Jeremaia 24:2 - Godigo dwagi yai po buku

² Me basketde te ni kaya fik du wai wiegi yai mu elaluali, te ni fik du te gide polasa inawai elalubo tiwai yali. Te gasa basket wa mede te ni kaya fik du wai te dwai mu elaluali, te bidigo tuabo ąǫ isąwai dao.

Jeremaia 24:2 Iomraidhean Croise

Aisaia 5:4

Eno koneani. Eno dwagi yai sę yali, te gide dwagi yai wain du walaiba weyu, tiali goli magi baso mu te wain du dwasianu mu walama, tama pedauwalide ha yaliwe? Te gi tonalubo sę me deli te eno bugagia dolo ebewe?

Aisaia 5:7

Te Juda we bidi, me Israel we bidi, te Genuai Bidigo Tigidali Bomo Elalubo Bidigo wain gi tiwai dao. Agai godolo mu elama, agai augwali bugagia mu tonalubo dao. Te we bidi dabego wiegi yai doloba pai kolesaga naga emaina homu ebo dao. Tiali goli, augwaligo dwai kolesaga ebo dao. Agai homugo augwaligo gasa we bidi dabe dali wiegi yai kolesaga emai homu ebo dao. Tiali goli, augwaligo gasa we bidi aiyaba elaluama, tama augwaligo augwali dali boi bidi homu kolesaga ebo dao. Tama te aiyaba elaluali we bidi dabego i wabo agai odali.

Jeremaia 29:17

‘Ena Genuai Bidigo, Tigidali Bomo Elalubo, eno te po obao, eno te Juda tǫ kantride bidalubo hani bidi dabeba boi bidi tagala palama, hwįagasaibao. Tama eno te nai dage menia sobadi elama, te dwai gasi saibao. Tama augwali te dwai ni kaya fik du walama, te bidigo tusą yabo tiwai yaibao.

Hosea 9:10

Genuai Bidigo te po wai, “Hasia mu eno dage Israel suali, te dwagi yai mu elaluali, te bidi me deligo te wain ni te wa pai tǫde pedelama, te nai walali subo tiwai yali. Dagego te wąį nǫų dabe augwali te podolali hani wai te ni kaya fik te tau hasia ebo tiwai yai, dwagi yai bidali. Tiali goli, nosali augwali te bulu du Peorba sabolali sogo, tama hasia sogo augwaligo te tibo god Balba lotu wali, augwa te tibo god godolo mu elama, tama augwali dwai pedelali, te Bal tiwaigo mu pedelai dao.

Maika 7:1

Hobede ya, ena dwai mu bidibao. Ena te nasi ebo bidi tiwai elama, te tuabo wiegi yai nedu du me deli gegebeo. Te tigidali wain ni du me, ni kaya fik du me, augwa te tigidali sela silalio.

Nahum 3:12

Tama te boi bidi dabego te dagego bomai taun sainu sinabo sę me egobeo. Menio. Te bomai taun dabe te ni kaya fik tau yai tiwai elalubao. Te bidi me deligo te niba pemebaso da, te nai tau dabe te aga pedauwaliba dolo tudulalueibao.

Israel Hanigo Namba 18:13

Te hasia tau yali nai dabe te Israel dabego enabolo maiabo nai, te dagego dao. Te tigidali dage hani we bidi eno gedude wiegi yai dao, te augwaligo selama tumainao.

Matyu 5:13

“Te dage konealubo po dąų wabo we bidi dabe, dage e tǫde bidibo we bidi tomode bidiyu, tama dage te tamu aga sę ebo tiwai eyu bidiąo. Te tamu aga pusu te tubo naibolo mabo dao. Tama dagego dwagi yai kolesaga ebogo te gasa we bidi augwaligo ebo kolesaga dwagi yai ilao. Tiali goli, tamu halia peyu pusu ebo tagaliyu da, teda dago magi ilama te tamu aga pusu yali ma saibawe? Menio, te tamugo da, te sę ma egobeo. Te bidi dabego sela sąyu naga eyu, tama augwaligo sągągo agabo dao.”