Jeremaia 2:19 - Godigo dwagi yai po buku

¹⁹ Naga digi ebo dwai kolesagade te nageba dwai dene mawaibao. Nago ena tudiba mubaso, tama naga te kolesagade nageba wado ilaibao. Nago ena Genuai Bidi tagalu, te nago God, te nago ena dologoba me bidagasobe. Tama nago bugagia homu kone palama, koneao, nago te dwai kolesaga dabe mu ebogo te nageba dwai dene mobao. Ena God, Tigidali Bomo Elalubo Genuai Bidi, eno te po wai dao.”

Jeremaia 2:19 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 18:18

Tama Elaijago Ahapgo poba wei ponoyu, te tiwai po wai, “Nago tibo po obao. Te sę yabo page eno menio. Te sę yabo page nago dali, te nago ayago hanide dali elalubao, magi baso meni, dagego te Genuai Bidigo po sela sąnama, te dagego tibo god Bal dabeba lotu oduai dao.

Tuni Bidi Dabego Po Elalubo Buku Si 12:5

Te Juda dabego tobolu bidi dabe augwali Sisakde wi elama, wi solama, Jerusalemba Rehoboam dali bidagasali. Tama tialima, Godigo profet bidi aga nogi Semaia agai augwali sugi pelama, e tama po augwalibolo walali. “Genuai Bidigo e tama po wali, ‘Dagego ena tudi ola mani, tama tibaso megi eno dage tudi ola mani dao, tama eno Sisakgo dage aiyaba elalumainogo yali dao,’ Genuai Bidigo te po wali,” te Semaiago te po wai.

Tuni Bidi Dabego Po Elalubo Buku Si 21:10

Tiali goli Juda dabego Idom dabe aiyaba elalubeo, tama te Idom dabego augwa digi augwali kantri tonaluali, te augwaligo augwa digi tonalubo sę megi tama me ebao. Tama te sogo naga te taun Lipna hanigo we bidi me po sela sąnama tobolu tali nigali, tama augwali Juda dabe dologode munu me ma bidibeo. Te po page e dao. Jehoramgo aga Genuai Bidi aga wąį dabego Godiba tudi ola mani.

Tuni Bidi Dabego Po Elalubo Buku Si 25:16

Profetgo po odubadi tama Amasiago agai po togoyu, te po wali, “Dego nage enabolo kolesaga mabo bidi nigilai dawe? Nage penane pania sao. Tiyu, eno ami bidi me delibolo nage elama isila po wai dalio,” wali. Profetgo te po odama, aga penane pania sainogo, hasia bolo agai kingbolo te po walali, “Megi da, eno koneanio, Godigo nage dolainogo yalio, magi baso meni, nago dwai kolesaga elama, tama megi nago eno po odobo hagela yalio,” wali.

Godigo Nogi Ugwaba Sabo Tęąbi Po Wabo Buku Dabe 36:1

Agai dwai sęde sali sęgę te dwai bidigo haligade elalubao, tama te po meba agabolo mabo dao. Te bidigo te Godide wi me egobeo. Mu menio. Agai aga tudiba muaibao.

Ma Dobola Sali 33:6

Tama augwaligo te Sainai bulu du taga pabo sogo, augwaligo te tigide muani te au dobage te me mubeo.

Bugagia Bidibo Kolesagade Po Asęai Buku 1:31

Tama tialigo da, megi da, te dagego duga yali dwai kolesagago walali du dabe tuao. Awe, dagego haniani dwai sę yabo homu kolesaga yai dao. Megi da, dagego te kolesagago du dabe tulama, tabi pągąwaibao.

Bugagia Bidibo Kolesagade Po Asęai Buku 1:32

Magi baso meni. Te wiegi yai homu kolesaga meni yani we bidi dabe augwaligo te ena tudiba munama, tama augwa te kolesagago digi te augwa ela munama, augwa isaibao. Te bidi dabego homugo augwaligo te tigidali nai koneani homu yali, augwali te wabo pabo bidi dabe tiwai ebao. Augwa te homu kolesagade te augwa digi augwa dolobo dao.

Bugagia Bidibo Kolesagade Po Asęai Buku 5:22

Te dwai bidi aga sęgęgo digi te aga te wago kalabus elama, te bonogo kęąlubo tiwai ebao.

Aisaia 3:9

Te po tų odobode augwaligo augwa godolo ebo bidi dabe naga tau sabo dao, tama gasa bidi dabe aiyaba elalubo dao. Tama te kolesagago augwa digi augwa ma po tų ela mabo dao. Augwali te we bidi dabego gedude dwai sę ebode augwali hale me ebeo, te Sodom bagego polobadu yali gilama. Augwali dolaibao. Augwa dagede augwa dolaibao.

