Jeremaia 27:5 - Godigo dwagi yai po buku

⁵ ena digi eno e tǫ ena genuai bomogo nigali, tama me te eno te we bidi dabe nigali, me te tǫde bidalubo hasa sibi nigai. Eno digi ena homu wali peyu, eno te bidi dabe augwaliba tǫ dobabo dao.

Jeremaia 27:5 Iomraidhean Croise

Tigidali Nai Gagalama Nigali Side 1:25

Godigo te be pąde bidabo haniani kibu dabe me, te bulude bidabo genuai hasa me, dwasianu hasa dabe te pedalumainogo nigilama, pedelai. God aga digi te nigila silali nai tigidali sulama, tama aga wiegi yai homu pemene yai.

Tigidali Nai Gagalama Nigali Side 9:6

Te bidigo gasa bidi ela mubosi, aga digi te bidi dabego nogode isimainogo yaibao, magi baso meni, ena God eno bidi nigali, te ena noma bidi tiwai digi nigali.

Esra 1:2

Te king Sairusgo po te tiwai, “God, Genuai Bidi, te tigidali dagalude nai tonalubo bidi, tama agai ena Sairus sa munama nigilali, te tigidali tǫ pedai tonalubo bidi pedalumainu ilali. Megi da, te agai enabolo weyu, te agai be me deli te Jerusalem taun, te Juda tǫ pedaide sę yao po walio.

Nehemia 9:22

“Nago te dago wąį nǫų dabego te king Sihon te Hesbon bulu tǫ bidi dali, me tama te king Ok te Basan tǫ pedai bidi si dali hwįmainu ilali. Tama augwaligo te augwali si aiyaba elaluama, tama augwali sigo tǫ salio. Tama te tǫ te augwa genuai tǫ pedai mu pedelai dao.

Godigo Nogi Ugwaba Sabo Tęąbi Po Wabo Buku Dabe 102:25

Polobadu mu nago te tǫ nigali. Tama naga nogogo digi nago te dagalu nigiyu, tama ugwade elalubo nai tigidali nigai dao.

Godigo Nogi Ugwaba Sabo Tęąbi Po Wabo Buku Dabe 96:5

Magi baso meni, te gasa hani we bidi dabego tibo god dabe te augwali tibo god naga dao. Tiali goli, Genuai Bidigo te dagalu dali, te ugwadu elalubo nai tigidali nigai dao.

Ma Dobola Sali 20:11

Nago te tama tiao, te magi baso meni, te a naga olama me badu nogo kibisa deli sogo naga Genuai Bidi eno te tǫ dagalu, me te tamu ąį, me te tigidali elalubo nai nigai. Tiali goli, te a naga olama me badu nogo si wali, te me deli sogo eno olo bidiyu, toma tuai dao. Tama tibaso, Genuai Bidi eno te Sabat side te gasagi yai side te me tedali mu ilai. Tama te side te eno bodolu dolo mu dao.”

Ma Dobola Sali 6:6

“Tama tibaso, nago te po Israel hani dali wao, ‘God agai te po wai, “Ena digi ena Genuai Bidi Yawe dao. Eno dage te Isip hanigo nogode selama, tama te augwaligo sęgę dagebolo mabo tede me eno selama, tama dage olo mu bidimainogo yaibao. Tama eno bomogo augwali dene mu somainogo menama, tama dage eno genuai bomogo dobola ma saibao.

Aisaia 42:5

God Genuai Bidigo te dagalu me tǫ nigilama, te augwa pesageba munama, elalubao. Tama agai te tǫde haniani nai ni me nosai pedalumainu ilali. Tama agai te bidibo ula te tǫde we bidi dabeba mobo ponama, mawai. Te Godigo aga sę bidiba te tiwai po wali,

Aisaia 44:24

“Ena Genuai Bidi, ena dage tudibadu pogwalu, te dage ma dobola sabo bidi, eno naga eno sisilama, dage dąį ilali, te ena hani da olama, te dage e tǫba pedalisiąbadi tama tiali. Eno te tiwai po dageba wainu ebao. Enaduba deligo naga eno te tigidali nai pedela silimainu ilali. Eno naga eno te dagalu me tǫ nigilama, te augwali bidabo pesageba munama, te megi elalubo dao.

Aisaia 45:12

Eno naga eno te tǫ nigali, te bidalubo we bidi dabe me nigali. Te ena digi eno te giliga, me polua, me hǫ dabe tonalubo dao.

Aisaia 48:13

Te ena nogogo digi eno nigilama, te tǫ page eno dąų walali, te eno dolo nogogo te dagalu diniginama, elalubao. Eno te dagalu de tǫ si i wabo sogo, te polo tama augwali si aselama, te eno geduba dolagasobo dao,” wali.

Aisaia 51:13

Te dagego Genuai Bidi, enaba homu kone gegeda palali homu yali. Eno tama eno dage nigali. Eno te dagalu aga pesagede muani, te eno nigilama, eno te tǫ page dąų walali. Magi baso dage te elaluama, te dolainu ebo dwai bidi dabede wi ebawe? Te bidi dabego dageba magi sę me egobeo. Augwa haliga sębę te odolali silaibao.

