Jeremaia 26:10 - Godigo dwagi yai po buku

¹⁰ Te sogo Juda tobolu bidi dabe te kingo bede bidalu, te sę yali po odalio. Tialima, augwali hogodasa pelama, te Genuai Bidigo beba ugwa holali. Tama augwali te augwa bulu pesagede dugawali, te nogi Gesi Sunumi da wabo sunumi pąde elaluai dao.

Jeremaia 26:10 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 15:35

Tiali goli, Jotam agai te tibo god dolo lotu po wabo bulu du pesage dolobe. Tama tiyu, te tigidali we bidigo te lotu po wabo pesageba holama, lotu po wabo sę bomo mu eyu, tama augwaligo te pesageba pelama, tama te denami yai ofa nai ula mayu, me te denami yai hano ebo pauda me selama, uluyu iduali. Jotamgo te po obaso, tama augwaligo te Genuai Bidigo tempel be obo tų ma nigao po wali, augwaligo te tų nogi eyu Ugwadu Obo Tų dao. Tama po obaso, augwaligo te sę yali.

Tuni Bidi Dabego Po Elalubo Buku Si 27:3

Te Jotamgo te sę bidi dabebolo walama, augwaligo te Genuai Bidigo tempel be sunumi, augwaligo Ugwadu Sunumi wabo, te sunumi ma geselali. Tama augwaligo te Ofel dwasianu bulu du, te Jerusalem tomode, tede elalubo obo dodolobo sę hauwa mu yali.

Jeremaia 20:2

Tama Pasurgo po obaso, te augwaligo keloago te Jeremaia elama, te augwaligo aga te Genuai Bidigo be obo sunumi pąde aga kalabus ilali, augwa te nogi poali, te Benjamingo Sunumi Ugwaba Dao wali.

Jeremaia 26:21

Tama te king Jehoiakim dali, te tobolu bidi dabe me, aga ami bidi dabego dali Uriago te po odolama, tialima, te kingo aga ela muabo sunumi gegali. Tialima, Uriago kingo te sę yabo po odolama, te aga wi ebaso, te Isipba wi pai dao.

Jeremaia 26:24

Tialima, te we bidi augwaligo te Jeremaia ela muainogo yali sogo, Ahikam, te Sefango ogwago, te Jeremaia tau selama, te augwaligo agade dwai sę me ebeo.

Jeremaia 34:10

Te tobolu bidi hauwago me, te gasa we bidi hauwago me, te dąų wali po te usu da wali, tama tigidali dąų weyu, augwa te olo sę ebo bidi me, olo sę ebo we me tolalugobeo wali. Augwa po mia selama da, teda augwa olo pomainu tagala palai.

Jeremaia 34:19

Eno te bulmakau pedai asegai si tomode bidali we bidi tigidalide te tiwai sę yaibao. Te Juda me Jerusalem tobolu bidi dabe, me te kingo bede bidibo ofisa bidi dabe, me pris dabe, me te gasa we bidi dabe tigidali dao.

Jeremaia 36:10

Aga te Genuai Bidigo be tomoba doligi pelama, tama Jeremaiago po te bukude elalubo po tigidali nedelama, te tigidali we bidigo odali. Barukgo te buku nedebo sogo, aga te be habu sunumi me deliba doligi pali, te Gemariago be habu, te Safango ogwa. Polobadu Safan te kingo kuskus sę ebo bidi bidali. Te be habu te sisinibo pesage ugwadu elaluali, te Genuai Bidigo be sunumi pąde, augwa nogi eyu Gesi Sunumi Dao wai.

Jeremaia 36:25

Elnatan, me Delaia, me Gemaria, te bidi selago te buku isiba ulugio po bomo yali, tiali goli kingo augwaligo po me odobeo.

Esekiel 22:27

“Te gegunai bidi dabe augwali te bulu uni yowi dabe tiwai eyu, te hasa elama, te tologolama tubo sę tiwai yali. Te gegunai bidi dabe augwaligo te mone me doado bage hauwa sabo homu eyu, te bidi dabe augwali ela munama, te augwaligo doado bage sabo dao.

Esekiel 22:6

“‘Te Israel polalubo bidi dabe, augwali tigidaligo te augwa bomode tigidali sę ebo usu da homu yali. Tiyu, augwaligo te bidi dabe ela mubo sę yai dao.