po augwa homude digi pusali. Augwa te po wali, augwa te nade subo tiwai yali po wali, tiali goli, augwa tibo po wai. Tama augwa te nai dabe pedelaibao po wali, tiali goli, augwa te tibo po pusubao homu yai dao.

Jeremaia 23:17

Te we bidi augwaligo eno po sela sąbaso, te profet dabego augwaliba te tiwai po waibao, ‘Te dage bugagia bidaibao.’ Te hagoma elama, augwa homu wali pabo we bidiba, te profet dabego augwaliba te tiwai po waibao, ‘Te dwai nai dageba me pedalogobeo.’”

Jeremaia 28:15

Jeremaiago te po pusulama da, tama agai Hananiaba te po ma wali, “Hanania, nago odao. Genuai Bidigo nage me tagala palobeo. Tialima, nago te we bidi dabe tibo po ola mobaso, te augwaligo nago po homude dąų wali.

Jeremaia 29:9

Te profet po augwaligo eno nogide pusaibao, te tibo po naga obao. Ena Genuai Bidi, eno po dolo obao, eno po augwaliba me mabeo,” wali.

Esekiel 13:7

“Megi eno te tiwai po dage profet dabeba obao, dagego te po weyu, dagego te nade subo nai tiwai suali po olama, tama dagego te nai dabe pedelaiba po obao. Tialima, dagego te wabo mu po me wabeo. Te tibo po naga obao. Dagego te we bidi augwaliba te tiwai po waliyu, ‘Te e po da, Genuai Bidigo po obao,’ wali, tialima ena God, eno po me deli dageba me mabeo.