Jeremaia 2:20 - Godigo dwagi yai po buku

²⁰ God, Genuai Bidigo po ma weyu, te tiwai po wai, “Israel, odao. Polobadu digi nago enaba hagoma eyu, tama nago eno nageba mani sę tagalai, tama nago te po wali, ‘Eno nago sę munu ma egobeo,’ wai. Mu tama, nage te tigidali bulu duba holoyu, tama te tigidali genuai ni dologoba sisinama, te nago tibo god dabeba lotu wali, te wego bidi hauwa dali penani igi pabo tiwai yalio.

Jeremaia 2:20 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 12:32

Tama te king Jeroboamgo agai te namba 8 polua wabode, te 15 dei, te sogo te Israel dabego moni lotu po wabo bodolu deli dao olama, dąį ilali. Te genuai lotu po wabo sogo, te Juda hanigo lotu po wabo bodolu sogo deli gagawai tiwai tama da. Tama agai te hasa dabe elama, tama te denami yai ofa nai ulubo alta saide ulali, tama aga te golgo nigali kibu bulmakau noma siba te ofa eyu, tama tiwai. Tama agai te ofa nai ulali te Betel hanude tama tiwai. Tama agai te aga te sę tama tonalumainu, me te lotu po wabo pesage tonalumainu, tama agai te dąį ilali pris bidi dabebolo te e Betel bulu hanuba te dage eba sę yagasiąo olama, agai augwali asao olama, po ola tolali.

Te Israel me Juda Hani Sigo Tuni Bidigo Po Elalubo Buku Deli 14:23

Megi tama te Juda hani dabe me augwaligo te lotu po wabo pesage te augwaligo te bulu dude me, te moni ni dologode me, tama ninigi pali. Tama augwaligo te masigigo te kąų ni tiwai te pos nigilama, tama augwaligo tulama, tama te tibo god we Asera noma te kąų nide te lotu po wabo pesagede wawalo pali, tama augwaligo te nomabolo lotu po wali.

Godigo Nogi Ugwaba Sabo Tęąbi Po Wabo Buku Dabe 107:14

Genuai Bidigo augwali selama, tama augwali te hulia saide bidali tagalu, tama agai augwaligo te sen togolama, tama augwali te kalabus ma elalubeo.

Godigo Nogi Ugwaba Sabo Tęąbi Po Wabo Buku Dabe 2:3

Augwa te po wai, “Dago te augwali sigo nogo aligabo togoinao,” wali, “tama me te augwali sigo da kęalubo bono pisigina sąinao,” wali. “Te dena tedali bidinao,” wali.

Godigo Nogi Ugwaba Sabo Tęąbi Po Wabo Buku Dabe 78:58

Augwaligo te tibo godigo alta dabe nigali, tama te tebogo te Godigo wado po omainu ilali. Augwaligo te tibo god dabe nigilama ebaso, tama Godigo augwaliba dwai haliga yai dao.

Ma Dobola Sali 19:8

Tama tigidali we bidigo te po wai, “Dago te sę dabe tigidali te Genuai Bidigo po wali gilama te sę yaibao.” Tama Mosesgo te we bidigo po te Genuai Bidibolo wagi pai.

Ma Dobola Sali 24:3

Tama Moses pelama, te Genuai Bidigo bomai po tigidali te we bidi augwalibolo pusigi pai. Tama tigidaligo te po odolama, tama augwaligo pedauwali deliba munama, tama te po wai, “Dago te Genuai Bidigo po wali te sę tigidali yaibao.”

Ma Dobola Sali 3:8

Tama ena dulai dao, tama te augwali te Isip dabego nogode ma selama, tama augwali te genuai tǫ me deli te tǫ ili hauwa elalubo, te nai bugagia dwagi yai mu holobo tǫba odasa paibao. Te tǫde megi te Kenan bidi hani me, te Hit hani me, te Amor hani me, te Peres, me Hivi, me Jebus, te tama hani augwali te tǫde megi bidibo dao.

Aisaia 1:21

Mena tama te pedalaliwe? Hanu Jerusalem, polobadu nago eno po wali dolo pai dao. Tiali goli, megi da, nage penani we gaga wali. Tega! Polobadu nagede bidali bidi dabego te po tų dodolobo kolesaga dolo yai dao. Awe, polobadu nage te dwagi yai doloba pai kolesaga ebo bidi dabego pągąwai dao. Tiali goli, megi da, nage bidi ela mabo bidigo pągąyani.

