Jeremaia 22:3 - Godigo dwagi yai po buku

³ Genuai Bidigo e tama po walio. Dagego te wiegi yai doloba pai kolesaga naga iyąo. Te bidi me deligo gasa bidigo nai wi selama, agabolo sęgę mawai yai baso da, teda dagego aga tau selama, agai te sęgę silimainao. Dagego te tiana wai dabeba dwai sę igimio, te wilawe we dabeba dwai sę igio, te dage dali bidibo gasa tǫ kantri we bidiba me te dwai sę igio. Tama dagego te bulu we bidi dabe odolali me ela munamu dao.

Jeremaia 22:3 Iomraidhean Croise

2 Samuel 23:3

Te da Israel dabego God te genuai masigi tiwai elama, tama da bobegelalubao. Agai enabolo te tama po wai, ‘Te king God dologode bidiyu, tama te we bidi doloba pai kolesagade tonalubaso da,

Te Israel me Juda Hani Sigo Tuni Bidigo Po Elalubo Buku Si 24:4

Tama me te agai e tama homu koneani, te king Manasego agai te tigidali Jerusalem bulu pedaide te haniani dwai kolesaga isąwai doloba pai we bidi dabe ela muani, tama Genuai Bidi agai homu te king Manasego te dwai kolesaga yali sęgo sali sęgę agai tagalabo homu ebe.

Jopgo Po Asęani Elalubo Buku 22:9

Me te we sibi augwa bidi isai baso, augwali aselama, nagebolo augwali tau sao obadi, nago augwali tau sabeo. Menio. Nago augwali sela sąbaso, augwali pai dao. Tama tiyu yaide, augwaligo wai puluba dabe me dwagi yai tau me siyu, tama bugagia bidibeo.

Jopgo Po Asęani Elalubo Buku 24:9

“Te dwai bidi dabe augwali te wilawe we dabeba pabo dao, tama augwaligo wai bǫų dabe bomonama eyu sabo dao. Tama augwaligo te wai bǫų dabe augwaligo olo sę ebo bidi gagalobo dao. Tama dwai bidi dabe augwaligo te nai meni yai we bidi dabego wai dabe oda selama, tama tola selama, te we bidi dabego augwa negeli yali wei ponomainu.

Godigo Nogi Ugwaba Sabo Tęąbi Po Wabo Buku Dabe 68:5

God te aga gasa wiegi yai bede bidiyu, tama agai te aga aya ida isai wai puluba dabe tonalubao. Tama agai te wilawe we dabe, te agai tau sabo dao.

Godigo Nogi Ugwaba Sabo Tęąbi Po Wabo Buku Dabe 82:4

Tama te dwai bidiyu, te doado bage sǫą pai bidibo we bidi dabe, dagego augwali te dwai bidi dabego nogode ma dobola sao,” po wai.

Godigo Nogi Ugwaba Sabo Tęąbi Po Wabo Buku Dabe 94:21

Augwaligo dwagi yai sę ebo bidi dwai sęgo aga dolainogo sisinama, po mibo dao, tama augwaligo dwai sę isąwai bidi dabe dali po tų ebo dao, augwali elainogo tiwai.

Godigo Nogi Ugwaba Sabo Tęąbi Po Wabo Buku Dabe 94:6

Augwaligo te wilawe we dabe, augwali ela muyu, tama te tiana wai dabe me ela muyu, tama gasa bulu we bidi dago tǫde bidibadi, augwaligo ela muyu ebo dao.

Ma Dobola Sali 22:21

“Dagego te gasa bulu tǫ bidi aselama, dage dali bidibo bidi aga dali haniani dwai kolesaga eyu, ma te sęgę agaba mugimio. Magi basowe, polobadu dage te aga tiwai te Isip tǫde bidai dao.”

Ma Dobola Sali 22:22

“Dagego te aga bidi isai we dali te dwai kolesaga eyu, ma te wai puluba, augwa aya ida isai tiana wai dabe dali me te kolesaga igio.

Bugagia Bidibo Kolesagade Po Asęai Buku 23:10

Polobadu mu augwaligo te tǫ dąį muani, tama nago te dąį ilali ma kidiligio. Tama nago te tiana wai dabego tǫ me sigio.

