Jeremaia 26:2 - Godigo dwagi yai po buku

² “Ena Genuai Bidi, eno po obao, nage te eno be mesalo obo tomoba pelama, te bidi sisinibo pesageba doligi pelama, te Juda taun we bidi dabe tigidaliba po pusao, augwali te eno be tomoba lotu wainogo asaibao. Eno nagebolo mani po tigidali, te nago augwaliba pusao. Nago po deli me tagalamu dao.

Jeremaia 26:2 Iomraidhean Croise

Jeremaia 1:17

Tiali goli, nage da, nage sisi elama, hogodama pao. Te tigidali po eno nageba mani, te nago augwaliba pusao. Nage wi me isiąma, augwalide habu bulu me kila sigio. Nage tama tiyu da, teda te ena digi eno nage wi iliyu, te augwali gedude habu bulu kila somainu yaibao.

Jeremaia 1:7

Tiali goli, Genuai Bidigo e tama po enabolo wali, “Nago te tiwai po weyu, nage gesi ogwa bidi mu naga da wagio. Menio. Te eno nage gasa bidi hani meba bidiboba tagala palobo sogo da, teda nage augwaliba pagameo. Te eno nageba maiabo po tigidali, te po nago pusao,” wali.

Jeremaia 19:14

Tialima, ena Jeremaia, eno te Genuai Bidigo po wali pelama, tama ena te bulu Tofetba pelama, tama agai te po pusali. Te nosali, eno te bulu Tofet tagalama, ena Jerusalem hanu tomoba pelama, te Genuai Bidigo beba peyu, tama ena te bidi sisinibo genuai pesageba doligi palio. Tama eno te tigidali we bidiba te tama po pusalio,

Jeremaia 23:28

Ena Genuai Bidi, eno po dolo obao, te profetgo odolali na yali da, agai te na yali po miaibao. Tialima, eno te bidi me deliba po mawai ebaso da, teda agai eno te po dolo pusao. Eno po da, te wiegi yai nai wit ge wai tiwai elalubao, tama te profet dabego po wit aga bo ma wali tiwai olo nai dao.

Jeremaia 25:2

Profet Jeremaiago te po te tigidali Juda me Jerusalem we bidiba pusali. Agai te tiwai po augwaliba wai dao.

Jeremaia 28:5

Tialima, profet Jeremaiago te profet Hananiago po te pris dabego gedu, me te Genuai Bidigo be pąde dolalubo we bidi dabego gedude, te agai po wei ponai dao.

Jeremaia 36:10

Aga te Genuai Bidigo be tomoba doligi pelama, tama Jeremaiago po te bukude elalubo po tigidali nedelama, te tigidali we bidigo odali. Barukgo te buku nedebo sogo, aga te be habu sunumi me deliba doligi pali, te Gemariago be habu, te Safango ogwa. Polobadu Safan te kingo kuskus sę ebo bidi bidali. Te be habu te sisinibo pesage ugwadu elaluali, te Genuai Bidigo be sunumi pąde, augwa nogi eyu Gesi Sunumi Dao wai.

Jeremaia 42:4

Tama profet Jeremaiago augwaliba te tiwai po wali, “Te dagego wabo pode eno usu da po obao. Te dagego enabolo hanalu wali po wali gilama, te dagego Genuai Bidi Godiba gedu haluasa po weyu, hanalu waibao. Te Genuai Bidigo enaba mena po wei ponobaso da, te eno dagebolo pusaibao. Eno te po me deli dagede geme dualugobeo,” wali.

Jeremaia 7:2

“Nage pelama, ena Genuai Bidigo tempel be sunumiba doligi pelama, tama eno po te enaba lotu wagi soyu tomoba soabo te Juda dabeba pusao. Nago augwaliba te po weyu, ena Genuai Bidigo poba olo bugagia muao po wao. Eno po e tiwai dao.

Jeremaia 7:27

“Tialima, Jeremaia, nago te po tigidali te Israel dabeba pusao, tiali goli, augwaligo te po me odogobeo. Nago augwaliba i udao, tiali goli, augwaligo nago i wabo wei me ponogobeo.

Esekiel 3:10

Te Godigo gasa po me weyu, te tiwai wali, “Tǫde bidio, te eno nageba wainogo ebo po tigidaliba olo bugagia muao, te nago po me deli homugo me gegeda pelamu dao.

Esekiel 33:7

“Tǫde bidio, eno nage Israel dabe tonalubo bidi nigilibao. Te eno bomai po augwalibolo pusabo po elalubaso da, teda eno nagebolo menama, tama nago augwalibolo pusa magameo.

