Jeremaia 22:21 - Godigo dwagi yai po buku

²¹ Te nage bugagia bidibo sogo, te nago doado bage hauwa elalubo sogo, eno po nagebolo mobadi, tialima, nago te tama po wai, ‘Eno nago po odobo hagela ebao,’ wali. Sesemane sogo nago eno po sela sąwani. Nago kolesaga te tiwai, te nage gesi ogwa bidide dąį elasa, te megi e sogoba usu nagasali dao.

Jeremaia 22:21 Iomraidhean Croise

Tuni Bidi Dabego Po Elalubo Buku Si 33:10

Te Genuai Bidigo Manase me te we bidi augwaligo te dwai kolesaga eboba tudi ola mao po wali, tiali goli augwaligo po odama wali pabeo.

Godigo Nogi Ugwaba Sabo Tęąbi Po Wabo Buku Dabe 129:1

Israel, nago dabolo te boi bidi dabego nage dwai mu ilibo sę ebo po pusali, te nage gesi bidide gagalasa, megiba te usu nagasobao.

Bugagia Bidibo Kolesagade Po Asęai Buku 30:9

Tiyu, eno doado bage hauwa mu elalubaso, tama eno nage tudiba muyu, tama eno te po waidalio, ‘Genuai Bidi de dawe?’ Tama tiyu, ena te magi nai meni yai bidi pedaluyu, tama eno te nai dabe wi siyu, tama eno God nago nogi aiyaba elaluidalio,” wali.

Aisaia 48:8

Eno te tama koneani, te eno gagalama, dage te deli hani we bidi pedalumainu ilali sogo, dage te po sela sąyu, hagoma ebo hani mu pedelali. Tama tibaso, eno te nai dabe po dageba hanilama, me pusubeo.”

Jeremaia 13:10

Te dwai kolesaga ebo we bidi dabe, augwa olo pania selama, te eno po odobo hagela homu yali. Augwa hagoma eyu, augwa homu kolesaga wali pabo dao. Augwa tibo god wali peyu, te augwaliba lotu wabo dao. Te we bidi dabe dolaibao, te ugwa dolali tiwai elama, te bidi dabego agade magi sę me egobeo.

Jeremaia 19:15

“Da Israelgo God, aga te Tigidali Bomo Elalubo Genuai Bidi, agai te tama po walio, ‘Bugagia odiąo. Dage Jerusalem we bidi, me te Jerusalem pąde bidibo we bidi, dage tigidaligo te hagoma eyu, te dagego eno po odobo hagela homu yali. Tama tialima, eno te dwai sę tigidali dageba pedalumainogo yaibao, eno te tiwai sę yaibao,’ po wai dao,” eno te po wali.

Jeremaia 2:25

Israel, nage udada biliyu, te tibo god wali pigio. Tiyu, nage sągą dolidali weyu, tama naga dogoni mu wa pabuo. Eno te tobage po wai goli, nago te tiwai po weyu, ‘Tagala,’ wali, ‘eno Genuai Bidigo po me odogobeo. Eno te gasa bidi hanigo god dabe godolo mu ebao. Eno augwali me wali pabo homu ebao,’ dagego te po wai,” wali.

Jeremaia 2:31

Dage megi bidibo Israel, te Genuai Bidi eno poba olo bugagia muao. Dagego homugo ena te masigi kemi olo pesagede te dwai nai da homu ebo dawe? Ma, ena te be hulia sai pesage me deli mu tiwai da obawe? Te tiwai isąyu da, teda magi baso eno we bidi dagego enabolo te tiwai po weyu, ‘Megi te dena homu wali peyu, tedela paibao. Da te nageba munu ma asogobeo,’ wali.

Jeremaia 25:3

“Josaiago kibu be nogo si olama, sągągo selade gagalama, te Emongo ogwa, te Juda king bidali, tama megi e sogoba usu nagasu, te kibu be bidi sese deli olama, sela elalubao. Tama te kibu be dabede ena Jeremaia, eno te Genuai Bidigo enabolo mani po pusudu geali. Tialima, dagego odobo hagela yai dao.