Bugagia Bidibo Kolesagade Po Asęai Buku 6:17

Te hagoma ebo kolesagago te gasa bidi dabe tonobo te olo bage tiwai ebo kolesaga. Me te tibo po wabo kolesaga. Me te gasa bidi dabe olo dali ela mubo kolesaga ebo.

Aisaia 1:23

Jerusalem, nago genuai bidi me, tobolu bidi me, augwali te po odisiąwai dabe bidiyu, tama nai wi sabo bidi dabego abagi dao. Tigidali sogo augwaligo te mone pesą eyu, augwaligo te bidi dabe augwali dali mone dabe sainogo ili po wabo bidi dabe tau sabo homu ebo dao. Tama te po tų odobo sogo, augwali te tiana wai dabe tau sabo homu ebo menio. Tama me, augwaligo te wilawe we dabego homu sęgę ebo dodolobo odama, dodolabo homu ebo menio.

Aisaia 58:6

“Eno te tobage kolesaga godolo homu me ebeo. Eno homugo dagego te haniani dwai kolesaga mu ebo habu selama, te gasa we bidi dabe elaluama, te dolobo kolesaga me habu selao. Te we bidi dabe te hobedagia kalabuside bidiyu, dagego augwali te bono me sengo kęnani, tama augwali te bulmakau tiwai dagego te ni nami augwa dogonide kęnama, te duga sę emainu ebo tiwai eyu tonalubao. Te dagego augwaliba wiegi yai kolesaga eyu, te augwali olo pomainu tagala palao.

Aisaia 58:7

Eno godolo homu ebo kolesaga e tiwai dao. Eno homugo dagego te nasi ebo bidi dabeba nai mao homu ebao. Te magi nai doado bage meni yai bidi te dagego aga piabo be meni yai subo sogo, eno homugo dagego augwali te duga beba odasa pao homu ebao. Te dagego te bidi aga tigi bea sabo ugwa meni yai subaso, te eno homugo dagego augwaliba ugwa maiąo homu yali. Tama eno homugo te duga deli kaneme sibi te augwa sęgę elalubo sogo, te augwali tudiba munamo dao.”

Jeremaia 19:4

‘Eno te tiwai yaibao, magi baso meni, te eno we bidi dabego ena tudiba munama, tama augwa te gasa tibo god dabeba te wiegi yai denami ilibo hano ebo ofa ebao. Te we bidi augwa digi, me te augwa wąį nǫų dabego me, te Juda king dabego me, te god polobadu me konebeo. Tiali goli, megi augwaligo te god dabeba lotu weyu ebao, tama tebo kolesagade augwaligo te pesage dwai meda mu eno gedude ilibao. Tama me, te augwaligo magi sęgę meni yai bidi hauwa ela muyu, tama augwaligo kaneme te pesagede geą sąbo dao.

Jeremaia 22:17

Tialima, nagade digi, naga homu elama, te nago sesemane sogo te tobage nai dabe pesa elama, tama nago te nai dabe sainogo tibo kolesaga ebao. Tama nago te magi dwai sę isąwai bidi dabe odolali elibao. Tama nago te we bidi elaluama, te augwaliba dwai sę ebo dao,” wali.

Jeremaia 26:16

Jeremaiago po ola silibo si da, teda te tobolu bidigo, me te tigidali we bidigo te pris dabeba me te profetba te tiwai po wali, “Te bidigo te dago God Genuai Bidigo nogide te po pusalio. Agai dwai sę me elalubeo, tama tialima, dago aga me ela mugobe dao,” te po wai.

Jeremaia 5:28

Augwali te nai hauwa tulama, te tabi buai bidi pedelali. Augwaligo te tobage dwai kolesaga ebo gagamu yabo homu me egobeo. Augwaligo te doloba pai kolesaga te augwa aya isai bidigo wai pulubade me egobeo. Te doado bage meni yai bidi dabego sęgę elalubo sogo, augwaligo te augwali tau selama, te sęgę silimainu ebo meni.”

Jeremaia 7:23

Eno augwaliba te tiwai po me wali, ‘Dagego eno po wali asobaso da, te ena dagego God bidiyu, te dage eno hani we bidi bidaibao. Te eno dagebolo te wali pao po wabo kolesaga tigidali, te dagego wali piąo, tama te dage bugagia bidaibao.’

