Jeremaia 22:10 - Godigo dwagi yai po buku

¹⁰ Dage Juda, te king Josaia isalio, tiali goli dagego agade hobede ebo gela wagimio. Te dagego aga ogwa Joahasde dwai gela obaso, te usu yaibao. Magi baso meni, Joahasgo da tagalalio, te aga page buluba ma begasa me asogobe dao.

Jeremaia 22:10 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 22:20

Tama te Jerusalem taun bulu dolabo sogo nage dolidali weyu, teda eno sula tagalogobeo. Menio. Nage bugagia mu bidaibao. Tiali goli, nosali nage isibo si, tama augwaligo nage gų pageba pubalobo sogo, teda te eno te Jerusalem taun dolaibao.’ Genuai Bidigo te po wai.” Te profet we Huldago agai te Genuai Bidigo po te bidi dabe augwalibolo mena silali, tama tilama, augwaligo te po te kingbolo pusigi pali.

Te Israel me Juda Hani Sigo Tuni Bidigo Po Elalubo Buku Si 23:29

Te Josaia aga king bidibo sogo, te bidi Neko, te Isip king bidi, agai te aga Isip ami soldia bidi dabe selama, tama augwali te Juda hanigo tǫ ela solama, te Yufretis węba pali, augwali te Asiria hani tau somainu, augwa sigo boi bidi dabe dali boi hwįgi peyu pali. Tama te king Josaiago te boi hwįbo po odali, tama te agai te aga ami soldia bidi dabe selama, tama te augwali pelama, te Isip hani dali boi hwįgi pali. Tama augwaligo te Megido hanu taunde augwaligo te boi hwįani, tama te Isip hanigo te king Josaia elama, isilali.

Tuni Bidi Dabego Po Elalubo Buku Si 36:4

Tama king Nekogo Eliakim, Joahas aga ama selama, tama Eliakim te Juda me Jerusalem dabego king nigilali. Tama Neko agai Eliakimgo nogi hasegelama, tama agai nogi Jehoiakim polali. Tama nosali Neko agai Joahas Isipba kalabus elama odasa pali.

Kolesaga Koneai Bidigo Pusali Po Elalubo Buku 4:2

Eno te tama homu yali, te isali bidi dabe augwali da, te usu mu yalio. Magi baso meni, augwali da, te sęgę meni ebao, te da tǫde bidibo bidi dabego sęgę sabo tiwai me ebo meni.

Aisaia 57:1

Te bidi dabego te wiegi yai we bidi dabe isibo sogo, te augwa homu si me ebeo, tede homu kone palobo menio. Tama augwa te tiwai homu me sabeo, ‘Genuai Bidigo te bidi dabe isimainogo ilama, te augwaliba pedelainu yali dwai sę te geda mumainogo ebao,’ te homu egobeo.

Jeremaia 16:7

Tialima, te isali bidi dabede te bidi mebago homu denede gela wagasobaso, te bidi dabeba nai me tuabo ąį sela asabo bidi dabe meni yaibao, te augwali homu nagame ilabo sę yabo me tegobeo. Te augwa aya ma ida isali, te tagala, te hani dali hobede elama bidagasabo bidi meni yaibao,” te po wai.

Jeremaia 22:11

Joahasgo gasa nogi Salum, agai te Josaiago pesage hasegelali, te aga aya, tama te Juda king pedelali. Tialima, Joahasgo te Jerusalem taga soalio. Genuai Bidigo Joahasde homu kone palama, te tiwai po wali, “Te bidi ma begasa asogobeo.

Jeremaia 22:18

Te pagede naga tama Genuai Bidigo homude te Jehoiakim kone palali, te Josaiago ogwa, te Juda king bidai. Tama Genuai Bidigo te tama po wali, “Te Jehoiakim isibaso da, teda te we bidi dabego agade te homu dene ebo gela me wagobeo, te po weyu, ‘Hobede mu ebao, eno amao,’ te ‘Hobede mu ebao, eno abeo,’ te wagobeo. Te augwa homu dene ebo gela weyu, te po me wagobeo, ‘Te eno genuai bidi hobede mu ebao,’ ‘Te dago king homu dene mu ebao,’ po me wagobeo.

