Jeremaia 23:40 - Godigo dwagi yai po buku

⁴⁰ Eno dage te hale dwai mu ilama, tama te hale sesemane sogo elalua paibao, tama dagego tede homu kone palobo te ma tagalogobe dao,” wali.

Jeremaia 23:40 Iomraidhean Croise

Jeremaia 20:11

Tialima, Genuai Bidi, nage te bomai ami bidi me deli tiwai elalu, te nago ena tialu tau sainu elalubao. Tama te bidi dabego enaba dwai sę pedalumainogo yali, te dwai sęgo augwa aiyaba ma elaluama, te augwaligo ena aiyaba elalueinogo ebaso, usu me egobeo. Mu menio. Te augwa dwai hale mu eyu, tama augwa te hale te tigidali sogo elaludubadi, te me siligobeo.

Jeremaia 24:9

Te gasa bulu tǫ kantri tigidali we bidigo te sę eno te Juda dabeba yali po odolama, te augwali wi elama, nogo hogwayu, te dwai noma saibao. Tama eno te boi bidi dabe tagala palama, te augwali ela muagasaibao, te augwali nasigo isiyu, me te dwai gasigo augwali dolama isaibao. Tama eno augwali meba te tǫ kantri dabeba tedela palaibao. Te tama tebo kolesagago te eno augwaliba me te augwa wąį nǫų dabeba mani tǫde bidibadi mu silaibao. Tama eno te Juda dabe sela sąbo te tǫ kantri we bidi dabego, te augwali Juda dabeba dolama posobo po waibao. Me te gagali po wabo tiwai yaibao. Tama te we bidi dabego te augwa boi bidiba digi i ola mabo po wabo sogo, te augwa te tiwai po waibao, ‘Dage te Juda dabe dolali tiwai gilama dolomainao,’ te po waibao,” wali.

Jeremaia 42:18

“‘Ena Tigidali Bomo Elalubo Genuai Bidi, ena Israelgo God, eno po dolo obao, polobadu eno haliga sębę umabo mu te Jerusalemba elama, te eno augwali mu dolai dao. Te tiwai naga, te dage Isipba pobaso da, teda eno haliga sębę umabo mu elama, te dage dolaibao. Te gasa bulu hani we bidi augwaligo eno te dwai sę dageba yali po odolama, te augwali wi elama, nogo hogwabo tiwai eyu, midigi dwai mu yaibao. Te augwaligo dage dolama, posobo po waibao. Te augwa boi bidi dabeba dwai po wabo homu ebo sogo da, augwa te tiwai po waibao, “Dage te Juda dabe dolali tiwai dolagameo,” te po waibao. Tama dagego duga te tǫ ma sugobeo,’ Genuai Bidigo te po wai,” Jeremaiago te po te Juda we bidi dabebolo wali.

Esekiel 16:52

Nage hale umagi mu yao, magi baso meni, te eno nago kolesaga dali, te naga ama sigo kolesaga me dagalobo sogo, eno suali, nago kolesaga te dwai mu eyu, te nago ama dabe augwali te sęgę meni yai we dabe tiwai pedelali. Tialima, megi da, naga te hale ebo kolesaga yali sęgęde te sęgę tolobaso, te nage dwai haliga yagameo,” wali.

Daniel 12:2

Tama Godigo te genuai hani isali we bidi ma hodolaibao. Meba augwaligo te sesemane sogo bidada peyu, bidada pabo wiegi yai ula saibao. Tiali goli, mebago te hale genuai mu elaluyu, tama augwali te sesemane sogo bidada peyu, bidada paibao.

Daniel 9:16

Tama nago dago dwai sę, me dwai kolesaga dabe te dago wąį nǫų dabego me ebo sulama, tama nago dabolo dwai dene sabo menama, tama te taun Jerusalem dolali. Tama te Jerusalem pąde elaluali bulu tǫ kantri we bidi tigidali, augwaligo te Jerusalemba me, te nago we bidi dabolo me, posobo po weyu, gisugu mabo po wali. Tiali goli, megi te dago homugo te nago wado po te Jerusalemba munu ma wagi homu yali, magi baso meni, te nago taun da, tama te naga bulu dude digi ugwadu elalubao. Te polobadu nago da tau sabo wiegi yai sę hauwa yali, tama dago homugo nago te tiwai ma emainu homu ebo dao.

Hosea 4:7

“Dage pris te hauwa mu pedelali, tama tiyu dagego dwai sę hauwa mu yali. Megi dage genuai nogi elalubo, tiali goli te eno dage aiyaba elaluama, tama dage dwai hale mu yaibao,” te po wai.

Bomai Po 28:37

Tama te bulude dabe Genuai Bidigo dage subigila besela pomainogo yaibao. Tialima, te dwai sę dabe dage tigide pedalobo sulama, te we bidi augwali noma dwai mu saibao. Tama nosali augwaligo dage gisugu dwai menama, tama nosali augwaligo dage posobo po waibao,” Mosesgo te po wali.