Jeremaia 25:3 - Godigo dwagi yai po buku

³ “Josaiago kibu be nogo si olama, sągągo selade gagalama, te Emongo ogwa, te Juda king bidali, tama megi e sogoba usu nagasu, te kibu be bidi sese deli olama, sela elalubao. Tama te kibu be dabede ena Jeremaia, eno te Genuai Bidigo enabolo mani po pusudu geali. Tialima, dagego odobo hagela yai dao.

Jeremaia 25:3 Iomraidhean Croise

Tigidali Nai Gagalama Nigali Side 22:3

Tialima, kigamu digi mu Abrahamgo te moni kibu donki me sisi elama, te Aisak sobadi, te aga sę bidi me si dali sali. Agai te ofa yabo bagawai isi meba sobadi elama, tama agabolo te Godigo po wali pesageba palio.

Te Israel me Juda Hani Sigo Tuni Bidigo Po Elalubo Buku Deli 22:3

Tama Ahapgo te Israel ami polalubo ofisa bidi dabe augwaliba te tama po wali, “Dagego koneani, te Gileat tǫ pedaide te Ramot taun te dago taun elaluai, tiali goli te Siria dabego sali. Te magi baso dago dena te taun te Siria dabe kingo nogode ma sabo sę me deli ebe dawe?” wali.

Te Israel me Juda Hani Sigo Tuni Bidigo Po Elalubo Buku Si 17:13

Tama te Genuai Bidigo te profet bidi dabe me te nosali pedalubo sę koneai bidi dabe me augwali te Israel haniba me, me te Juda haniba me tagala palali, tama augwalibolo bomai po e tama wali, “Dagego kolesaga begelama, tama dagego te dwai kolesaga ebo sę tagalama, tama dagego te tigidali bomai po te eno po odama wali pao,” wali. “Te bomai po dabe me te eno te dagego wąį nǫųbolo mawai po dao, tama te po dabe te eno sę ebo bidi dabego eno ola mobaso, augwaligo pedauwalidu pusai dao, te bage te profet bidi dabe dao,” te po wali.

Tuni Bidi Dabego Po Elalubo Buku Si 24:19

Tama Genuai Bidigo profet dabe tagala palali, tama bomai po dabe augwalibolo olama, augwali agaba ma asomainu ilali. Tiali goli, te we bidi augwali po sela sąbo sę genuai mu yali, tama augwaligo te profet dabego po odobeo.

Tuni Bidi Dabego Po Elalubo Buku Si 34:1

Te Josaia aga Juda dabego king pedelali sogo agai kibu be te 8 kibu be elaluali. Tama aga Jerusalemde aga kibu be 31 king bidali.

Tuni Bidi Dabego Po Elalubo Buku Si 34:3

Te Josaia aga king bidibadi kibu be te 8 kibu be wabode, agai kibu be 15 elaluali, agai aga wąį king Devitgo Godiba lotu po wabo gagalali. Tama aga king bidibadi 12 kibu be ebode, agai tigidali sę bidi dabebolo olama, tigidali Juda me Jerusalem buluba pelama, augwali bolo tibo godiba lotu po wabo pesage, me god we Aserago piksa noma, me gasa tibo god piksa augwaligo nogogo nigai ni god, me aingo nigai god doligi pao po wali.

Tuni Bidi Dabego Po Elalubo Buku Si 34:8

Te Josaia aga king bidibadi 18 kibu be wabode, agai te tibo god dabe sela sąnama, Godigo tempel be me aga kantri Godigo gedude wiegi yai ilali. Tama tialima nosali agai bidi sela te Genuai Bidi aga Godigo tempel be dodolabo sę ebo tonalumainu tagala palali. Te bage selago nogi e dao, Safan te Asaliago ogwa, me Masea te Jerusalem hanu tonalubo tobolu bidi, me Joa te Joahasgo ogwa. Joa aga kingo kuskus bidi dao. Te bidi sela augwali te Livai dabe te Genuai Bidigo tempel be sunumi tonalubo bidi dabe pageba pali. Augwaligo polobadu te

Tuni Bidi Dabego Po Elalubo Buku Si 36:15

Tiali goli Genuai Bidi augwa wąįgo God agai aga we bidi me aga be dali dolobo hagela yali. Tama tibaso, agai te profet dabe hauwa mu agai po te we bidi dabebolo pusumainogo tagala palidu geani. Magi baso meni, agai augwali hobede mu ebaso.

