Jeremaia 26:16 - Godigo dwagi yai po buku

¹⁶ Jeremaiago po ola silibo si da, teda te tobolu bidigo, me te tigidali we bidigo te pris dabeba me te profetba te tiwai po wali, “Te bidigo te dago God Genuai Bidigo nogide te po pusalio. Agai dwai sę me elalubeo, tama tialima, dago aga me ela mugobe dao,” te po wai.

Jeremaia 26:16 Iomraidhean Croise

Esta 4:14

“Te megi e sogo nago pedauwali pania sobaso da, teda gasa nai mego da tau saibao. Tiali goli, nage da isaiba, tama nago we wai hani dabe augwali te mu silaibao. Tiali goli, nage te gavman tuni we kwin pedelaligo te da megi sogo tau sogowe, te dago konebeo,” Mordekaigo te po ola tolali.

Godigo Nogi Ugwaba Sabo Tęąbi Po Wabo Buku Dabe 94:16

Niwai bidigo ena tau selama, tama te dwai sę ebo bidi aiyaba elaluaibawe? Niwai bidigo ena tau selama, te dwai sę ebo bidi sela sąwaibawe?

Bugagia Bidibo Kolesagade Po Asęai Buku 16:7

Te bidigo te Genuai Bidigo wei homu yabo tobage kolesaga dabe ebaso da, teda te Genuai Bidigo aga tau siyu, te tigidali bidi, me te aga boi bidi dabe dali, te augwali aga dali bugagia bidimainu tau saibao.

Jeremaia 26:11

Tialima, te pris dabego me, profet dabego me, te po te tobolu bidiba, me te we bidi dabe tigidaliba te tiwai po wali, “Te bidi isimainao, magi baso meni, agai te po wai, te taun dolaibao. Duga digi agai te profet po wali odai dao,” wali.

Jeremaia 34:10

Te tobolu bidi hauwago me, te gasa we bidi hauwago me, te dąų wali po te usu da wali, tama tigidali dąų weyu, augwa te olo sę ebo bidi me, olo sę ebo we me tolalugobeo wali. Augwa po mia selama da, teda augwa olo pomainu tagala palai.

Jeremaia 36:19

Tialima, ofisa dabego Barukbolo te tiwai po wali, “Nage pelama, Jeremaia selama, dage si geme dula sigi pao, tiyu genuai bidi dabego te po odama, te dage si dali wado yabuo. Te dage si dula sigi pabo pesage te bidi me deligo konemainogo me elamu dao,” wali.

Jeremaia 36:25

Elnatan, me Delaia, me Gemaria, te bidi selago te buku isiba ulugio po bomo yali, tiali goli kingo augwaligo po me odobeo.

Jeremaia 37:15

Te tobolu bidi dabego Iriyago po odama, te augwaligo Jeremaia dali wado po dwai mu wali. Te augwaligo aga keloago elama, te aga kalabus ilama, te kuskus Jonatango beba muani, magi baso meni, te Jonatango be augwaligo te kalabus be tiwai pedelama elaluai dao.

Matyu 27:54

Tama te enesigi bidi dabego tobolu bidi aga ami bidi dabe aga dali te Jisas tonaluali bage, augwaligo te tǫ mali ebo me te sę dabe pedalobo sulama, tama augwali moni wi mu yalio. Augwaligo te po wai, “Mu tamao, te bidi aga te Godigo Ogwa mu dao,” te po wai.

Dwagi Yai Gesi Po Lukgo Asęani 23:41

Augwaligo da si elali da, te augwaligo doloba pai kolesaga yalio. Da sigo sęgę sali da, te usu tama da si yali sęde tialio. Tiali goli, e bidi Jisas da, agai magi dwai sę deli ebeo,” Jisas dali elali bidi mego te po wai.

Dwagi Yai Gesi Po Lukgo Asęani 23:47

Te enesigi bidi dabego tuni bidigo te sę suai, tama agai Godigo nogi ugwaba siyu, agai te po wai, “Mu tamao, te bidi Jisas doloba pai bidi mu dao,” te bidigo te po wai.

Godigo Sęba Tagala Palai Bidigo Po 23:29

Tama tilama, Pol agai yali po page eno odali. Augwaligo aga po tų yali Juda dabego bomo yai po me badu pode. Tama augwaligo aga elabo dwai kolesaga me ebeo. Tama augwaligo te dwasianu pode aga kalabus me egobeo.

Godigo Sęba Tagala Palai Bidigo Po 23:9

Tama te umabo bidi dabego bomonama, moni po dagą wali. Me badu te Farisi bidi sibi me, augwaligo te bomo yai po ola mabo sę eyu, dolaluali. Tama augwaligo sębę ebaso, te po bomonama wali, “Dago te bidigo dwai kolesaga me yai subeo. Mobogo me, ensel bidi me agabolo te po wali bogo,” te po wali.

Godigo Sęba Tagala Palai Bidigo Po 25:25

Tiali goli, ena digi gegali, te aga elabo po page menio. Tama aga digi enabolo hanaluama, te po wai, ‘Te Rom moni gavman bidi Sisar pageba ena tagala palao,’ wali. Tama te po obaso, eno aga Sisar pageba tagala palaibao.