Jeremaia 2:13 - Godigo dwagi yai po buku

¹³ magi baso meni, eno we bidi dabego te dwai sę si yali. Hasia augwaligo ena tudiba muai. Ena te ulu wę tiwai te augwali bidabo ula maiabo wę elaluali, tiali goli, augwaligo ena tagalali. Tama me, tǫ diganama, augwa digi te wę sabobo nai nigali. Tiali goli, te wę sabobo nai te alua pelama, te ąį augwalide elalubo usu ebeo.’”

Jeremaia 2:13 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 22:17

Te tigidali we bidigo ena tudiba ilama, tama augwaligo te tibo god dabeba ofa nai ula mabo sę ebo dao. Tama augwa te dwai kolesaga ebogo te eno augwali dali eno wado te ebao. Eno sębę genuai mu te Jerusalem dali eyu, tama eno te sębę ebo sę te eno polo sia sogobeo,’ wali.

Godigo Nogi Ugwaba Sabo Tęąbi Po Wabo Buku Dabe 36:9

Magi baso meni, nage te tigidali naigo bidibo ula page bidi dao. Tama nage te ulago page da. Dago te nagede naga ula siyu, tama da bugagia bidibao.

Kolesaga Koneai Bidigo Pusali Po Elalubo Buku 1:14

Eno te tǫde pedalubo nai tigidali sula silali, te mu tama, te nai dabego page mu me elalusiąwai, te bidi me deli udayu, te wali nogogo tola sainu ebo tiwai ebo dao.

Kolesaga Koneai Bidigo Pusali Po Elalubo Buku 1:2

Te kolesaga mu konea pali bidigo te tama po walio, tigidali nai te olo nai tiwai mu elalu, te nai dabego aga page mu me elalubeo.

Kolesaga Koneai Bidigo Pusali Po Elalubo Buku 12:8

Kolesaga mu koneani bidigo te tama po walio, “Tigidali nai te olo nai tiwai naga elalu, tama aga page mu meni yai elalubao,” wali.

Kolesaga Koneai Bidigo Pusali Po Elalubo Buku 2:11

Tialima, nosali ena te sę dene elama sali nai dabeba homu kone palama, eno te tiwai koneanio, te tigidali nai te olo nai tiwai da, te homu eyu, te nai dabego ena dwasianu tau sogobe da homu yalio. Te bidi udulama, te soabo wali nogogo tola sainu ebo olo sę tiwai ebo dao.

Kolesaga Koneai Bidigo Pusali Po Elalubo Buku 2:21

Eno te tiwai homu ebao, te bidi mebago te sę bugagia yabo skul olama, te wiegi yai homu kolesaga koneani elalu, te augwa sę dene elama, te nai hauwa sali. Tama nosali augwali isibaso, te gasa bidi dabego te nai dabe olo saibao. Te kolesaga dwai mu ebao, tama te page meni yai mu elalubao.

Kolesaga Koneai Bidigo Pusali Po Elalubo Buku 2:26

Te we bidi mebago te Godigo homu wali pobaso, tama agai augwali dali dwagi yai homu ebo dao. Agai augwaliba te wiegi yai homu kolesaga menama, te augwali pemene ilibo dao. Tiali goli, te tobage kolesaga isąwai bage, te dwai sę ebo bage yaibaso da, teda agai augwaliba te sę dene menama, te sali nai hauwa te sisinama, te Godigo dwagi yai homu ilibo we bidi augwaliba momainu ebo dao. Te sę dene eyu, doado bage hauwa sabo kolesaga me te page meni yai elalubao, te bidi udayu, te wali nogogo tola sainu ebo tiwai ebo dao.

Kolesaga Koneai Bidigo Pusali Po Elalubo Buku 4:4

Tama me eno gasa kolesaga sualio. Te bidi dabe augwali sę dene mu elama, te tobage wiegi yai nai dabe nigibao. Tialima, te page e tiwai elalubao. Augwaligo homude te augwa abagi dabego genuai nogi elalu, te nai hauwa elaluba homu yali. Tama tibaso, augwaligo me te sę dene hauwa eyu, te abagi dabe augwali genuai nogi elalubo tiwai augwali me bidabo homu yali. Te wabo pabo homu kolesaga tiwai mu ebao, te bidigo wali nogogo tola sainu udabo tiwai gilama ebo dao.

