Jeremaia 22:9 - Godigo dwagi yai po buku

⁹ Te augwade digi po wei ponoyu, te tiwai po waibao, ‘Te page e tama elalubao. Te hanigo te Genuai Bidi augwa Godigo dąų walali bomo yai po tudiba munama, tama augwa te gasa god dabe wali pelama, augwaliba lotu obaso, te tiwai sę yai dao.’ Augwaligo te po waibao.”

Jeremaia 22:9 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 9:8

Megi da, te tempel bego genuai nogi elalubao, tiali goli te dolaibao. Tama tedu asobo bidi augwaligo sueibao. Te augwali midigi dwai mu selama, te moni wi mu yaibao. Tama augwa te kęnę po waibao, ‘Magi baso Genuai Bidigo te tǫ me, te be dolaliwe?’

Te Israel me Juda Hani Sigo Tuni Bidigo Po Elalubo Buku Si 22:17

Te tigidali we bidigo ena tudiba ilama, tama augwaligo te tibo god dabeba ofa nai ula mabo sę ebo dao. Tama augwa te dwai kolesaga ebogo te eno augwali dali eno wado te ebao. Eno sębę genuai mu te Jerusalem dali eyu, tama eno te sębę ebo sę te eno polo sia sogobeo,’ wali.

Tuni Bidi Dabego Po Elalubo Buku Si 34:25

Te we bidi augwaligo enaba tudi ola menama, tama augwaligo tibo god dabeba ofa yai dao. Tama augwaligo te dwai kolesagago eno augwali dali sębę emainu ilai dao. Eno te Jerusalem dabe dali sębę mu elama, tama eno te sębę munu me siligobeo.

Jeremaia 11:10

Augwaligo ena tagalama, te augwa wąį nǫų dabego dwai kolesaga wali ma pobao. Te augwaligo eno po sela sąyu, te augwa wąį nǫų dabego yali tiwai ebao. Te Israel hani me, Juda hanigo me, te tibo godiba lotu weyu, tama eno augwa wąį nǫų dabe dali dąų wali bomo yai po te bolobo dao.

Jeremaia 11:3

wagi pao. ‘Ena Genuai Bidi, eno duga Israelgo God, eno te po obao, mena bidigo eno bomai dąų wabo po me wali pisąbaso da, teda aga dolaibao.

Jeremaia 16:11

Te we bidi dabego te tama po obaso da, teda nago e po augwaliba wei ponao, ‘Ena Genuai Bidi, eno te kolesaga dagego nǫų wąį dabego ena tudiba munama, te tibo god dabe wali peyu, augwaliba lotu wali. Augwaligo ena tagalama, te eno bomo yai po wali me pabeo.

Jeremaia 50:7

Te subigila bidi hanigo augwali sulama, te augwali dolali. Tama te boi bidi dabego te tiwai po wali, ‘Te dago augwali dolabo page elalubaso, me dolobeo. Magi baso meni, augwa digi te Genuai Bidiba dwai sę yali. Genuai Bidi da, te augwali bugagia toma neyu, bidabo pesage tiwai elalubao. Te augwa wąį nǫų dabego konealubo homu dąų olama, te agai augwali tau somainogo tonaluai. Aga te augwaligo Genuai Bidi dao,’ te boi bidi dabego te po waibao,” wali.

Jeremaia 9:13

Tama Genuai Bidigo te tama po wei ponani, “Te sę page e tiwai dao. Te we bidi augwaligo eno augwaliba mani bomo yai po wali pisąma, tama augwa eno po sela sąwani, tama eno augwaliba ola mani sunumidu te augwali pabeo.

Esekiel 14:23

“Dagego te tiwai tama koneama, eno odolali augwali me dolobeo. Menio. Te eno augwalide yali sę page mu elalubao. Ena God Genuai Bidi, eno te po wai dao,” wali.

Esekiel 39:23

Tama gasa tǫ kantride bidibo we bidi hani bidi eno te Israel dabe dali yali sę page mu koneaibao. Te eno te Israel dabe digibulu buluba kalabus sę emainu tagala palali sogo, eno te tama tiai dao. Magi baso meni, te Israel dabe augwaligo eno po sela sąnama, sęgę sobaso tiai dao. Tama tialima, eno augwalibolo tudi ola mawai dao. Tama te boi bidi dabego augwali aiyaba elaluama, tama augwali sese ela isila silimainu sula tagalai dao.

Esekiel 5:15

“Ena Genuai Bidi, eno te po obao. Eno dageba dwai haliga sębę mu elama, te eno dageba dwai sęgę umagia mu yaibao. Tama dage pąde bidalubo tigidali we bidigo te dage te tama tebo sulama, te augwali homu hauwa elama, te wi dwai mu yaibao. Te augwaligo dage begela dolobo posobo po obaso, te dage hale yaibao.

Bomai Po 29:24

Tama te tigidali bulu tǫ we bidi dabego hanalua paibao, ‘Magi baso Godigo te Israel dabe augwaligo bulude te tama tialiwe?’ te po weyu, ‘Magi baso agai augwali dali sębę dwai mu yaliwe?’ te po waibao.