Aisaia 10:27

Megi da, dage te Asiria dabego dage tonaluyu, te kau kibu magede ni name munama, tama sę emainu selebo tiwai te ebao. Tama te Asiria dabe bugagia dualalubao. Tama augwaligo te ebo kolesagago ena sębę te ilibao. Tama tibaso, te eno bodolu muani sogode da, te eno te Asiria dabego bomo silama ebode da, te bagego dage sęgę ma mayu egobeo. Awe, dage te boma pai hani pedalubaso, dagego te tolobo sęgę mu tagalaibao.”

Aisaia 14:25

Te Asiria dabe eno tǫba aselama, tama eno we bidi sęgę tolomainu yaibao. Te Israel dabe te bulmakau kibu tiwai bidibao. Te bidigo sęgai ni name magede munama, tama sę emainu tonalubo tiwai yaibao. Tiali goli, te Asiria dabe Israel dabego bulu dude dabe bidibadi yaide, teda eno augwali agalama, mimieibao. Tama te genuai sęgę Israel dabego tolali, te sęgę dabe sese mu tama silaibao,” wali.

Aisaia 9:4

Te we bidi dabe wiegi yai homu yali. Magi baso meni. Nago augwaligo boi bidi dabego bomo polo toga sąyai da weyu, te polobadu nago Midian hanigo bomo toga sąyani yali gilama. Te boi bidi dabego naga we bidi tonaluama, tama augwali genuai sęgę tolalumainu yai dao, te bidigo sęga pai ni name kau kibu dogoniba munama, tama te kau kibugo sę emainu wąbi dagego elama, tonalubo tiwai yai dao. Tiali goli, nago te ni name dabe, me te wąbi dage dabe, nago polo toga sąyai dao. Te boi bidi dabego nai tama, te boi bidi dabego nago we bidi dabe dali dwai sę megi me egobeo. Te boi bidi dabego gudama, hwįgi pabo nai dabe sese isigo dela silaibao. Te augwaligo moni su dabe, me hwįyu gudubo ugwa te bidi kaneme dagana sali, te isigo delama, silaibao. Te tigidali sęgę dabe sese silaibao. Tama wiegi yai sogo ma asaibao.

Jeremaia 13:27

Eno nago ebo kugumini yai kolesaga sualio. Nago te tibo god dabe wali pabo sę bomonama eyu, te augwaliba te bulu du dabeba lotu weyu, me te kala pesage dabede lotu weyu ebao. Nage te we me deli tiwai aga sali bidi mu tagalama, te gasa bidi dabe dali pigi pelama, te penani sę umabo mu yali. Tama nage te so hosgo te omai hos dabeba bomonama i wabo tiwai ebao. Hobede muo, Jerusalem, nage te meda yai mu bididu, te nage wiegi yai meda meni yai pedelabo homu ebeo. Nage te tiwai tama bidada pidubadi, te mena sogoba usu naibawe?” te po wai dao.

Jeremaia 17:2

Sesemane sogo dage hanigo wai pulubago me te tibo god altaba homu kone kone eyu, te tibo god we Asera piksaba kone palu ebao, te dagego genuai ni dabe dologode muyu, me te tigidali bulu du bagede mubo dao.

Jeremaia 2:31

Dage megi bidibo Israel, te Genuai Bidi eno poba olo bugagia muao. Dagego homugo ena te masigi kemi olo pesagede te dwai nai da homu ebo dawe? Ma, ena te be hulia sai pesage me deli mu tiwai da obawe? Te tiwai isąyu da, teda magi baso eno we bidi dagego enabolo te tiwai po weyu, ‘Megi te dena homu wali peyu, tedela paibao. Da te nageba munu ma asogobeo,’ wali.

Jeremaia 3:13

Israel, nago te tiwai po dolasa hanilama pusao, “Eno te dwai sę yai da,” po wao. “Eno God, nage ena Genuai Bidiba hagoma yali, te ena tigidali genuai ni dologoba pelama, te tibo god dali dwai kolesaga yali. Te eno nago po sela sąwani.” Israel, ena Genuai Bidigo, eno te po nageba mobao,’” wali.

Jeremaia 30:8

Ena Tigidali Bomo Elalubo Genuai Bidigo, eno te po obao, te eno te boi bidi dabego te Israel dabe mageba domonani ni nami pedai alua sąnama, te eno augwali kalabus elaluali silimainogo yaibao. Tama augwali te gasa hani dabego olo sę ebo bidi bidali tiwai munu ma me bidigobeo. Menio.

Jeremaia 5:5

Tialima, eno te genuai bidi dabe sugi pelama, te augwali dali po miaibao. Augwa te tobage kolesaga me bomo yai po, God, Genuai Bidigo homugo augwa wali peyu, konemainu ebao.’ Eno te homu yali. Tiali goli, te genuai bidi dabe tigidaligo me te Genuai Bidigo po sela sąnama, te agai homu kolesaga wali me pabeo.