Jeremaia 27:4

Te bidi dabeba te po walao. Ena te Israel Godigo obao, ena Tigidali Bomo Elalubo Genuai Bidigo eno e tama po dagego genuai bidi dabe dali elalubao,

Jeremaia 32:17

“O God, Genuai Bidi, te nago genuai bomogo nago te dagalu me tǫ nigai dao. Te nago isą yabo sę deli me elalube dao.

Jeremaia 51:15

Te aga bomogo digi Genuai Bidigo te tǫ nigai dao. Awe, aga wiegi yai koneani homu kolesagade agai te tǫ dodolama muai dao. Aga homu kolesagade agai te dagalu nigiyu elama, diniga palali.

Daniel 2:38

Agai nago te tigidali tǫde bidibo we bidi hani, me tigidali hasa sibi, me ba sibi, te tonalumainu ebo bidi nigali. Te nade te augwaligo te tobolu golgo nigali tiwai, te nage digi dao.

Daniel 4:14

Agai i bomonama weyu, te tiwai po wali, “Te ni degemainu, te gelao,” wali. “Tama te aga nologo dabe togwao, tama te yabe dabe selama, subigila tedela palao,” wai. “Te ni dologode bidibo kibu hasa sibi dabe sela sąyu, te ni nologode dugulalubo ba sibi dabe te sela sąyao.

Daniel 4:17

“Te nai dabe tonalubo mobo bidi ensel dabe, augwaligo te nai dabe pedalumainao po obaso, te tigidali bidigo konemainu yali, te Ugwadu Bidibo God Mugo te tigidali we bidi tonalubo dao. Te agai homugo digi te bidi dabe king pedalumainu sa mubo da, te genuai nogi elalubo bidi me, te olo bidi tama me, te tagalao, te agai digi sa mubo dao.” Te ensel mobo bidigo te po wai,’ eno te po Danielba wali.

Daniel 4:22

King o, te ni da, te nage tama dao. Nago genuai nogi mu te we bidi tigidaligo gedude elalubao, tama nago bomogo te tigidali bulu tǫ habu usu nama tonalubo dao,” wali.

Daniel 4:25

Nago te we bidi dabe bidibo pesage tagalama, tama nage pelama, te uni hasa dabe dali bidigi paibao. Nage te kibu bulmakau dabego nosai dabe tubo tiwai eyu, tama nage bulude piaibao, tama te hulide tulubage segeni tulubo te nageba idubadi, te kibu be 7, teba usu nigi paibao. Nage te tiwai bididubadi, te nago te tiwai te Ugwadu Mu Bidibo Godigo te tigidali we bidi tonalubo homu konebo teba usu nigi pabo teba usu naibao. Te aga homugo digi, agai te bidi dabe te king pedalumainu ebo dao.

Daniel 5:18

“Odao. Te Ugwadu Mu Bidibo Godigo te nago wąį Nebukatnesar te bomai genuai king pedalumainu ilali. Tama agai genuai nogi elalu, te ugwanu egulama, tama ugwadu daide mu elaluai dao.

Godigo Sęba Tagala Palai Bidigo Po 14:15

“Dagego te kolesaga egimio. Dadi si me bidi dage tiwai tama dao,” wali. “Dadi si dage pageba asali, Godigo dwagi yai po dagebolo pusa mawainogo asai dao. Tama dagego te odolali lotu po wabo tibo god tudiba muiyąo. Tudiba munama, dagego te God mu pageba asiąo, hauwa sogo bida bida peduabo God pageba asiąo. Agai te dagalu me, tǫ me, tamu ąį me, tigidali tede bidibo nai dabe me agai nigai dao.

Godigo Sęba Tagala Palai Bidigo Po 17:24

“God agai tǫ me, tǫde bidibo nai tigidali me nigai dao. Te God agai tigidali nai dagalude elalubo nai me, te tǫde elalubo nai me, tigidali aga naga tonalubo dao. Tama tibaso, bidigo nogogo sę yai lotu be tomode aga bidibo menio.

Godigo Sęba Tagala Palai Bidigo Po 17:26

Godigo hasia mu bidi me deli nigai (te bidi nogi Adam). Tama nosali te bidi deligo te tigidali haniani bidi dabe dalali. Tama Godigo tigidali bidi dabe tigidali buluba dobayali, augwa te bulude bidimainu yai. Tama God aga digi polobadu mu augwali te bulu dabede bidabo sogo bodolu munama, dąį ilai dao.

Bomai Po 2:19

Tama dage te Amon dabego bulu pąba paibao, te Lotgo wąį hani bidi dabe bidalubo digi. Tiali goli, dagego te bage augwali te sębę elama, tama wado yabo sę me elamuo, magi baso meni, te tǫ eno augwalibolo mawai dao, tama eno te augwaligo tǫ dagebolo me te tǫ dage me magobeo,’ Genuai Bidigo te po wai.”

