Jeremaia 23:11 - Godigo dwagi yai po buku

¹¹ Genuai Bidigo te po wai, “Te profet dabego me, pris dabego me, te Genuai Bidigo po konesiąwai bidi dabe ebo kolesaga tiwai yali. Te eno be tomode digi dwai sę ebadi, te tagalao, augwa te dwai kolesaga ebo me geana sogobeo.

Jeremaia 23:11 Iomraidhean Croise

Tuni Bidi Dabego Po Elalubo Buku Si 33:5

Tiali goli Manase agai te Genuai Bidigo tempel be obo tomode agai alta si te genuai sisinagasobo pesagede geselali, te aga hǫ dabeba lotu wabo nai geselali.

Tuni Bidi Dabego Po Elalubo Buku Si 33:7

Te Manase aga digi nigai tibo god piksa selama, agai Godigo tempel be tomode muani. Tiali goli polobadu Godigo Devit de Solomon sibolo e tiwai po wai dao, “Te Jerusalemde elalubo te tempel be da, te ena digi Israel hani tomode ena digi sa muai dao, te augwali tigidali sogo enaba aselama, enaba deli naga lotu wagasiyu yabo pesage deli elalua pomainu.

Tuni Bidi Dabego Po Elalubo Buku Si 36:14

Tama me te pris dabego tobolu bidi dabe me te we bidi augwaligo Genuai Bidiba tudi ola mabo genuai mu elama, tama dwai damua pai gasa we bidigo ebo kolesaga wali pali. Tama augwaligo te dwai kolesaga ebogo te Genuai Bidigo te Jerusalemde te aga be dao olama sa muani, te be agai gedude dwai meda yai mu pedelali.

Esra 10:18

Te bulu badu we dabe sali pris dabego nogi e tiwai dao, Masea, me Elieser, me Jarip, me Gedalia. Augwali te Josuago hani da, te Jehosadakgo ogwa, te bidalio.

Jeremaia 11:15

“Dage eno we bidi dabe, eno dage godolo homu mu ebao. Tiali goli, duga te tobage dwai kolesaga ebao. Tialima, magi baso dage te eno beba pabo dawe? Dagego te kibu hasa dabe enaba ofa yainu sela pali, te dagego homude te ebo ofago te dage tau siyu, te dwai sogo ebo dagede ela somaina homu eyu tebao. Tiali goli, te menio. Te dwai sogo dageba pedelaibao. Te dage wiegi yai pemene yaibao homu eyu eba, agawe?

Jeremaia 23:15

“Tama tialima, ena, Tigidali Bomo Elalubo Genuai Bidi, eno te profet dabeba homu kone palama, te po obao, Te eno genuai dene augwaliba mawaibao. Te eno ha ebo marasin augwaliba menama, te augwaligo tumainogo ebo tiwai yaibao, tama eno te bidi dolobo dwai wę mabo ąǫ yaibao. Magi baso meni, te Jerusalemde bidali profet te haiden kolesaga wali pelama, megi da, te kolesagago te tǫ tigidali usu nubo dao,” te po wali.

Jeremaia 32:34

Augwaligo te kugumini yai tibo god piksa te bede ugwaba dodolali, te Israel dabego enaba digi lotu omainogo yai be dao. Tama te kolesagade augwaligo te be eno gedude meda mu ilibo dao.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Jeremaia 50:6

“Eno we bidi dabe augwali te hagawai sipsip hani tiwai bidali. Te augwali tonaluali bidigo augwali te wiegi yai sunumi tagalomainogo ilama, te bulu du pesagede tedela palama, bilaluali. Augwali te bulu dude bilalu, te augwali toma tuabo madi te homu kone me ebeo.

Jeremaia 6:13

“Tigidali we bidigo te dwai kolesaga haniani eyu, te mone hauwa sabo homu eyu tama tiali. Te olo bidi dabe me, genuai bidi dabego me te kolesaga naga wali pali. Te pris dabego me, te profet dabego me te we bidi tibo po ola mayu yalio.

Jeremaia 7:30

Genuai Bidigo te tama wai, “Te Juda dabego dwai kolesaga hauwa eno gedude yali dao. Augwaligo te kugumini yai tibo god noma piksa dabe te augwaligo enaba lotu omainogo eno sa muani be tomode te tibo god piksa noma dodolama lotu wali. Te tama tebo kolesagade te be eno gedude meda ilibao.

Jeremaia 8:10

“Tialima, eno te gasa bidi dabego te Juda dabego we me tǫ sagasomainogo ilaibao. Magi baso meni, tigidali we bidigo dwai sę haniani eyu, te doado bage hauwa sainu yali. Te olo bidi dabego me, te genuai bidi dabego me, te kolesaga wali pali. Te pris dabe me, profetgo me, te we bidi dabe tibo po ola mayu yai dao.

