Jeremaia 2:24 - Godigo dwagi yai po buku

²⁴ Tama nage te so uni donkigo te tǫ wa pai pesagede sesemane sogo bilidubo tiwai ebao. Aga te homu hę wai bilidu, te donki bidi gegali te aga guni ugaba sagolama, te omai donki menade bidibowe, te denami odada bilali. Te aga tama tebo sogo, dego agai tų palibo usu egowe? Bidi menio. Te sogo te omai donki dabego te so donki aga gegebo sę dene me egobeo, te augwa godolo ebo homu sia somainu tiaibao.

Jeremaia 2:24 Iomraidhean Croise

Jopgo Po Asęani Elalubo Buku 11:12

Tama nago kibu donkigo wai ame nabo si, te bidi gesabidi poai ame nogobeo. Te tiwai me te dwagi yai homu kolesaga wali pisąwai bidi agai wiegi yai kolesaga me sogobeo,” Sofargo te po wali.

Jopgo Po Asęani Elalubo Buku 39:2

Tama nisu naga polua te meme kibu dali, te dia hasa dali sigo wai augwa idago haligade bidibo, te nago koneaniwe? Tama nago koneani bogo, nisu te hasa ida dabego bogoli si sugunama, wai saibawe?

Jeremaia 14:6

Te uni donki dabe te bulu dude dolalu, te augwa homu hę obaso, te bomonama mobo ma kekali, te uni yowi dabego ebo tiwai yai. Augwa te tuabo nosai meni baso, te augwali gedu kimi isalio,” Genuai Bidigo te po wali.

Jeremaia 2:27

Augwa te tama po obao, ‘Ni, nage da, te dena aya da, te masigi, nago da ame nani.’ Augwaligo ena tudiba naga muyu, te augwali ena pąba me asisąwai. Tiali goli, te sęgę pedalubo si da, augwaligo te tiwai i wabo dao, ‘Genuai Bidi, nago da tau sagasao,’ tama wabo dao.

Esekiel 16:33

Tigidali penani ebo wego mone saibao. Tialima, nago me tebeo. Nago te tigidali badu bidiba te wiegi yai homu ilibo nai tiwai mayu, te nage dali piagasomainu homu bega sabo sę ebo dao.

Hosea 5:15

“Te ena te ena buluba ma pelama, te ena we bidi tagaligi pelama da, tama te augwali te augwa yali dwai sęgęde te dene me sęgę sabo sogoba usu somainu yaibao. Tiali goli, nosali te augwali enaba ma asaibao. Te augwali dwai dene siyu bolo elama, te augwali enaba ma asaibao,” wai dao.

Hosea 8:9

Augwaligo hagoma te bulu uni yowigo ebo hagoma tiwai yali, tama augwa homu kolesaga wali pai. Te augwali pelama, te Asiria dabego augwali tau somainu hanalugi pai, tama augwaligo te mone tolama, te gasa tǫ kantri king homu begelama, augwali tau somainu yai.