Jeremaia 9:24

Te bidi aga pemene yabo homu ebaso, aga te nai delide naga pemene yao. Agai ena Genuai Bidi koneani da homu elama, wiegi yai pemene yao. Agai enade e tiwai koneao, sesemane sogo eno tigidali tǫde we bidi homu godolo eyu, te eno wiegi yai doloba pai kolesaga augwaliba ebo dao. Ena Genuai Bidi, eno te tobage kolesaga ebode wiegi yai homu pemene ebo dao,” Genuai Bidigo te po wali.

Esekiel 18:12

Agai te magi nai doado bage meni yai bidi dabeba dwai dwai sę eyu, te agai nai wi siyu, tama te gasa bidi dabego agabolo mani nai dabe dąų olama tolalu, te augwaligo mani negeli ponabo dąįba usu nubo tiwai yali. Tama agai te tibo god dabeba lotu weyu, tama te lotu wabo pesagede te tobage dwai kolesaga dabe mu eyu ebo dao.

Esekiel 18:7

Agai gasa bidi dabeba dwai sę ilama, te augwaligo nai dabe wi sabeo. Te gasa bidi dabego agaba negeli ilama, te agai we ponabo usu nama augwaligo mani nai, agai te nai dabe tolalubo sę mu egobeo. Menio. Agai te agaba negeli ilali bidi dabeba ma mabo dao. Agai te nasi ebo bidi dabe nai mayu, te ugwa meni yani bidi dabeba te ugwa mabo dao.

Esekiel 22:7

Te Jerusalem taunde mena bidi me deligo te aga aya idago po dologoba me pabeo. Te dage dali bidibo gasa tǫ kantri bidi dabeba dagego dwai sę ebao. Te wilawe we dabeba te dagego dwai sę yali, te tiana wai dabeba me te tiwai dwai sę ebo dao.

Esekiel 45:9

“Ena God Genuai Bidi eno te tama po wali. Dage Israel dabego tobolu bidi dabego dwai kolesaga tagaliąo. Dagego we bidi dabe dali bomonama dwai sę elama, tama dagego augwali aiyaba elaluai dao. Tama tialima, dagego te dwai kolesaga dabe tagalama, tama dagego doloba pai kolesaga naga dolo iyąo. Tama dagego eno we bidi augwa tǫde sela sąbo kolesaga tagalao. Ena God Genuai Bidi, eno te tama po wali dao,” wali.

Joel 3:19

“Te Isip dabego tǫ te wa pai bulu pedelaibao, te Idom dabego tǫ da, te olo bulu tiwai pedelama, bidi tede me bidigobeo. Magi baso meni, te hani sigo te Juda dabe dali hwįnama, tama te magi dwai sę isąwai we bidi olodali elali.

Pris Sę Ebo Bomai Po 19:15

“Te dagego po tų odobo si da, teda dagego te po tųde doloba pai kolesaga naga yao. Te dagego po bugagia dodolao. Dagego te magi nai meni yai bidi dabe tau siyu, te augwaligo po tų ebode ugwaba ela holomainogo elamuo. Me ma, dage te nogi yai bidide wi eyu, te augwali tau selama, te po tųde ela holomainogo elamo dao.

Amos 5:15

Dwai kolesaga ebo tudiba muao, te wiegi yai kolesaga naga godolo eyu, wali pao. Dagego doloba pai po tų naga yao. Te dagego tama tiyu da, te Genuai Bidigo dage dolisąwai dwasianu me bidibo Josepgo hani bage homu dene eyu, tau saibao.

Amos 5:24

Tialima, eno homugo dagego te po tų ebo kolesaga dolo naga eyu, te gasa wiegi yai doloba pai kolesaga dabe naga eyu, tama te kolesaga sesemane sogo mu elaludu, te me sula sisąbo genuai wę me deli elalubo tiwai elalubaso, usu dao,” wali.

Maika 3:11

Te taun bidi dabego te tobolu bidi dabe homu bega sabo sę eyu, te augwaliba mone mayu, te augwa haniani dwai kolesaga emainu ebo dao. Te pris dabego te mone naga sainogo te Godigo bomai po page pusubo dao. Tialima, te profet dabego te mone sabo homu eyu, te geme dualali po pusali. Tigidaligo te tiwai eyu, augwa te po wali, “Genuai Bidi te da dali bidibao,” walio. “Tialima, te magi nai me deligo da me dologobeo,” wabo dao.