Jeremaia 25:4

Hauwa sogo polobadu Genuai Bidigo profet dabe, te aga sę bidi dabe, dageba tagala paludu geai, tialima, dagego hagoma eyu, te augwaligo poba olo sagana mubeo.

Jeremaia 25:7

Te profet dabego eno te po pusali, tialima, ena Genuai Bidi, eno po dolo dagebolo obao, dagego eno po me odobeo. Menio. Dagego te tibo godigo piksa dabe nigiyu, te dagego ena haliga sębę ilai dao. Tama tebo kolesagade, te duga digi duga dolobo sę ebo dao,” wali.

Jeremaia 25:8

“Tama tibaso, ena Tigidali Bomo Elalubo Genuai Bidi, eno te po obao, dagego eno po wali me pabeo.

Jeremaia 3:24

“Tiali goli, dago te Balba lotu wali, te hale ebo god dao, tama te tebo kolesagade dago tigidali sipsip, me bulmakau, me wai ogwa dabe, me wegi dabe, me te tigidali wiegi yai nai te wąį nǫų dabego sę dene elama sali nai tigidali odolali sisai dao. Tama te tibo god Balgo te nai dabe sese dalama tuali. Dago te kolesaga te da gesi ogwa bidide gagalama yali, te megi e sogoba usu nagasobao,” te po wali.

Jeremaia 3:25

“God, Genuai Bidi, da me, dena wąį nǫų dabe dali, dago te nageba dwai sę yai, te da gesi ogwa bidide digi usu nama, megi sogoba usu nagasobao. Dago nago po wali me pisąwai. Tama tiyu, da dwai hale mu selama, te gesabidi tǫba mu mugulaibao,” wai.

Jeremaia 32:30

“Te Israel me Juda augwali te gesi hani elalubo sogo gagalama, te megi e sogoba usu nagasobao, te eno suali, augwaligo dwai kolesaga naga iduali. Ena Genuai Bidi, eno po dolo obao, sesemane sogo augwaligo te tibo god nigibo kolesagago ena haliga sębę iliduai dao.

Jeremaia 35:15

Hauwa sogo eno sę bidi, te profet dabe, te dageba tagala palidu geai. Tama augwa te po wali, dage deli deligo te duga homu begelama, dwai kolesaga tagalama, te duga kolesaga dodolao. Te dagego tibo godiba tibo po ola mayu, te augwaliba lotu me wagimio. Dagego eno te po wali pobaso da, teda dage te eno duga wąį nǫų dabeba me dugaba me mani tǫde bugagia bidaibao. Te profet dabego te tobage po pusali, tiali goli, dagego eno po me odisąyu, te wali me pabeo.

Jeremaia 48:11

Genuai Bidigo te tiwai po wali, “Te Moap kantri gesi sogo dąį elasa, te megi e sogoba usu nagasobao, te mena sogo me deli te boi bidi dabe aselama, me dolagaselama, te we bidi dabe gasa kantriba kalabus me sela pisąwai. Moap te bidi dabego nigilama, te elalumainogo yali wiegi yai wain ąį tiwai dao. Te augwa te me botoldu te gasa botolba tabia sisąwai tiwai elaluai. Te aga pusu me tama elaluali, te aga denami wiegi yai dao.

Jeremaia 6:16

Genuai Bidigo aga we bidi dabeba e tama po wai, “Te dagego mena sunumi wali pabo homu ebaso da, te bugagia homu kone palao. Dagego te duga wąį nǫų dabego wali te wiegi yai sunumi gegao. Te dagego me te sunumi wali pobaso, tama te nai dabego dageba sęgę masiąyu, te duga haliga te toma nomainu ilao,” wali. Tialima, te Israel dabego te po wai, “Dago te sunumi wali me pogobeo,” wali.