Esekiel 40:4

Tialima, te bidigo enabolo e tama po walali, “Tǫde bidi, eno nagebolo waselainu ebo nai dabeba bugagia mu tonaluao. Me nago odainu ebo poba bugagia olo saganama odao. Magi baso meni. Godigo nage odasa asali, te nagebolo eno te nai dabe ola momainu, tama nosali nago Israel dabebolo eno te pusa mani po pusao,” te bidigo enabolo te po wali.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Dwagi Yai Gesi Po Lukgo Asęani 19:47

Te Jisas agai te sę yali. Te deli deli sogo agai te we bidi dabebolo ola mani po wali, te Moni Lotu Be tempel tomode. Tama te pris tuni bidi dabe me, te Godigo polobadu wali po koneani bage me, augwaligo Jisas elabo tų gegali. Te Juda dabe tuni bidi dabe me, augwaligo Jisas elabo tų gegebo gagalali.

Dwagi Yai Gesi Po Jongo Asęani 18:20

Jisasgo aga dali po wei ponoyu, tama po wai, “Eno we bidibolo mani te po eno bulu ulade hania wai dao. Eno te we bidibolo po ola mabo sę eyu, tama te bomo yai po ola mabo be tomode te sę eno yali, ma te Moni Lotu Be tempel, tede me eno te sę yai dao. Te be dabede te Juda bage sisinibo bulude eno augwalibolo eno po hania ola mawai dao. Tama eno po geme dualama bulu tomode me wabeo.

Dwagi Yai Gesi Po Jongo Asęani 8:2

Jisas aga kigamu digi mu te Moni Lotu Be tempel teba ma pai. Tama we bidi hauwa augwali Jisas agaba asai. Tama Jisas aga dualama, te we bidi po ola mabo ma gagalali.

Godigo Sęba Tagala Palai Bidigo Po 20:20

Te dage tau sabo po eno yogo yai menio. Duga bede me, duga sisinibo pesagede me, eno te po dugabolo eno umabo sogo pusa mawai dao. Te po duga koneai dao. Dage tau sabo po eno me deli dualai menio.

Godigo Sęba Tagala Palai Bidigo Po 5:25

Bidi me deli te be tomoba aselama, agai augwalibolo te po wai, “Odao. Dagego kalabusiba muai bidi dabe, augwaligo te we bidibolo po ola mobao, te Moni Lotu Be tempel, tede dolalubo,” wali.

Godigo Sęba Tagala Palai Bidigo Po 5:42

Tama te Moni Lotu Be tempel tede me, te we bidigo bede me, augwaligo sesemane sogo te Dwagi Yai Po te we bidibolo pusa mayu ola mani, te Jisas da, Godigo sa muai bidi Krais dao po wai.

Bomai Po 12:32

“Dagego eno dagebolo walali te sę dabe naga eyu yao. Te gasa bomai po ugwadu ma daganebo, me te bomai po me deli sela sąbo tagalao, te habu mu dao,” Mosesgo te po wai.

Bomai Po 12:5

Genuai Bidigo dage lotu po wabo pesage me deli dage hanigo tǫde sa muaibao. Tama te pesagede naga te we bidi augwali pąba aselama, tama augwali agaba lotu po omainao.

Bomai Po 4:2

Te God dago Genuai Bidigo megi agai e mabo bomai poba dagego duga gesi noma bomai po me teba daganamuo, te megi eno dagebolo e mobao. Tama dagego te Godigo bomai po me deli sela sąnamuo. Dagego te bomai po tigidali tama wali piąo.

Josua 8:35

Megi da, Josuago te Mosesgo asęani bomai po tigidali mu nedama, tama tigidali Israel we bidigo odai. Te we dabe sibi me, te wai puluba me, te gasa buludu aselama augwali dali bidibo we bidi, augwaligo me te nedali po odai.

Kraisgo Geme Dualali Sę Pedelabo Po Jonbolo Ola Mani 22:19

Me ma, bidi me deligo te e bukude elalubo po, te nosali pedalabo sę po, te po meba agai sela sąyu da, teda Godigo te agabolo maiabo sa muani nai sela sąwaibao. Tama tiyu, te bidigo te bidabo ula mabo nide te du sogobeo. Tama aga te dwai sę isiąbo wiegi yai hanude bidabo madi tede bidigobeo. Te nai side po e bukude elalubao.