Maika 6:8

Genuai Bidigo dabolo te wiegi yai kolesaga yabo po walio. Tama agai homugo dago te tiwai kolesaga naga emainu yai. Dago te doloba pai kolesaga wali pao, te gasa bidi dabe homu dene eyu, tau sao, te dena homu kolesaga digi tegaluama, te dena God dali deli haliga elama bidiyu, tama aga wali pabo usu dao.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Matyu 23:23

“Dage bomai po page ola mabo bidi me, dage Farisi dabe dali, hobede ya. Dageba te dwai sogo mu pedelaibao, dage tibo po wabo bage. Dage te dwasianu bomai po wali peyu, te tigidali gide elalubo dwasianu nai te kaya dabe dagego nogo si bugulama, deli te Godibolo menama, tama nogo a naga olama me badu nogo me si me si dagego sabo dao. Ao, te usu dao. Tiali goli dagego te bomo yai po genuai tigidali me badu sula tagalali, te bidi dagalobo doloba pai kolesaga me, te bidi homu dene eyu tau sabo kolesaga me, te bidi dabe dali dolo sę naga ebo kolesaga me dao. Te Godibolo nogo si nai bugulama deli mabo bomai po badi, te po dagego tagaligio, tiali goli e tobage te genuai bomai po te sę dagego mu iyąo.

Bomai Po 10:18

Agai te bidi isai wilawe we dabe dali wiegi yai doloba pai kolesaga ebo dao, me te wai bǫų dabe augwa aya isai wai dabe me, augwali agai bugagia tonalubo dao. Agai gasa buludu asai we bidi da dali bidibo, te bage augwali nai dabe mayu, me augwali ugwa dabe mayu ebo dao.

Bomai Po 24:17

“Dagego te gasa hani bidi me, o te tiana wai puluba, te tobage bomo meni yai bage augwali dali dwai kolesaga me elamo dao, tama augwaligo nai dabe me anoma elama, selamo dao. Tialima, te we me aga bidi isai wego dage dali negeli yaibaso da, teda dagego agai nai wei ponaibao wali po dąų walabo nai siyu, aga ugwa selamo dao.

Bomai Po 24:7

“Tialima, te bidi mego aga abagi Israel hani bidi me deli wi selama, tama aga olo sę emainogo tola sai baso da, ma agai te gasa bidi mego te wi sali bidi abelemainu elama, tama te abagi te bidigo olo sę ebo bidi pedelemainogo ebaso da, teda dagego te tobage kolesaga ebo bidi elama, isilao. Tama tiyu da, dagego te tobage dwai kolesaga dage tomode sela sąwaibao,” wali.

Bomai Po 25:1

“Me sogo dage Israel dabe bidi si te jas pageba pelama, wado po wali dodoligi peyu pelama, tama jas te po tų ebo bidigo te po dodola suali madi te bidi me deligo te sęgę sai suaibao, tama mego te sęgę meni yai suaibao.

Bomai Po 27:19

“‘Tialima, te bidi mego dwai sę te gasa hani bidi dali me, o te augwa aya isai wai puluba dali me, o te wilawe we dabe dali me yai baso da, teda Godigo te bidi dolomainao.’ Tama tigidali we bidigo te po waibao, ‘Mu tama dao. Godigo te tama timainao.’”

Jems 1:27

Godigo gedude bidi agai wiegi yai kolesaga eyu, agai po bugagia odobo bidi agai magi dwai sę isąbo bidi, agai e tiwai kolesaga si yao: te kolesaga me e dao, niwai wai dabe meba augwa aya de ida si isiyu, tama te tiana wai dabe augwaduba naga bidibaso da, te me bidi isiyu we taga pai agaduba bidibaso me, te dago te tiwai wai dabe me, te wilawe we me augwali magi nai meni baso te sęgę sobadi tau sao. Te me kolesaga e dao: dago dena bilibo kolesaga bugagia tonalua bilao, tama e tǫde meda yai dwai kolesagago dago homu kolesaga dolidali weyu.