Jeremaia 22:27

Dagego te duga page buluba asabo homu godolo mu yaibao, tialima, dage usu munu ma egobe dao,” wali.

Jeremaia 25:27

Tialima, Genuai Bidigo enabolo te tiwai po wali, “Jeremaia, nago te we bidi hani dabeba te po mao. Ena Israelgo God, ena Te Tigidali Bomo Elalubo Genuai Bidigo eno te tama po dagebolo obao, ‘Dagegotuįyao. Te umabo hauwa tulama, te dage gęǫelama, buguyu, te tǫba tulaluama, te dage munu mahodalugobeo. Magi baso meni, eno te boi bidi dabedageba hwįmainogo tagala palama, te dage dolaibao,’ wali.

Jeremaia 28:4

Tama me eno te king Jehoiakin saibao, te Jehoiakimgo ogwa, te gasa Juda dabe te Babilonba kalabus igi pali bage me selama, tama eno augwali ma odasa asaibao. Magi baso meni, eno te Babilon kingo dage mageba muani ni nami pedai togwa sąwaibao. Ena Genuai Bidi, eno te po wai dao,’” te bidi Hananiago te po wali.

Jeremaia 42:18

“‘Ena Tigidali Bomo Elalubo Genuai Bidi, ena Israelgo God, eno po dolo obao, polobadu eno haliga sębę umabo mu te Jerusalemba elama, te eno augwali mu dolai dao. Te tiwai naga, te dage Isipba pobaso da, teda eno haliga sębę umabo mu elama, te dage dolaibao. Te gasa bulu hani we bidi augwaligo eno te dwai sę dageba yali po odolama, te augwali wi elama, nogo hogwabo tiwai eyu, midigi dwai mu yaibao. Te augwaligo dage dolama, posobo po waibao. Te augwa boi bidi dabeba dwai po wabo homu ebo sogo da, augwa te tiwai po waibao, “Dage te Juda dabe dolali tiwai dolagameo,” te po waibao. Tama dagego duga te tǫ ma sugobeo,’ Genuai Bidigo te po wai,” Jeremaiago te po te Juda we bidi dabebolo wali.

Jeremaia 44:14

Dage megi Isipde bidibo dwasianu Juda hani, dagego te Juda tǫba ma pabo homu godolo ebao. Tiali goli, te dageme deli te dolabo sęgo geda munama, te duga tǫba mepogobeo. Dage tigidali dolaibao, te deli deli bidi naga wipeyu, ma paibao,’ Genuai Bidigo te po wali.” Jeremaiagote Isip tǫde bidali Juda dabebolo te po pusali.

Te We Bidi Dabego Jerusalem Hagede Gela Wali 4:9

Te boi hwįbode isali bidi dabe augwali godolagi mu elama, te nai habuge yai bidi dabe aiyaba elalualio. Magi baso meni, augwali polo isalio. Tiali goli, gasa bidi hani augwali nasi mu elama, tama sęgę bobobage sogo tolama, tama augwali dili pulu hą elama, tama augwali isalio.

Esekiel 24:16

“Tǫde bidio, eno koneani, nago naga we godolo homu mu yai, tiali goli te polo tama eno te we dagala selama, te nage olo bidaibao. Tiali goli, nago agade gela weyu, te hobede ebo balia me olamu dao,” wali.

Dwagi Yai Gesi Po Lukgo Asęani 23:28

Tialima, Jisas begelama, te we dabe dali te po wai, “Dage Jerusalem we dabe, dage ena hagede gela wagio. Tiali goli, duga hagede gela weyu, duga wai bǫų hagede gela weyu yao.