Jeremaia 20:5 - Godigo dwagi yai po buku

⁵ Tama eno te boi bidi dabego te taunde tigidali mone somainogo ilaibao, te we bidi dabego wiegi wiegi yai tigidali doado bage, me te Juda king dabego mone doado bage saibao. Te boi bidi dabego hwįbo bomo elama, te tigidali nai gigilama, te Babilonba selasa paibao.

Jeremaia 20:5 Iomraidhean Croise

Tuni Bidi Dabego Po Elalubo Buku Si 36:10

Te kibu bede te kedau sogo silainu ebadi, king Nebukatnesargo te ami bidi dabe tagala palama, Jehoiakin kalabus igi pelama, tama Babilonba odasa pali. Tama me te ami dabe augwaligo te Genuai Bidigo tempel bede munaluai te dis dabe me plet dabe te Babilonba sela pali. Tama Nebukatnesargo te Sedekaia, te Jehoiakin aga ama, te Juda dabego king Jerusalemde bidimainu magi ilali.

Aisaia 39:6

Genuai Bidigo te po wali, te nosali sogo me sogo deli pedalubo si da, te Babilon dabe aselama, te kingo bede munalubo nai doado bage, te naga bulai wąį dabego te bakstuaba sisinama muani nai saibao. Te nai me deli te augwaligo me sula tagalogobeo. Mu menio. Augwaligo te tigidali nai doado bage Babilonba selasa paibao.

Jeremaia 12:12

Te tǫ wa pai bulu pesagede te boi bidi hauwa pedaliyu, te augwaligo tigidali nai doado bage dolabo homu yaibao. Magi baso meni, te eno dagego tǫ kantri we bidi tigidaliba dene maiabo homu ebao. Tama te bidi me deli bugagia bidainu ebaso, usu me egobeo.

Jeremaia 15:13

Te eno dagego tigidali mone me wiegi yai doado bage tigidali te boi bidi dabeba mawaibao. Magi baso meni, te dagego duga tǫ kantri tigidali habuba usu nama, te dwai sę hauwa ebo dao.

Jeremaia 17:3

Dage te bulu du dabeba pelama, lotu wagi pabo dao. Tama tialima, eno te dagego mone tigidali, me te wiegi yai doado bage dabe, te boi bidi dabeba mawaibao. Dagego dwai sę hauwa te duga tǫ kantri tigidali usu nama ebao. Tama eno te boi bidi dabego dagego te lotu wabo pesage somainogo ilaibao wai dao.

Jeremaia 3:24

“Tiali goli, dago te Balba lotu wali, te hale ebo god dao, tama te tebo kolesagade dago tigidali sipsip, me bulmakau, me wai ogwa dabe, me wegi dabe, me te tigidali wiegi yai nai te wąį nǫų dabego sę dene elama sali nai tigidali odolali sisai dao. Tama te tibo god Balgo te nai dabe sese dalama tuali. Dago te kolesaga te da gesi ogwa bidide gagalama yali, te megi e sogoba usu nagasobao,” te po wali.

Jeremaia 32:24

“Tibaso, te Babilon dabego te Jerusalem bagua sagaselama, te da dali hwįbo sę yai. Augwaligo te taun obo pąde tǫ du holama, te augwa tede dolalu boi hwįnama, te taun sainu yai. Te boi bidi dabe da dali hwįbaso, te da nai sǫą pelama, te dwai gasi daba pedelali. Tialima, te Babilon dabego te Jerusalem saibao. Te nago po wali sę dabe, te pedelalio, te megi nago subao.

Jeremaia 39:2

Augwaligo hwįnama, hwįnama, te waiya si me deli, te polua a naga me deli bidali, tama te kibu be 11 te Sedekaia king bidali, te polua me si me si, te polua dei te 9 wabode, augwaligo te masigigo nigai moni obo pedai me badu deli aluama, te Jerusalem tomoba pai dao.

Jeremaia 39:8

Tama Jerusalemde te Babilon ami bidi dabego te kingo be me, we bidi dabego be me, isigo ulalio. Tama augwa te Jerusalem bagulali genuai masigigo nigai obo me pebe delama, sąwai dao.

Jeremaia 4:20

Augwaligo te tigidali tǫ kantri badu te we bidi dabe mu dolama, te tǫ kantri dwai mu pedelali. Polo mu tama, augwaligo te dago ugwa be dabe dolai dao.

Te We Bidi Dabego Jerusalem Hagede Gela Wali 1:10

Polobadu te God Genuai Bidi te habu selebo po weyu, te Israel hani isąwai bage te moni lotu be tempel tomoba pelamuo po wai dao. Tiali goli, te Jerusalem we bidigo suali, te tobage boi bidi dabe te bomo yai po boliyu, augwali tomoba pelama, tama tede elaluali wiegi wiegi yai nai dabe sese tama wi salio.

Te We Bidi Dabego Jerusalem Hagede Gela Wali 1:7

Megi da, te Jerusalem dolai elalubadi, aga we bidi dabe digibulu sese mu tama usu nama, wau bilibo dao. Tama agai polobadu mu munolua asali wiegi wiegi yai nai dabeba homu kone ma palobo dao. Te boi bidi dabego Jerusalem we bidi sali sogo, te meba gasa hanigo aga me tau sai menio. Tama te boi bidi dabego aga dolobo suali, tama augwali gisugu dwai mu wali. Awe, aga tulalubaso, augwaligo kęnę po wali.

Te We Bidi Dabego Jerusalem Hagede Gela Wali 4:12

Te gasa tǫ pedai kantrigo king dabe, me te haniani tǫde we bidigo homugo te boi bidi dabego te Jerusalem aiyaba elaluama, tama te taun sogobe homu yai dao.

Esekiel 22:25

Te profet dabego dwai kolesaga po mia selama, augwali te laion dabego te hasa ela munama, te hasa dili tologa tuyu i wabo tiwai yali. Te bidi dabego te augwa abagi dabe hauwa ela munama, tama augwa te abagi dabego mone me doado bage sali. Tama te isali bidi dabego we dabe sibi, augwaduba odolo bidibao.

Daniel 1:2

Godigo te Nebukatnesargo te Jehoiakim me te Juda we bidi hauwa somainu elama, tama te Godigo bede muani wiegi yai nai, te kap, me plet pou dabe meba salio. Tama agai te aga tibo godigo beba digibulu sela pali, te be te tǫ pedai Sinarde elaluali, te Babilon hanude digi dao.

Hosea 13:15

“Te Efraim dabe hauwa mu pedelama, tama te gasa Israel hani aiyaba elaluali, tiali goli eno te posolo yai bomai wali mu te giliga asobo badu tagala palama, tama te waligo augwaligo te ulu wę sula somainu ilaibao. Tama te waligo augwa dwagi yai doado bage sela pela silimainu yaibao,” wali.