Esekiel 16:28

“Te bidi dabe nage dali piagasali, te augwaligo nago godolo ebo homuba usu nusiąbaso, tama nago penani sę ebo kolesaga te Asiria bidi dabe dali yali. Tialima, augwaligo me nago godolo ebo homuba me usu nubeo homu yali.

Esekiel 16:31

Te tigidali sunumide nago te tibo god dabeba lotu wabo pesage nigiyu, te penani ebo kolesaga ebao. Tialima, nage da, te gasa penani we dabego ebo kolesaga tiwai ebeo. Menio. Nago te kolesaga ebadi, tiali goli nago augwaligo te sabo mone tiwai me sabo homu ebeo.

Esekiel 16:41

Tama te abagi dabego nago be dabe isi ulaibao. Tama te we hauwago nageba te ebo sę augwaligo sueibao. Nago te dwai kolesaga ebo eno mu silimai hagede ebaso, tama nago te bidi dabe nage dali piagasomainu homu bega sabo sę me egobeo.

Esekiel 20:28

Te eno augwali mawaibao olama po dąų wali tǫba te augwali odasa asali sogo, augwaligo te genuai ni dabe te genuai bulu du dabe sulama, te augwaligo te homu eyu, te tibo god dabeba lotu wabo pesage dabe wiegi yai elaluba homu yali. Tama augwaligo te hasa dabe me wain dabe hauwa seselama, augwaligo ofa yali, te tiali kolesagade augwaligo ena haliga sębę dwai mu ilai dao.

Esekiel 23:5

Ohola aga eno we da, tiali goli agai penani ebo kolesaga eyu, te agai te Asiria dabe dali gedu elama, te augwali agai abagi dabe pedelalio.

Hosea 1:2

Hasia sogo Genuai Bidigo te Israel dabeba maiabo po te Hoseago pedauwaliba muani, agai Hoseabolo te tiwai po wai, “Eno we bidi dabe augwaligo ena homugo wei me ebeo, tama augwaligo te tibo godiba lotu wagi pobao, te bidigo sai wego penani igi pabo tiwai ebao. Te usu siyu, nago te we me deli sigi pao, tama nosali te wego penani yaibao. Tama agai wai dabego me te aga ebo kolesaga tiwaiba peyu, te penani sę yaibao,” wali.

Hosea 2:5

Te wego te tama po wali, ‘Te eno wei eyu, godolo homu ebo bidi dabe wali paibao,’ wai. ‘Augwaligo ena te nai me wę mayu, te gudabo ugwa dabe me mayu yali, tama te oliv wel me wain mayu ebo dao,’ te po wai.

Hosea 3:3

Tialima, te eno agabolo wali, “Mu tama, nage te eno we dao, tiali goli, te megi tebode ena nage dali me pigobeo,” wali. “Hasia bolo te nage ena dali hauwa sogo elama bidao, tama te sogo nage te sunumide bilibo we tiwai me bidilamuo. Tama te eno nage naga tonalueibao,” eno te po wali.

Hosea 4:13

Augwali te bulu duba holama, te tibo god dabeba ofa eyu, tama te wiegi yai denami ebo ofa me, te habu selali pesage te genuai ni page dologode te ofa ebo dao, magi baso meni, te ni dologode te wiegi yai tiwąi madi elalubaso yai.” “Tama tiyu, duga wegi dabe te sunumide bilalubo we dabe tiwai ebao,” wai. “Tama duga wąį we dabe me te penani ela bilibo dao.

Hosea 9:1

Israel dabe, dagego te wiegi yai kolesaga wali pisąbo te haiden bidi dabego ebo kolesaga te dagego te genuai nai daa tuyu, te lotu wabo sogo ebo kolesaga tagaliąo. Magi baso meni, te dagego duga God tudiba munama, te dagego aga wali me pabeo. Te tigidali badu, dagego te Balba lotu weyu, te sunumide penani ela bilibo wego ebo kolesaga tiwai ebao. Tama te penani ebogo te mone sabo sę tiwai ebo dao.

Pris Sę Ebo Bomai Po 26:13

“Ena digi ena Genuai Bidi, ena dagego God dao. Polobadu dage te Isipde olo sę ebo bidi bidibaso, eno te kalabus ebo sę togwa sąnama, te dage odasa asai. Eno dage te kalabus yali bidi dabego bogo toga sąwai, te dage kalabus tagalama, te wiegi yai homu pemene eyu asai dao,” wali.

Nahum 1:13

Te Asiria dabego dage tonaluali, tiali goli megi da, te eno augwaligo bomo aiyaba elaluama, tama te augwaligo dage kalabus ma egobeo,” wali.

Bomai Po 12:2

Tama dage te bulu dabe polo sabo si da, dagego te we bidigo tibo godiba lotu wabo pesage dolama, mu silao. Te bulu dabe te genuai bulu dude, me dwasianu bulu dude te elalubao, me te moni genuai ni silide te elalubao.