Esekiel 20:13

Tiali goli, te masigi tǫ wa pai bulude me, augwaligo eno po sela sąwani. Augwaligo eno po wali pabo hagela homu elama, te augwaligo eno bomo yai po dabe sela sąwani, te bomo yai po dabe augwaligo wali peyu, te augwali bugagia bidimainu yali. Tama te Sabat side bomo yai po mu augwaligo bolalio. Tama tibaso, haliga sębę dwai mu augwaliba elama, te pąde eno augwali te masigi tǫ wa pai bulude dwai dene menama, te augwali tigidali dolainu yai digi dao.

Esekiel 20:21

“Eno te tiwai po augwaliba wali, tiali goli te we bidi hanigo me ena dali hagoma yali. Te augwaligo eno po wali me pisąma, te augwaligo eno bomo yai po dabe bolali, te bomo yai po dabe te augwaligo wali pigi sogo da, te augwali bugagia bidigi da. Tama augwaligo te Sabat side bomo yai po mu bolali. Tialima, eno haliga sębę dwai mu augwaliba elama, te pąde eno dwai dene menama, te augwali tigidali mu dolabo homu yai dao.

Esekiel 20:28

Te eno augwali mawaibao olama po dąų wali tǫba te augwali odasa asali sogo, augwaligo te genuai ni dabe te genuai bulu du dabe sulama, te augwaligo te homu eyu, te tibo god dabeba lotu wabo pesage dabe wiegi yai elaluba homu yali. Tama augwaligo te hasa dabe me wain dabe hauwa seselama, augwaligo ofa yali, te tiali kolesagade augwaligo ena haliga sębę dwai mu ilai dao.

Esekiel 20:8

Eno augwaliba te tama po walali, tiali goli te bidi me deli mego te po me odobeo. Menio. Tigidaligo eno po sela sąyu, tama augwaligo te Isip dabego tibo god dabe sela sąbeo. Tama tibaso, te augwali Isipde bidali sogo te eno haliga sębę dwai mu augwaliba eyu, te pąde eno haliga sębę yali usu nama, augwaliba te dwai dene magi dao.

Sefanaia 3:2

Augwaligo bidi dabego po odisąwai, awe, augwaligo Genuai Bidigo po me odai menio. Tama augwaligo Genuai Bidigo augwali dodolomainu homu ebo hagela yai dao. Tama augwaligo agaba homu dąų olama, tama augwaligo Genuai Bidigo augwali tau somainu me hanalu wai menio.

Sekaraia 7:7

Polobadu Genuai Bidigo te deli tiwai po naga te profet sibigo pedauwalidu pusai dao, te we bidi dabebolo. Agai te po te Jerusalem wiegi yai elaluyu, wiegi yai nai dabe hauwa elalubadi agai te po mawai dao. Tama te sogo te we bidi hauwa te Jerusalem pągąna peyu, me te Jerusalem bogo badu elaluali taun dabede, me te saut badu taun dabede me we bidi pągąyu, me giliga dega sabo badu te dwasianu bulu du dabede me te we bidi hauwa pągąyu yai dao.

Bomai Po 31:27

Magi baso meni. Eno koneani, augwali tobolu gagea pelama, po sela sąbo we bidi dao. Megi ena bidibadi, augwaligo Genuai Bidigo po sela sąnama, tama agai bomai po bolobo dao. Tiali goli, ena mu isibo si da, teda tegoba, teda eno homugo te augwaligo dwai kolesaga genuai mu pedalaibao.

Bomai Po 9:24

Te ena dage dali sę gagalama, dage dali megi bida bida asoboba tama, dagego God dali tobolu gagea pabo dao,” wali.

Bomai Po 9:7

“Dage te nai meni yai kemi sane bulude bidali te gegeda pelamuo. Te dage tede bidiyu, dagego Genuai Bidi sębę ilali, te gegeda pelamuo. Dagego te Isip taga solama, megi e bulu bidibode dagego Genuai Bidigo po sela sąyu idu geai dao.