Jeremaia 22:14 - Godigo dwagi yai po buku

¹⁴ Agai te tama po waibao, ‘Eno te be moni bage sę yaibao. Tama te bede te genuai be habu ugwadu elalueibao.’ Agai te be windo genuai nigilama, te agai te wiegi yai ni nami sida dabe selama, te be daga badu payali. Tama aga te wiegi yai mama yai pengo au ilibo dao.”

Jeremaia 22:14 Iomraidhean Croise

2 Samuel 7:2

Tama kingo profet Natanbolo te tiwai po wali, “Ena te augwaligo te ni bǫgo sęwai wiegi yai genuai be me delide bidibao, tiali goli te Godigo Dąų Wali Bomai Po Muani Halobage te ugwa bede naga munalubao. Te dolo meni da, homu ebao,” wali.

Tuni Bidi Dabego Po Elalubo Buku Si 3:5

Tama augwaligo te ni pain name selama, tama augwaligo te Genuai Bidigo Tedali Gasagi Yai Be Habu badu papali pelama silali. Augwaligo te nel enene pelama silali. Tama augwaligo wiegi yai gol selama, te ni name dabe haluali. Tama te gol daide augwaligo ni det piksa noma togwalama, tama augwaligo au te sen tiwai yali.

Bugagia Bidibo Kolesagade Po Asęai Buku 17:19

Te dwai kolesaga yabo wei homu ebo bidigo, agai te konila po wabo hodolobo sę me wei yaibao. Tama te bidi aga digi aga nogi ugwaba sabo bidi, aga te dolobo sę iduaibao.

Bugagia Bidibo Kolesagade Po Asęai Buku 24:27

Hasia bolo nago te naga tǫ dodolama, tama te gi dabe bulao, tama nosali nago te be sę ebaso, te usu dao.

Solomon 1:17

Te sida ni dabe te nologo dabe me te dago be tobolu mubo pilo me walawala ni tiwai elalubao. Tama te ni pain dabe te bego pedu ni tiwai dao.

Aisaia 9:9

Te genuai hanu Samaria we bidigo, me gasa tigidali Efraim hani bidi dabe, augwaligo koneaibao, Genuai Bidigo te sę augwaliba te yali dao po waibao. Te megi da, augwaligo homugo augwali geninama mu dao olama, augwa nogi ugwaba te sobao. Augwaligo te po wali,

Esekiel 23:14

“Tiali goli, Oholibago dwai kolesaga yali te umabogi mu yalio. Agai te Babilon gegunai bidi dabego piksa noma suali. Te bidi dabego te piksa te bagulali be dagade te mama yai pengo pilalio.

Daniel 4:30

Tama agai te tama po wali, “Iya, Babilon te genuai taun mu, tama te polalubo mu da. Te ena king bidi ede bidimainu eyu, te eno bomogo digi, eno te taun hodolali, te eno genuai bomo me genuai nogi te tigidali hani we bidiba ola mani dao,” kingo te po wai.

Amos 6:8

God, Tigidali Bomo Elalubo Genuai Bidi, Tigidali Nai Tonalubo Bidi, agai te tiwai bomai po dąų wali, “Eno te Israel dabego gagea peyu, te hagoma ebo kolesaga ebo, te eno hagela homu ebao. Te eno augwaligo genuai boma pai be dabe eno haliga sębę yaibao. Tama tialima, eno te augwaligo polalubo taun dali, te tomode elalubo tigidali nai te augwa boi bidi dabego nogoba mawaibao,” te po wai dao.

Hagai 1:4

Agai e tama po wali, “Eno hani we bidi dabe, magi baso dage te dwagi dwagi yai bede naga bidibawe, tama te eno be da dolama elaluba, agawe?

Malakai 1:4

Te Idom dabego te po weyu, “Te dago taun dabe dolalio, tiali goli te dago ma nigaibao,” wabo. Tialima Genuai Bidigo augwaliba te tiwai po wei ponaibao, “Duga ma da nigaibao, tiali goli te eno augwali ma aluama dolaibao,” wali. “Te gasa hani dabego te Idom dabe nogi te tiwai nogi yaibao, ‘Te dwai hani bage dao, te Genuai Bidigo sesemane sogo augwaliba wado po weyu, haliga sębę ebo hani bage dao,’ te po waibao,” wali.