Bomai Po 15:15

Dagego te dage me te Isipde olo sę ebo bidi bidali te kone paliąo, tama Genuai Bidi dago God agai dage oda selama, olo ma tagala palai dao. Te tama tiali po pagede eno megi te bomai po dagebolo te mobao,” wali.

Bomai Po 26:17

Megi da, dagego haninama te po wali dao, Genuai Bidi da, te dagego God dao, te po wali dao. Tama dagego agai tigidali po dabe me agai tigidali bomai po wali paibao po duga polo dąų wali dao. Tama me, agai tigidali ya wali sę dabe po me yaibao wali.

Bomai Po 4:20

Tiali goli, dage da, menio. Godigo dage Isip bulude oda selama, dage eba odasa asali. Te dage te isi hobulude honialuai tiwai tama odasa soai dao. Tama agai dage odasa asali, te aga we bidi mu bidainogo odasa asai dao, te dage megi bidibo tiwai tama.

Bomai Po 4:34

God dago Genuai Bidigo da Isip bulude oda selama, da te Isip hani tomodu dįą selama, odasa asu, da aga we bidi mu pedelai dao. Te dagego gedude agai haniani sę hauwa agai genuai bomogo yai dao. Agai te Isip dabebolo genuai gasi augwalibolo mayu, me agai augwali dali hwįyu yai dao. Tama agai gasi hauwa mayu, me agai haniani bidi noma sabo sę geninama mu yali, te augwali wi ma iliyu. Tialima, te gasa god mego te tobage sę me yai dawe? Mu menio.

Bomai Po 5:27

Moses, nage ma pelama, God dago Genuai Bidigo wainogo ebo te po ma odigi pao. Tama odama, tama ma asama, nago te odali po dabolo pusao. Teda dago odama, wali paibao,’ dagego tobolu bidi dabego te po enabolo te sogo wali,” Mosesgo te po wai.

Josua 1:16

Tama tigidaligo Josuabolo po wei ponoyu, te po wai, “Awe,” wali. “Te dago nago dabolo wali po tiwai gilama, te tama tigidali sę dago yaibao. Tama tigidaliba nago da tagala palobaso da, teda da teba paibao.

Josua 24:24

Tama te we bidi augwaligo Josuabolo te po wali, “Dago te Godiba lotu wainogo, te dago Genuai Bidi, tama aga bomai po naga wali paibao.”

Josua 24:26

Josuago te po dabe te Godigo bomai po elalubo buku me deli tomode asęani. Nosali agai te masigi me deli selama, tama te ni kali pąde, te Genuai Bidiba lotu po wabo madi pąde te masigi dolaluama, muani.

Kraisgo Geme Dualali Sę Pedelabo Po Jonbolo Ola Mani 17:1

Te pou elaluali a naga olama me badu nogo si ensel mobo bidi augwali tomode me deli te aga asama, enabolo te po wai, “Nage suagasao. Te penani ebo we te genuai ąį dabe ugwadu daide dulaluali, aga te yali dwai sęde dwai dene mu sabo sę, eno nagebolo te sę ebo ola mawaibao.

Te Israel Tobolu Bidi Dabe 10:6

Tama te Israel dabe augwaligo Genuai Bidigo gedude dwai sę ma yai. Augwaligo lotu po te Bal dabe me, te Astarte dabe me, lotu weyu yai. Te augwali te Siria dabego god, te Saidon me Moap, me Amon dabe me Filistia te tama bulu bagego god dao. Augwaligo te Genuai Bidi tagalama, tama te agaba lotu po me wabeo.

Te Israel Tobolu Bidi Dabe 2:11

Tialima, te Israel dabe augwaligo te tibo god dabe Balba lotu weyu, tama dwai sę Genuai Bidigo gedude ilali.

Te Israel Tobolu Bidi Dabe 2:13

Augwaligo munu me te Genuai Bidiba lotu po me wabeo. Augwaligo lotu te Bal, me te tibo god we dabe Astarte teba lotu wali.

1 Samuel 12:10

Tama tiyu, te nǫų wąį dabego te Genuai Bidiba gedu haluasa po wabo bomonama weyu, te augwali tau somainu yali. Augwaligo agabolo te tiwai po wali, ‘Genuai Bidio, dago nage tudiba munama, tama dago te tibo god Balba me te Astarte dabeba lotu po weyu yali. Tama tiyu, dago sęgę salio. Megi dago nageba hanalu obao, te nago da te boi bidi dabego nogode ma dobola sobaso da, te dago nageba lotu weyu, tama nage deli naga wali asaibao,’ augwaligo te po wali.