Jeremaia 22:7 - Godigo dwagi yai po buku

⁷ Te eno bidi dabe tagala palama, te nage dolagasomainogo yaibao. Augwaligo te sigi hwą dabe seselama, te nago wiegi yai ni nami sida gelama, tama te ni nami dabe te siaba sąwaibao,” wali.

Jeremaia 22:7 Iomraidhean Croise

Aisaia 37:24

Nago po te naga ami tobolu bidi ofisabolo mayu, te augwaligo nago nogi ugwanu mu sali, tama te enaba posobo po wali. Te eno augwaligo pedauwalide te tiwai po odali, nage Senakerip, nage te naga karisde dolugulama, te nage ugwanu mu igulama, te Lebanon genuai bulu du dabeba te nago tobolu usu nama, nage te Lebanon genuai busi tomoba mu pali, te bidi me pisąbo buluba pali, tama nago te bobage bobage ni sida dabe, me te wiegi wiegi yai ni pain dabe togwali.

Jeremaia 15:8

Eno te ami bidi hauwa ela muani, tama augwa we dabe te augwa naga olo bidali. Te we dabe namba umabo mu bidai, te nambisde masigi sane aiyaba elaluali. Te giligade digi eno te boi bidi dabe tagala palama, te ami bidi dabego ida dabe ela muagasali. Deli sogo mu tama eno augwaliba te genuai dene menama, te augwali wi dwai mu ilai dao.

Jeremaia 21:14

Ena Genuai Bidi, eno po dolo obao, te eno dwai dene dageba mawaibao, te duga yali dwai kolesaga wei ponaibao. Te eno te Jerusalem taunde sia pedalumainu ilaibao, te moni bulu tomode isi dabo tiwai eyu, tama te isigo kingo be deyu, te Jerusalem tigidali be daibao,” te po wai dao.

Jeremaia 5:15

Ena Genuai Bidi, eno dage Israel we bidiba te tama po obao, eno te digibulu bidi hani bage selama, odasa aselama, te dage dali boi hwįmainu yaibao. Augwali te bomai hani bidi te augwa tǫ kantride polobadu mu bidali. Dagego te augwaligo wabo po page me konegobeo, magi baso meni, dagego augwaligo po konebe dao.

Sekaraia 11:1

Dage Lebanon, dagego da te isi aselama te dagego ni sida dabe ulagasomainogo sula tagalao.

Matyu 22:7

Tama te tuni bidi sębę elama, tama aga te enesigi bidi me te ami bidi dabe tagala palama, augwali pelama, te sę ebo bidi dabe elali bidi dabe augwali tigidali mu ela siligi pai. Tama be me bulu dabe tigidali sia tulama ula silai.