Aisaia 1:3

Te kau kibu dabego augwa aya konebo dao, me te donki kibu dabego augwa ayago nai mabo pesage konebo dao. Tiali goli, eno Israel we bidigo kolesaga menio. Te kau kibu de donki kibu sigo kolesagago augwaligo kolesaga edelalio,” wali.

Aisaia 1:4

Tega, te we bidi dage dolama, dagego kolesaga me mu doali. Tigidali sogo dagego dwai sęgę sabo dao. Te duga dwai sęgęgo dage aiyaba kegebo dao. Dage Israel dabego duga Genuai Bidi tagalai dao, aga te Dwagi Yai Doloba Pai Kolesaga Naga Ebo God dao. Tama dagego aga tudi ola manio.

Aisaia 12:3

Tǫ dedagede wę sia sabo menio. Agai te wę te nai dabebolo mabo dao. Tama augwali bugagia bidibo dao. Genuai Bidi te sia sisąbo wę tiwai dao. Tigidali sogo agai dage tau sabode dage bugagia dąų olama, bidimainu ebo dao. Tama tibaso, dage agaba wiegi yai homu dali pelama, tama Genuai Bidibolo dage tau somainu hanalugi paibao.

Aisaia 5:13

Tama tibaso, Genuai Bidigo te po wali, “Mu tama, eno we bidi dabe dagego ena konebo hagela yali. Tama tibaso, boi bidi dabego dage gasa buluba me kalabus elama, odasa paibao. Te genuai bidi dabe nai menia saibao. Te olo we bidi dabe te ąį nogone eyu bidaibao. Tama augwali mu dolaibao.

Aisaia 55:2

Magi baso dagego te duga mone te dage tau sisąyabo nai dabede odolali silama, te dage nai sili bidaiwe? Magi baso dagego te tubo nai sabo sę dene elama, tama tede sabo monego magi baso te dwai olo nai naga abelebo dawe? Te eno poba bugagia olo muao, te eno wabo po tiwai gilama yao, te dagede eno mabo haniani nai mu pągąnalueibao. Awe, dagego homugo tede wiegi yai pemene mu yaibao.”

Aisaia 63:8

Genuai Bidigo te po wali, “Te hani dabe, augwali te eno hani we bidi dabe mu da, te augwa hagoma elama, eno po me sela sągobeo.” Tama te aga augwali ma sali bidi pedelai dao.

Jeremaia 1:16

Tama eno ena we bidi dabe po tų kot ilama, te augwali dene mawaibao. Magi baso meni, augwaligo ena tudiba munama, te augwa digi tibo god nigilama, te augwaliba ofa eyu, te lotu augwaliba wai. Te kolesagade augwaligo te dwai sęgę saibao.

Jeremaia 14:3

Te genuai bidi dabe augwa sę ebo bidi dabe tagala palama, te ąį tugi pao wali. Augwali te ulu wę dabeba pali, tiali goli ąį me elalubeo. Tama augwa te sospen sene olo ma sela pai. Te we bidi dabe augwa homu kone palali dwai mu ebaso, te augwa hale ebaso, augwa gesabidi halua siyu yai dao.

Jeremaia 15:6

Ena Genuai Bidi, eno po dolo tama obao, naga digi ena tudiba mudu, te ena digibulu pali. Tama tibaso, te ena digi ena nogogo te nage elama dolobao. Hauwa sogo eno nage hobede yali, tiali goli megi ena hagela pai dao.

Jeremaia 17:13

Genuai Bidio, sesemane sogo da Israelgo konealubo po nageba dąų olama, te nago da tau sabo tonalubao. Te bidi dabego nage tudiba muani, augwali hale dwai mu yaibao. Polo tama te bidi dabego augwali homu kone palubo tagalu, te nogi me deli homu kone gegeda pabo tiwai eyu, bidigo te tǫ hogomude asęai po polo hola pabo tiwai yaibao. Genuai Bidi, nage te ąį ulu tiwai dabolo ula mabo tiwai ąį elalubao. Tiali goli, te bidi dabego nage tagalobo dao.

