Jeremaia 23:3 - Godigo dwagi yai po buku

³ Tama ena digi eno te dwasianu elalubo sipsip hani te eno augwali sela sąwani tǫ kantride sisinaibao. Tama eno te augwali te augwa obo tomoba ma odasa asaibao. Tama augwaligo te wai hauwa ame nenama, te umabo hauwa pedelaibao.

Jeremaia 23:3 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 106:47

God, dena Genuai Bidi, nago da te gasa hani dabego nogode ma sao. Tama nago da te dena tǫba ma odasa asao. Tama tiyu, dago nageba homu kone paliyu, te nage tedali wiegi yai mu da, te homu elama, tama dago nago nogi ugwaba siyu, tama nageba te usu da weyu, te wiegi yai pemene dali mabo dao po wagameo.

Jeremaia 29:14

Ena Genuai Bidi, eno po dolo obao, te dage ena pąba asomainogo ilaibao. Te eno dage bugagia wiegi yai ma bidimainogo yaibao. Tama eno dage tigidali habu badu te dage eno sela sąnama, bidada pali tǫ kantri usu nama, sesa bilaibao. Tama eno dage ma oda selama, te duga polobadu bidali buluba odasa asaibao,” wali.

Jeremaia 30:10

Genuai Bidigo te tiwai po wali, “Dage Israel, dage Jekopgo hani dabe, dage eno sę bidi me sę ebo we, dage wi me elama, midigi igio. Mu tama, eno dage digibulu bulude te kalabuside bidibadi ma saibao. Tama dage te duga tǫba digi ma aselama, te bugagia dugulaluagameo. Te niwai hani me deligo dage wi me iligobeo.

Jeremaia 30:3

Ena Genuai Bidi, eno te ena we bidiba yabo sę dąį ilali sogo elalubao, te Israel dabe me Juda te bugagia ma bidaibao. Te eno augwali te tǫ te augwa wąį nǫų dabeba polobadu mani tǫba ma odasa aselama, te augwa tǫ mu ma pedelaibao,” wali.

Jeremaia 31:7

Genuai Bidigo te tiwai po ma wali, “Te Jekopgo haniba wiegi yai pemene ebo tęąbi po wao, te hanigo te tigidali gasa hani dabe edelama, polalubo mu dao. Te enabolo genuai nogi mabo tęąbi weyu, te tiwai po wao, ‘Genuai Bidi, naga we bidi dabe ma sao, te me badu bidali hani Israel pedai dao,’ te po wao.

Jeremaia 31:8

Mu tama, ena Genuai Bidigo eno te ena we bidi dabe te tǫ kantri not badu, me tigidali tǫ pedai badu selama, te augwali ma odasa asaibao. Te gedu widai dabe, me sągą dwai, me te haliga elalubo we dabe, me te wai tega painogo ebo we dabe, augwali me asaibao. Te Israel genuai hani mu pedelama, te augwali augwa tǫba digi ma asaibao.

Jeremaia 32:37

Mu tama, eno augwalide dwai haliga sębę mu elama, wado genuaigia mu elama, eno te we bidi dabe te tigidali tǫ kantriba sela sąwaibao. Tama eno augwali e tǫba ma odasa aselama, te augwali ede bugagia bidimainogo yaibao.

Jeremaia 46:27

Genuai Bidigo te tama po wali, “Dage Israel, dage Jekopgo hani, dage eno sę bidi me sę ebo we dabe, dage wi me elama, dwai noma me sigio. Mu tama, te eno dage kalabuside bidibo digibulu bulude bidibadi, te eno dage ma saibao. Te dage duga tǫba ma aselama, bugagia bidagameo. Te mena hani me deligo dage wi me iligobe dao.

Jeremaia 50:19

“Eno te sipsip Israel te aga page buluba ma odasa asaibao, aga te bulu du Karmel, me te tǫ pedai Basan, me te Efraim bulu du pesage, me te tǫ Gileat pedai, te bulu dabede wiegi yai nosai tumainogo yaibao,” wai.

Jeremaia 8:3

Te dwai we bidide te Juda hani dwasianu bage naga elaluali, tama te tǫba kantri dabeba ela gudulaibao. Tama te Juda dabego augwa bidabo wiegi yai ula te godolo homu me egobeo. Te augwali isabo homu naga yaibao. Ena Tigidali Bomo Elalubo Genuai Bidi, eno te po wai dao,” wali.

Esekiel 11:17

“Tǫde bidio, nago eno po te nage dali kalabuside bidibo abagi dabe augwaliba pusao. Ena God Genuai Bidi, eno te dage tedela palama bidibo tǫ pedai kantride bidalubo te eno ma selama, te eno dage te duga tǫ kantriba ma odasa aselama, tama te tǫ kantri pedai dugaba ma mawaibao.

Esekiel 36:11

Tama te we bidi dabe me dagede bidibo hasa dabe hauwa mu pedelaibao. Tama te we bidi tigidali pesage badu polobadu bidali yali gilama yaibao, tama eno dage dali wiegi yai kolesaga mu yaibao. Tama te kolesagago da, eno polobadu yali kolesaga edelama mu yaibao. Tama dagego bugagia mu koneaibao, ena deli naga ena Genuai Bidi dao homu yaibao.

Esekiel 36:24

“Nago te eno po me augwalibolo pusao, ‘Eno dage dali yabo sę po da, e dao. Eno dage te bidibo te kantri sese tamade oda selama, tama dage duga tǫ muba ma odasa asaibao.

Esekiel 36:37

“Ena God Genuai Bidi eno te po obao. Te Israel dabe augwaligo enabolo te augwa we bidi hauwa ilao po hanalubo sogo da, teda eno augwaligo te gedu haluasa po wabo me odaibao.

Pris Sę Ebo Bomai Po 26:9

“Te eno dage wiegi yai iliyu, dagebolo eno te wai hauwa menama, te dage genuai hani pedalumainogo ilaibao. Te eno polobadu dage dali te dąų wali bomai po kontrak usu naibao.

Maika 2:12

Te Genuai Bidigo po ma weyu, te po wali, “Tialima, nosali eno te dage te sogo me bidibo tigidali Israel we bidi sisinani elalueibao. Te eno dage ma sisiniyu, te sipsip tonalubo bidigo te sipsip dabe te oboba ma sela asobo tiwai gilama yaibao,” wali. “Tama te we bidi hauwa dagego tǫde pągąnalueibao, te sipsip dabe te wiegi yai nosai tubo madi pągąnalubo tiwai yaibao,” wali.

Maika 7:12

Tama nago we bidi te gasa tǫ kantride kalabus igi pali, te augwali ma asaibao. Augwali te wę Yufretis pedai badu te tǫ kantri Asiria, te giliga pedalubo badu asaibao. Te augwali Isip te saut badu asaibao. Tama augwali te tigidali habude te digibulu bidali te asiyu, te tǫ kantri te nambis badu elaluai, te genuai tamu ąį, me te bulu du pesage dabede bidali tagalama, asaibao.