Bomai Po 2:21

Tama augwali me te Anak dabe bobobage bidi dabe tiwai dao. Augwali hani te hauwa mu dao, tama augwali bomai bidi dabe mu bidai dao. Tiali goli, Genuai Bidigo augwali mu silama, tama te Amon dabego augwali hasegeliyu, tama te tǫ selama, tama augwali te tǫde bidibao.

Bomai Po 2:7

“Dagego te sę dabe gegeda pelamuo. God dago Genuai Bidigo da tigidali te wiegi yai sę naga yali. Agai dage wiegila mu te nai meni yai bulude bugagia mu tonaluali. Te kibu be bidi sese si 40 agai da bugagia tonalubao. Aga dage dali bidibao, tama dage magi nai me sǫą pabeo,” wali.

Bomai Po 2:9

Tama Genuai Bidigo enabolo te po wali, ‘Dagego te Moap dabe dali dwai sę me elamo dao,’ po walio. ‘Augwali te Lotgo wąį hani dao. Tama augwali dali wąbi me hwįnamuo. Magi baso meni, augwalibolo eno te hanu Ar mawai dao. Tama eno augwaligo tǫ dage dwasianu dagebolo me magobeo,’ Godigo te po wali,” Mosesgo te po wai.

Bomai Po 32:8

God ogwa dagalu bidi, aga digi te tigidali we bidi hani bidabo pesage dobola menama, tama augwali bidabo digi dąį elama, mawai dao. Tama hasia bolo agai te Israel dabe nedama, augwaligo namba wali pelama, tama augwaligo tǫ dąį elama, tama tebogo gasa hani we bidi bidabo digi nosali dąį ilai dao.

Bomai Po 4:25

“Tama nosali, dage te tǫde bobobage sogo bidama, tama dagego wai dabe me dagego wąį wai puluba dabego me bidiyu, tama dagego dwai kolesaga eyu, dagego te tibo god me geselamuo. Ma, dagego te tobage nai dabe geseliyu da, teda dagego sęgę saibao. Te da, te Godigo gedude dwai kolesaga mu dao, tama te kolesaga aga sębę mu ilaibao.

Bomai Po 4:32

“Dagego polobadu bidaliba ma kone paliawe, te dage ame nisąbadi? Tama me te Godigo hasia bidi me deli nigaliba kone palawe. Te dage te tigidali tǫba pobadi goli, tagalao, dagego te tobage genuai sę tiwai me pedalobo sugobeo. Te tobage sę po polobadu bidi mego odai elalubawe? Menio.

Bomai Po 4:35

Genuai Bidigo te sę dabe ola mani da, teda dagego konemainu te yali dao, te aga deli digi naga God bidibao olama konemainu te yali dao. Tama te gasa God me bidibeo. Mu menio.

Bomai Po 5:16

“‘Dage duga ida aya dologode elaluyu, tama augwaligo po wali piąo, te ena God, dagego Genuai Bidi, eno dagebolo wabo yali gilama. Tialima, dagego te tama sę eyu da, teda dagede tigidali sę wiegi yai mu pedelaibao. Tama dage eno megi te mabo te tǫde dage bobobage sogo mu bidaibao,’ wali.”

Bomai Po 9:29

Hobede mu tama, Genuai Bidi, nago te we bidi naga we bidi mu dao olama, sa muai dao. Tama naga genuai bomogo augwali Isipde oda selama, odasa asai dao. Tama tialima, nago augwali doligio,’ eno te gedu haluasa po tama wali,” Mosesgo te po wai.

Kolosi 1:16

Magi baso meni. Godigo agabolo te sę yao olama, tama agai te dagalude nai tigidali dali, tǫde nai tigidali dali nigai. Agai dago subo nai me dago susiąbo nai te tigidali agai nigai. Te dago gedugo susiąbo dagalude bidibo ensel mobo bidi tonalubo bage dali, te haniani tuni bidi dabe dali, te tobolu bidi dabe dali, te bomo elalubo bidi dabe dali, agai augwali tigidali nigai. Tigidali elalubo naide Godigo agabolo nigao olama, tama agai nigilama, tama te Krais aga nogi ugwaba somainogo eyu bidibo dao, te aga te tigidali naigo peni dao.

Hibru 1:2

Tiali goli megi e sogo da, te nosali pedalobo sogo tiwai mu yali, te Godigo aga Ogwago pedauwalidu agai po dabolo pusai dao. Te aga Ogwago nogogo me te Godigo te tǫ dali dagalu dali te tigidali nai nigai dao. Tama Godigo agai te tigidali nai nosali somainogo aga sa muai.

Kraisgo Geme Dualali Sę Pedelabo Po Jonbolo Ola Mani 4:11

“Genuai Bidi, nage dago God dao. Tigidali bidigo nage dali wiegi yai homu ebo te usu mu nage dali emainogo, tama tiyu nago nogi ugwaba siyu, tama augwali nage dologoba bidagasomainogo tebo dao. Magi baso meni, nago tigidali nai nigai. Te naga homugo digi nago te nai nigilama pedalai, tama megi te nai tigidali e tǫde elalubao,” augwaligo te po agabolo wabo dao.