Godigo Nogi Ugwaba Sabo Tęąbi Po Wabo Buku Dabe 81:13

Eno wei mu ebaso, tama eno hani bage augwaligo te eno po odomainu homu yali. Tama eno homugo te Israel dabego te eno homu sesemane wali pomainu homu ebao.

Ma Dobola Sali 8:20

Genuai Bidigo Moses dali te po wai, “Tama kigamu mu tuni bidi węba asaibao,” wai, “tama aga asobadi nago aga sulama, tama eno po agabolo wao, ‘Genuai Bidi Yawego te po wai, “Eno we bidi lotu po enabolo omainogo pomainao.

Aisaia 55:2

Magi baso dagego te duga mone te dage tau sisąyabo nai dabede odolali silama, te dage nai sili bidaiwe? Magi baso dagego te tubo nai sabo sę dene elama, tama tede sabo monego magi baso te dwai olo nai naga abelebo dawe? Te eno poba bugagia olo muao, te eno wabo po tiwai gilama yao, te dagede eno mabo haniani nai mu pągąnalueibao. Awe, dagego homugo tede wiegi yai pemene mu yaibao.”

Jeremaia 1:2

Te Josaiago kibu be nogo si, sągągo sela, 13 kibu be wabode, te Emongo ogwa, te Juda king bidali sogo, Genuai Bidigo po Jeremaiabolo mabo gagalai dao.

Jeremaia 11:7

“Te eno duga wąį nǫų dabe te Isipde selama, odasa asali sogo, eno augwaliba bomai po mayu, te tiwai po wali, te eno po augwaligo wali pao wali. Te sesemane sogo eno te tobage deli po naga dagego hani dabeba udali, te megi e sogoba usu nagasobao.

Jeremaia 19:15

“Da Israelgo God, aga te Tigidali Bomo Elalubo Genuai Bidi, agai te tama po walio, ‘Bugagia odiąo. Dage Jerusalem we bidi, me te Jerusalem pąde bidibo we bidi, dage tigidaligo te hagoma eyu, te dagego eno po odobo hagela homu yali. Tama tialima, eno te dwai sę tigidali dageba pedalumainogo yaibao, eno te tiwai sę yaibao,’ po wai dao,” eno te po wali.

Jeremaia 22:21

Te nage bugagia bidibo sogo, te nago doado bage hauwa elalubo sogo, eno po nagebolo mobadi, tialima, nago te tama po wai, ‘Eno nago po odobo hagela ebao,’ wali. Sesemane sogo nago eno po sela sąwani. Nago kolesaga te tiwai, te nage gesi ogwa bidide dąį elasa, te megi e sogoba usu nagasali dao.

Jeremaia 25:4

Hauwa sogo polobadu Genuai Bidigo profet dabe, te aga sę bidi dabe, dageba tagala paludu geai, tialima, dagego hagoma eyu, te augwaligo poba olo sagana mubeo.

Jeremaia 26:5

‘Te eno sę bidi, te eno profet dabego, dagebolo mabo po tigidali te wali pao. Hauwa sogo eno te profet dabe tagala palama, te dageba po pusagasali, tiali goli, dagego augwaligo po wali me pabeo.

Jeremaia 29:19

Ena Genuai Bidi, eno te sę augwaliba yaibao, magi baso meni, augwaligo eno po sela sąwani. Hauwa sogo eno te profet dabe tagala palama, te eno sę bidi dabe, dage Israelba tagala palali, tiali goli, dagego augwaligo po me odobeo.’”

Jeremaia 32:33

Augwaligo ena tudiba naga munama, te augwali ena pageba me asobeo. Eno hauwa sogo augwali ola mani, tiali goli, augwaligo eno po odisąyu, ma eno augwali ola momainogo ebeo.

