Jeremaia 26:14 - Godigo dwagi yai po buku

¹⁴ Tialima, ena da, te duga nogode bidibao. Tama dagego enade magi sę me deli yainogo, tama dagego homugo te kolesaga wiegi yai doloba pai da homu ebaso da, teda dagego te sę eyu naga yao.

Jeremaia 26:14 Iomraidhean Croise

2 Samuel 15:26

Tiali goli, agai enade wiegi yai homu pemene isiąbaso da, teda tagalao. Te agai mena sę enade yainogo homu yali da, aga te sę emainu yaibao,” Devitgo Sadokbolo te po wali.

Tuni Bidi Dabego Po Elalubo Buku Si 24:22

Kingo pris Jehoiada aga ayago yali te wiegi yai kolesaga aga dali yali te konebeo, te Sekaraia aga ayago yali kolesaga. Menio. Agai Sekaraia olo dali mu elama isilali. Tama Sekaraia aga isainu te po wali, “Genuai Bidigo dagego te ebo sę sulama, tama aga dage dene mayabuo,” wali.

Esta 3:11

Tialima, megi da, king bidigo agabolo te po wali, “Te mone da, tagalao. Nago magi sę te we bidide yainogo wida, nago te naga yao,” wali.

Jeremaia 26:15

Tialima, eno homu dagego te tiwai konemainogo ebao. Mu tamao, Genuai Bidigo digi ena tagala palobaso, te ena aselama, te eno pusali po dageba pusagasalio. Tama te ena dagego ela mubaso da, dagede te magi dwai sę deli me isąwai bidi odolali elali, te sęgę elalueibao. Tama te dwai sę yali te taunde elalu, te tigidali taun we bidi dabede te sęgę elalueibao,” Jeremaiago te po wai.

Jeremaia 38:5

Tialima, king Sedekaiago augwaliba te tiwai po wei ponani, “Te dage nogode bidibao. Eno dage me paligobeo,” wali.

Daniel 3:16

Tialima, Satrak, me Mesak, me Abetnego, te bagego te po wali, “King, te nago da selade yainu ebo sęde te dago magi po me menio.

Josua 9:25

Tiali goli, megi da te nago nogode bidibao. Mena sę nago homude te dwagi yai dolo da homu ebaso, te sę nago dabolo yagameo,” wali.