Aisaia 5:5

Megi da, dagebolo ena wain gide yaiba homu yali po dagebolo eno pusa mawaibao. Te eno wain gi obo hųgia sąwaibao. Awe, te obo dolama, tama te bulu hasa dabe te gi tomoba pelama, tama te wain ni tulama, dolomainu yaibao.

Aisaia 50:1

Genuai Bidigo te Israel we bidi dabeba te tiwai po wali, “Taun Jerusalem te duga ida tiwai elalubao. Dagego homugo eno aga tudiba mubao homu eyu, te bidigo we sabo kolesaga bolama, te sai we mu sela sąbo tiwai homu eba, agawe? Te dagego tama homu ebaso da, teda te tama po wali pepa mena elalubawe, eno aga mu sela sąwaniwe? Tama me, te eno bidi me delide negeli sali me elalubeo. Te tama homu dagego magi baso ebawe, eno wai dabe eno dage te gasa bidi dabeba te olo sę ebo bidi tiwai ilama, tagala paliyu, eno te negeli sali dodolabo mone saliwe? Mu menio. Te dagego dwai sę hauwa ena haliga sębę ilibaso, eno te Jerusalem tudiba munama, tama eno dage te gasa bidi dabego nogoba muai dao.”

Jeremaia 1:16

Tama eno ena we bidi dabe po tų kot ilama, te augwali dene mawaibao. Magi baso meni, augwaligo ena tudiba munama, te augwa digi tibo god nigilama, te augwaliba ofa eyu, te lotu augwaliba wai. Te kolesagade augwaligo te dwai sęgę saibao.

Jeremaia 13:22

Te nago te magi baso te dwai sę nageba pedalubo te nago koneainogo homu ebaso da, teda nago koneao, te pedalubo te nago dwai sę yali wei ponoyu tebao. Te naga yali dwai sęde naga nago ugwa augwaligo peda sąnama, te augwaligo nageba dwai sę yali.

Jeremaia 2:17

Te naga digi yali sęgo te sę nageba pedelali. Magi baso meni, ena Genuai Bidi, naga God, eno nage te sunumidu odasa asainu yali, tiali goli, naga hagela eyu, ena tudiba muai dao wai.

Jeremaia 3:22

Genuai Bidigo te po wai, “Dage te hagoma ebo wai puluba dabe, dage enaba ma asiąo. Te eno dagego ena te duga tudiba mubo kolesaga dodolama, te dage ena dali bugagia bidimainu yaibao.” Tama te we bidi dabego po wei ponoyu, te po wai, “Awe, megi da, da nageba ma asaibao, magi baso meni, nage God, te dago Genuai Bidi dao.

Jeremaia 4:18

Dagego te dwai kolesaga eyu, dage te dwai sunumidu bilibaso, tama dageba te pedalubo sęgęgo page dabe te dao. Te duga dwai sęgęgo digi duga te dene tolobao, tama te duga homu enelawe togwalubo dao,” wali

Jeremaia 5:22

Magi baso dage enade wi elama, midigi ebo meniwe? Eno te nambis wę sane muani, te tamu ąįgo dąį tiwai nigilali, tama te nambis ąį sane te sesemane te obo tiwai elalubao. Te genuai si pedalu, te bomonama bugusu obadi, agai te dąį ilali me bogi soagobeo.

Jeremaia 5:24

Dagego ena Genuai Bidi duga God dologoba me pisąma tebao. Dagego te homu isąbao, ena digi eno te tulubage te dagego nai wai bulubo sogo tagala paliyu, te nai inabo sogo tagala palu ebao. Te ena digi eno te nai aga inayabo sogode inamainu eyu, te tigidali kibu bede dagego sela tumainu tebo dao.

Jeremaia 5:6

Tialima, te laion dabe te genuai buside bidali tagalama asu, te augwali ela muagasaibao, te uni yowi dabe te wa pai bulu pesagede bidali taga soyu, te augwali dolagasaibao. Te genuai uni pusi dabe te aselama, te Juda dabe augwa taun pąba tonaluagasaibao. Te bidi me we me deli te taun tomode bidali tagalama, buluba teda soabode, te uni pusi agaba pasuga sigi pelama, te aga tigi pepeda tueibao. Te sę augwaliba pedelaibao, magi baso meni, te augwa dwai sę hauwa eyu, te hauwa sogo augwaligo te Genuai Bidi tudiba mubo dao.

Jeremaia 7:19

Tialima, ena Genuai Bidigo, eno te po obao, augwaligo te dwai sę enabolo me ebeo. Te augwa digi dwai sę ebao, augwa te ebo kolesagade augwa hale dwai mu saibao.

Jeremaia 8:5

Tialima, te Jerusalem we bidigo ena tagalama, te augwali ma begasa asobeo. Augwaligo ena sesemane sogo tudiba muyu ebao. Te augwa tibo kolesaga wali pabo bomo eyu, te augwali enaba ma begasa asabo homu me ebeo.