Te We Bidi Dabego Jerusalem Hagede Gela Wali 2:20

Jerusalemgo e tama gedu haluasa po wali, “Genuai Bidi, nago te naga hani digi muba te yali te dene mabo sę suao. Te we dabe sibi augwaligo augwa wai bǫų dabe godolo mu eyu, negeyu yai dao. Tiali goli, megi da, augwaligo augwa te wai bǫų dabego tigi tubao. Tama te boi bidi dabe augwali naga digi tempel be tomoba pelama, tama tede augwaligo naga pris dabe, me profet bidi dabe, ela silali dao.

Esekiel 23:39

Augwali sigo te wai dabe te tibo god dabeba ofa ela silama da, teda augwali si te sogo naga hogodasa aselama, te eno beba lotu wagasali. Te tiali kolesagago augwali sigo eno be meda mu ilalio. Augwali sigo te kolesaga dwai mu eno bede digi yai dao,” wali.

Esekiel 44:10

Genuai Bidigo enabolo e tama po walali, “Te Israel dabe augwaligo ena tudi ola mani sogo te Livai dabe augwaligo ena tagalama, tama augwaligo tibo god dabeba lotu po wai dao. Tama augwaligo te we bidi te tibo god dabeba lotu omainu tau sai dao. Tama te kolesagago te we bidigo homu hogodolama, tama augwali dwai kolesaga yai dao. Tama tialima, ena God Genuai Bidi eno mu po mu e obao, eno te Livai dabe dene mawaibao, augwaligo te dene dali sęgę dali tolaibao. Megi eno te Livai dabe augwali pris sę emainu me sula tagalogobeo. Augwali ena pageba me, ma eno tedali gasagi yai nai mu dabe pageba augwali asomainu me sula tagalogobeo. Eno augwali pris sę idali weyu habu selebao. Tama augwaligo augwa damua pai kolesagade hale dwai mu yaibao. Tiali goli, eno augwali eno tempel be sunumi dabe tonalubo sę emainu sa muaibao. Tama me te tempel be tomode meba sę dabe emainu sa muaibao. Tama me augwaligo isigo mu dela silabo ofa yabo hasa dabe eleyu, me te we bidi dabego sesebo ofa ebo nai dabe meba augwaligo eleyu emainao. Tama augwaligo we bidi lotu wabode tau siyu emainao,” te po wali.

Esekiel 7:20

Polobadu augwaligo te gol me silvago nigali au dobage elalu, tama augwa te naide gana pai mu bidaluai dao. Tama augwaligo te gol me silva selama, tama te haniani tibo god dabe piksa noma nigali. Te kolesaga eno godolo homu mu meni baso, tama tialima megi da, eno te gol me silva dabe te augwa gedude dwai nai tiwai mu pedalumainu yai dao,” wali.

Esekiel 8:11

Te Israel tobolu bidi dabe augwali te 70 bage te be habude bidibo suali, tama Jasania, te Safango ogwa, te augwali bidibo tomode aga deli bidali. Tigidaligo te wiegi yai denami ebo pauda ulubo plet pou tolalubadi, eno suali, te hano ugaba holali. Tama te bidi dabe augwaligo te piksa noma dabeba lotu udalio.

Esekiel 8:16

Tialima, agai ena te aga be sunumi dolo pąba sela palio. Te pesagede, te alta me sunumi si tomode, te 25 bidi bidali. Augwaligo te be tudiba ilama, te giliga pedaluboba tonalualio. Te augwa bogoli sugunama, te gesabidi tǫba pǫgulama, te giliga geba lotu wabo sę eyu tama yalio.

Sefanaia 3:3

Te Jerusalem genuai bidi dabe augwaligo te olo we bidi dali dwai kolesaga ebode augwali te bulu laion sibi nasi ebaso bomona dagą wabo tiwai ebo dao. Tama te po tų odobo bidi dabe, augwali te uni yowi nasi genuai ebo tiwai iyu ebo dao. Tama augwaligo te hasa tulama, silama, tama augwaligo do tuabo dili me mubeo.

Sefanaia 3:4

Te profet dabe augwaligo augwa sę subigila eyu, bugagia ebo meni, tama augwaligo te bidi dabe augwali dolomainu ili po naga ola mayu ebo dao. Tama te pris dabe augwaligo te Godigo tedali gasagi yai be habu dabede dwai sę eyu ebo dao. Tama augwaligo Godigo bomai po hasegelama tagalali, te augwa digi augwa ma tau somainu.