Jeremaia 35:14

Polobadu Jonadap, te Rekapgo ogwago, aga hani dabeba te po weyu, augwaligo te wain tulamuo wali. Te megi tama me, te Rekap dabego te augwa wąį nǫųgo wali po bugagia wali pelama, tama augwa te wain me tubeo. Tiali goli, eno dageba hauwa sogo po madu geai, te dagego eno po me odobo menio.

Jeremaia 35:15

Hauwa sogo eno sę bidi, te profet dabe, te dageba tagala palidu geai. Tama augwa te po wali, dage deli deligo te duga homu begelama, dwai kolesaga tagalama, te duga kolesaga dodolao. Te dagego tibo godiba tibo po ola mayu, te augwaliba lotu me wagimio. Dagego eno te po wali pobaso da, teda dage te eno duga wąį nǫų dabeba me dugaba me mani tǫde bugagia bidaibao. Te profet dabego te tobage po pusali, tiali goli, dagego eno po me odisąyu, te wali me pabeo.

Jeremaia 36:1

Te Jehoiakimgo kibu be me si me si elalubadi, te Josaiago ogwa, te Juda king bidali sogo, Genuai Bidigo Jeremaiabolo mayu te tiwai po walio,

Jeremaia 36:2

“Te buku me deli selama, te eno nagebolo mabo po tigidali asęao, te sę dabe te Israel, me Juda, me gasa bulu tǫ kantri dabeba pedelaibao. Nago te po tigidali asęao, te hasia sogode mu gagalama, te eno nagebolo mawai, te king Josaiade gagalasa, te megi e sogoba usu nagasobao.

Jeremaia 44:4

Hauwa sogo eno ena sę bidi dabe, te profet dabe, te dage Juda dabeba tagala palai. Te augwaligo eno po e tiwai pusali, “Dagego eno homu godolo isąbo te kugumini yai kolesaga dabe igimio,” wali.

Jeremaia 7:13

Te megi me, dagego te tobage dwai kolesaga ebao. Hauwa sogo eno dagebolo te dwai kolesaga tagalao po wali, tiali goli dagego te po odobo hagela yali. Te eno dageba i wabo sogo, dagego eno i wabo wei ponobeo.

Jeremaia 7:25

Te duga wąį nǫų dabego te Isip tagalama asali sogo, tede gagalasa, te megi e sogoba usu nagasobao, eno sesemane sogo ena sę bidi dabe tagala palobo sę idubao, te profet dabe, te augwali aselama, te po dageba pusagasobao

Esekiel 33:4

Tama tialima, te bidi me deligo te biugel bu wabo odama, tama aga wi pelama, tama duala sabo pesage gegegi pisąma yai digi, tama te boi bidi dabego aga elama isilali da, teda te bidi aga dagede aga isai dao. Magi baso meni. Ma, aga duala sigi pigi sogo da, teda aga me isigi menio.

Sekaraia 1:4

Dagego duga wąį dabego yali sę tiwai igimio. Te eno poloba profet dabego augwalibolo te dwai kolesagaba tudi ola mao po obadi, augwaligo te dwai kolesagaba tudi ola mawai menio. Tiali goli augwaligo eno po odai menio.

Dwagi Yai Gesi Po Makgo Asęani 1:35

Te sogo kigamu digi mu aga hodaluama, tama agaduba buluba dią solama, tama te bidi meni yai madiba me pelama, aga Godibolo po wainogo yai.

Dwagi Yai Gesi Po Jongo Asęani 8:2

Jisas aga kigamu digi mu te Moni Lotu Be tempel teba ma pai. Tama we bidi hauwa augwali Jisas agaba asai. Tama Jisas aga dualama, te we bidi po ola mabo ma gagalali.

Dwagi Yai Gesi Po Jongo Asęani 8:47

Godigo wai dabego da augwaligo Godigo po tigidali odobo dao. Tiali digi, dage Godigo wai dabe menio. Tama tibaso, dagego bomo elama dagego Godigo po sabo homu ebo menio,” Jisasgo te po wai.