Esekiel 23:30

tama nageba te sęgę dabe pedelaibao. Nago te gasa tǫ kantri dabego tibo god dabe tigidali wali peyu, te naga digi eno gedude meda ilali, te penani we aga yali kolesagago meda ilibo tiwai yalio.

Esekiel 39:24

Eno augwaliba tudi ola menama, tama augwaligo dwai meda yai sę dabe elama, sęgę sę dabe yali wei ponoyu, tama tiai dao, augwa dagede,” wali.

Hosea 11:7

Sesemane sogo augwaligo bomonama, ena tudiba muani, tialima eno augwaliba te mawainu ebo dwai dene te augwali me geda mugobeo. Te genuai sęgę augwalide elalubaso, te augwali dwai gela waibao. Tama te mena bidi me deligo te sęgę me sela sąwainu ebaso, usu me egobeo,” wai dao.

Hosea 13:9

“Te Israel dabe, te ena deli naga te dage tau sabo usu yaibao. Tiali goli, dagego hagela ebaso, tama eno dage dolaibao. Tama dego dage tau sogowe? Te bidi dabe menio.

Hosea 14:1

Te Israel dabe, dage te Godiba ma asiąo, te duga Genuai Bidi dao, magi baso meni, te duga dwai sęgęgo dage tulalumainu yali dao.

Hosea 4:16

Te Israel dabe augwali te hagoma ebo bulmakau dabe tiwai yai. Augwaligo homugo te eno augwali te sipsip tonalubo bidigo te aga sipsip dabe tonalubo tiwai yaibao homu yali. Tiali goli, augwali te hagoma mu eyu, te eno usu me egobeo.

Hosea 5:5

Te Israel dabe augwa hagoma kolesagago digi augwa ma po tų ilali. Te augwa dwai sę yali sęgęgo digi te augwa tulaluama, tama te Juda dabe me te augwali dali tulaluai dao.

Hosea 7:2

Eno augwaligo ebo kolesagade homu kone me gegeda palogobeo. Menio. Tiali goli, augwaligo te sę yali homu kone palisąwai. Te augwa ebo dwai sęgęgo te augwali mesegelali, tama sesemane sogo eno te sęgę naga sudu gebo dao.” Genuai Bidigo te po wai.

Hosea 9:1

Israel dabe, dagego te wiegi yai kolesaga wali pisąbo te haiden bidi dabego ebo kolesaga te dagego te genuai nai daa tuyu, te lotu wabo sogo ebo kolesaga tagaliąo. Magi baso meni, te dagego duga God tudiba munama, te dagego aga wali me pabeo. Te tigidali badu, dagego te Balba lotu weyu, te sunumide penani ela bilibo wego ebo kolesaga tiwai ebao. Tama te penani ebogo te mone sabo sę tiwai ebo dao.

Amos 8:10

Te genuai lotu wabo bodolu side, eno te isai bidide homu dene ebo sę pedalubo tiwai ilaibao. Te dagego wiegi yai pemene ebo balia te eno hasegelama, te augwaligo haliga sęgę elalu wabo balia pedalubo tiwai ilaibao. Te dage haliga sęgę elama, gela waibao, te aya ida aga ogwa deli elaluai, te isaide homu sęgę elalu, gela wabo tiwai yaibao. Te augwa we de bidi si te homu dene ola mabo ugwa gudama, te augwa si tobolu nisi tigidali poala sąwani, te augwali sigo homu dene ebo ola momainu yali. Tama eno dage te tobage kolesaga tiwai naga wali pomainu ilaibao. Te dwai sę ebo sogo, te dageba genuai sęgę mu pedalu, te dwai sę ebo silibo sogoba usu naibao,” wali.

Maika 1:5

Te tigidali sę pedelaibao, magi baso meni, te Israel dabego dwai sę eyu, te Godigo po sela sąwani. Te hagoma ebo kolesaga te Israelde elaluali, te sę page dego dawe? Te Samaria dabede naga dao. Te Juda tibo godiba lotu po wali kolesaga, te sę page dego dolai dawe? Te page Jerusalem dabede naga elaluai dao.

Sekaraia 7:11

“Tiali goli te we bidi augwali tobolu gagea pelama, augwaligo po odabo homu hagela yali. Augwaligo augwa homu kolesaga dąų ola selama,

Polgo Po Pas Rom Dabeba Asęani 3:18

Augwaligo te God dali wi dwasianu me ebo menio,” te po te bukude polobadu asęani.

Te Israel Tobolu Bidi Dabe 10:13

Tiali goli, dagego ena tagalama, tama gasa tibo godiba lotu wali. Tama tibaso, te eno dage tau ma sogobeo.