Jeremaia 22:1 - Godigo dwagi yai po buku

¹ Genuai Bidigo te tiwai po wali, “Jeremaia, nage te Juda kingo beba dulama, te po pusao,” wali.

Jeremaia 22:1 Iomraidhean Croise

2 Samuel 12:1

Te Genuai Bidigo te profet Natan Devitba tagala palama, tama Natango te tiwai po Devitbolo wai, “Te bidi me si te taun hanu me delide bidali. Me deligo te mone me doado bage hauwa elaluyu, tama gasa me bidi te magi nai meniama, tama dwasianu doado bage naga elaluai.

Tuni Bidi Dabego Po Elalubo Buku Si 33:10

Te Genuai Bidigo Manase me te we bidi augwaligo te dwai kolesaga eboba tudi ola mao po wali, tiali goli augwaligo po odama wali pabeo.

Jeremaia 21:11

Genuai Bidigo po ma weyu, te tama po wali, “Jeremaia, nago te Juda kingo aga deli kanemeba te tamapo pusao. Dage te king Devitgo hani dabeo, dagego ena Genuai Bidigo po odao. Eno e tama po obao. Tigidali kigamude te po tų ebo sogo, dagego po tų dolo mu yao. Te bidi me deligo gasa bidigo nai wi selama, agaba sęgę mawai yaibaso da, teda dagego hobedai bidi aga tau selama, te sęgę silao. Dagego te tisąbaso da, teda ena dagego te dwai kolesagade haliga sębę mu elama, te eno dageba dwai dene umabo mawaibao. Eno haliga sębę te genuai isi dabo tiwai eyu, te bidi mego sula sąyabo usu me egobe dao.”

Jeremaia 21:14

Ena Genuai Bidi, eno po dolo obao, te eno dwai dene dageba mawaibao, te duga yali dwai kolesaga wei ponaibao. Te eno te Jerusalem taunde sia pedalumainu ilaibao, te moni bulu tomode isi dabo tiwai eyu, tama te isigo kingo be deyu, te Jerusalem tigidali be daibao,” te po wai dao.

Jeremaia 22:2

“Nago te tama po wao, ‘Nage te Juda king, nage te king Devitgo duayali sia kingde dulalubao, nago te Genuai Bidigo po odao. Nage, te naga ofisa dabe dali, te nago we bidi dabe dali, dage tigidaligo te po odao.

Jeremaia 34:2

“Ena Genuai Bidi, ena dage Israelgo God, eno te po obao, nage te king Sedekaiaba pelama, agabolo te tiwai po wao. Ena Genuai Bidi, eno te taun te Babilon kingba menama, siago ulumainogo yaibao.

Hosea 5:1

“Dage pris dabe, dagego te po odiąo. Dage Israelgo, eno poba olo bugagia muiąo. Tama dage kingo hani, dagego odiąo. Dagego te doloba pai po tų odobo sę elalubao, tiali goli dagego tama me tibeo. Tama tiyu, duga digi te po tųba dodolobao. Dage prisgo tibo lotu te Mispade hodolama, tama te bulu du Taborde, me te Sitim taunde tiai. Tama te dagego te we bidi dabego homu kolesaga dolali. Tama tiyu, dage te hasa kę, me te hasa waba bulubo tǫ dedage tiwai elaluali. Tama eno dage dodolomainogo eyu, te dwai dene dage tigidaliba mawaibao,” walio.

Amos 7:13

Nago te profet po e bulu Betelde pusubo te dago hagela homu ebao. Magi baso meni, kingo te pesagede lotu wabo dao. Tama ede elalubo lotu wabo be da, te tigidali Israel hanigo be dao,” te po wali.