Jeremaia 23:10 - Godigo dwagi yai po buku

¹⁰ Te tǫ kantri we bidi dabego te Genuai Bidi tagalama, te we sai bidigo me bidigo sai wego te subigila penani ela bilibo tiwai dao. Te we bidi dabego dwai kolesaga ebaso, te Genuai Bidigo aga po wali peyu, te tǫ dolai dao. Tigidali kala tǫ bulu wa pai yaibaso, te tǫgo hobedai gela obao. Sesemane sogo te me profet dabego dwai sunumi wali peyu, tama augwa te dolo isąwai kolesaga ebo sę bomo ebo dao,” wali.

Jeremaia 23:10 Iomraidhean Croise

Esra 10:18

Te bulu badu we dabe sali pris dabego nogi e tiwai dao, Masea, me Elieser, me Jarip, me Gedalia. Augwali te Josuago hani da, te Jehosadakgo ogwa, te bidalio.

Godigo Nogi Ugwaba Sabo Tęąbi Po Wabo Buku Dabe 107:34

Te ili elalubo tǫgo te tamu elalubo tǫ pedalumainu elama, tama tede te magi nai deli me pedalisiąwai. Magi baso meni, te badu bidi dabego te dwai kolesaga ebaso, tama Genuai Bidigo te tama tiwai sę ebo dao.

Aisaia 24:6

Tama tibaso, Godigo pode te dwai sogo mu te tǫde pedalama, te we bidi hauwa mu dwai kolesagadu wali pao olama, i ola mawai dao. Tama dwasianu we bidi hani naga bidaibao. Agai tama tiali. Magi baso meni. Te we bidi dabe augwa dwai kolesagago augwa sęgę tolaibao.

Aisaia 5:18

Te dage dolaibao. Dagego te gasa bidi dabe ili po walama, sęgę te soba. Te sęgę dabe dage tigi dagana selama, tama dagego sela sąbo usu egobeo.

Jeremaia 12:11

Tama te tǫ te bidi meniama, olo bulu mu elalueibao. Tama te tǫ hobede yai gela wedu, te eno agai gela odomainu tiaibao. Te bidi mego te tǫde sęgę homu kone me palogobeo.

Jeremaia 14:2

“Juda kantri tǫde te genuai sęgę elalu gela udali. Te aga hanu dabe dwai mu elalubao. Te aga we bidi dabe tǫ bulu pila munana peyu, te dwai gela mu udubao. Tama te Jerusalem dabe umagia gela u waibao.

Jeremaia 6:13

“Tigidali we bidigo te dwai kolesaga haniani eyu, te mone hauwa sabo homu eyu tama tiali. Te olo bidi dabe me, genuai bidi dabego me te kolesaga naga wali pali. Te pris dabego me, te profet dabego me te we bidi tibo po ola mayu yalio.

Jeremaia 7:9

Te dagego nai wi siyu, te bidi dabe ela muyu, te penani sę ebo kolesaga te bidi dabe me bidigo sai we dali eyu yali. Te dagego bomai po dąų wabo sogo te tibo po obao. Te dagego wiegi yai denami hano ebo ofa te tibo god Balba ebao, te dagego polobadu lotu me wasiąwai tibo god dabeba lotu wabo dao.

Jeremaia 9:10

Tialima, ena, Jeremaia, eno te bulu du dabe, me te kala elaluali pesage dolali, tede homu kone ebao, tama ena dwai gela weyu, hobede ebo balia obao. Te pesage badu te bidi munu me bilisiąma, te bulmakau dabe te kala pesageba te nosai me tugi pogobeo. Te ba dabe me hasa dabe wi pela siliyu, te pesage taga pai dao.

Jeremaia 9:12

Tialima, ena, Jeremaia, eno te po obao, “Magi baso te tǫ dolama, tama te olo masigi kemi pesage elalu, tama tede bidi me bidibewe? Mena wiegi yai homu kolesaga mu yai bidigo aga te sę yali page konegowe? Genuai Bidigo mena bidibolo te po pusulama, tama te bidigo te sę yali page te we bidiba pusugowe?”

Jeremaia 9:2

Te olo masigi kemi tǫde te eno bulu tolu yabe be me deli elalugi da, te wiegi yai igi da. Teda ena te hani bidi digibulu taga pelama, ena te beba bidigi pabo usu igi dao. Magi baso meni, tigidaligo God tagalali, te bidigo aga we tagalama, te gasa penani we dabe wali bilibo tiwai ebao. Tama augwali te nai wi sabo genuai tiwai dao.

Hosea 7:4

Augwali te tibo po wabo bidi dabe, tama augwaligo haliga te kingba mu mubeo. Tama augwaligo haliga sębę ebo te geme dualama, te sia ula dwasianu idubo tiwai iduali. Te bret ulubo bidigo te sia ula ilama, te bret bo domainu elalueibao. Bret bo dabo si da, teda agai te sia ponama, tama te sia ula genuai yaibao. Augwaligo haliga sębę te tiwai elalubo dao.

Joel 1:10

Te gi dabede nai meniama, olo mu elalubao. Tama tǫ digi me gela obao, magi baso meni, tigidali gide nai dolali, te wain du wai tigidali sasia pelama, te oliv ni dabe me sasia palio.

Pris Sę Ebo Bomai Po 5:1

Te Genuai Bidigo Mosesbolo waliyu, te Israel dabebolo te tiwai po omainu yai, “Te augwaligo bidi me deliba hanaluyu, te po tų kotba pelama, te agai gasa bidigo sę suali po hanilabo po weyu, ma te agai gasa bidigo wabo po odali, tiali goli te bidigo te sę yali po hanilisąbaso da, teda aga te aga dagede te sę Godigo gedude geda muani dao.”

Sefanaia 3:4

Te profet dabe augwaligo augwa sę subigila eyu, bugagia ebo meni, tama augwaligo te bidi dabe augwali dolomainu ili po naga ola mayu ebo dao. Tama te pris dabe augwaligo te Godigo tedali gasagi yai be habu dabede dwai sę eyu ebo dao. Tama augwaligo Godigo bomai po hasegelama tagalali, te augwa digi augwa ma tau somainu.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

2 Timoti 1:10

Te penani kolesaga ebo we bidi, te ogomani dali dwai dwai sę ebo bidi dabe, te we bidi wi sabo bidi dabe me, te tibo po wabo bage, te po tųde tibo po wabo bidi dabe me, te bomai po dabe te tobage we bidibolo muai dao. Te tobage kolesaga te Sodom de Gomora hanu side yali kolesaga tiwai dao. Me te gasa haniani dwai sę ebo bidi dabe me, te Godigo dwagi yai ola mabo po odisąbo bage, augwalibolo me te bomai pogo po elalubao.

Hibru 13:4

Tama te we sabo te wiegi yai kolesaga dao, te we bidi tigidaligo te homu yao. Dagego e tama yao, te bidi dali aga we dali augwa hasi te homugo kęą pai kolesaga naga yao. Dagego koneao, nosali Godigo te penani yali we bidi me, te we sabo kolesaga dolali we bidi dali, augwalibolo te wei ponabo te dwai dene genuai sabo te elalubao.

Jems 4:4

Dage te penani ebo we tiwai dao, te we aga bidi dali bidisiąyu, gasa bidi dali penani ebo tiwai dao. Niwai bidi agai e tǫde ebo kolesaga naga godolo eyu da, teda te bidi aga God dali boi bidi homu ebo dao. Te dagego konebewe? Tama tiyu, niwai bidi agai te tǫde kolesaga ebo bidi dabe dali abagi weyu, te bidigo aga digi te God dali boi bidi gagawai.