Jeremaia 18:14

Te me sogo te bobobage masigi bulu du pesage te Lebanonde ais menibo homu eba, agawe? Te bulu dude kedau yai wę sula sabo homu eba, agawe? Mu menio.

Jeremaia 19:4

‘Eno te tiwai yaibao, magi baso meni, te eno we bidi dabego ena tudiba munama, tama augwa te gasa tibo god dabeba te wiegi yai denami ilibo hano ebo ofa ebao. Te we bidi augwa digi, me te augwa wąį nǫų dabego me, te Juda king dabego me, te god polobadu me konebeo. Tiali goli, megi augwaligo te god dabeba lotu weyu ebao, tama tebo kolesagade augwaligo te pesage dwai meda mu eno gedude ilibao. Tama me, te augwaligo magi sęgę meni yai bidi hauwa ela muyu, tama augwaligo kaneme te pesagede geą sąbo dao.

Jeremaia 2:11

Te hani bagego augwa god te god mu menio. Tiali goli, te hanigo augwa te god hasegelama, te gesi god wali me pabeo. Ena God, eno te genuai nogi dali bomo dali si elalubao, tiali goli dage we bidigo te ena hasegelama, te dage tau sisą yabo dwai god dabe wali pidubo dao.

Jeremaia 2:17

Te naga digi yali sęgo te sę nageba pedelali. Magi baso meni, ena Genuai Bidi, naga God, eno nage te sunumidu odasa asainu yali, tiali goli, naga hagela eyu, ena tudiba muai dao wai.

Jeremaia 2:26

Genuai Bidigo po ma weyu, te tiwai po wali, “Te nai wi sabo bidi me deli augwaligo dąų ola sobaso da, teda te bidi hale dwai mu saibao. Te Israel hani te tiwai me bidibao. Te augwa king dabe, me augwa tobolu bidi dabe, me pris dabe, me profet dabe, me te tigidali we bidi dabe, te hale yaibao.

Jeremaia 4:22

Genuai Bidigo tama po wali, “Eno we bidigo homu kolesaga wiegi yai me elalubeo. Augwaligo ena me konebeo. Augwali te homu kolesaga konesiąwai wai puluba tiwai elalubao, te augwali umuna pai elalubao. Augwaligo te dwai sę ebo mu konea pai elaluali, tialima augwaligo te wiegi yai kolesaga ebo me konebeo,” wali.

Jeremaia 5:26

“Te meba eno we bidi dabe, augwaligo te dwai kolesaga ebao. Augwaligo te gasa we bidi dabeba dwai sę yainu tonalueibao, te bidigo umben wa muai madi te ba tomoba soabo tonalubo tiwai ebo dao.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Esekiel 14:5

“Te Israel dabe augwaligo eno homu kolesaga mu konebo si da, augwaligo te tibo god dabeba homu konebo homu ebo tagalama, te augwaligo ena deliba naga homu konealuaibao. Augwaligo tama timainu eno megi e po obao.”

Esekiel 47:1

Tialima, te bidigo ena Godigo tempel be polalubo sunumiba ma odasa asali. Tama eno te ąį te sunumi dologodu pedelama, tama giliga asoboba geasa pabo suali. Magi baso meni. Godigo be giliga pedaloboba gesabidi tonalubo suali. Tama te ąį te sunumi saut badu pedelama, tama te ąį te saut badu te alta sesegedu peyu, te alta edelebo suali.

Maika 2:8

Tiali goli, odiąo. Duga digi ilama, tama eno hani te ena dali boi bidi pedalubao. Te bidi dabe augwa boi hwįani te ugwa ela holai, te ma aselama, beba bugagia dugulaluagasobo homu yai. Tiali goli, dagego augwaligo kedau side gudubo ugwa wi sabo dao.

Maika 6:3

Tialima, Genuai Bidigo te tiwai po obao, “Eno we bidi dabeo, eno mena dwai sę dageba yaliwe? Eno mena sę elama, dageba sęgę maniwe? Ae, tegoba, dagego enaba po wei ponao,” te po obao.

Sekaraia 13:1

“Te tiwai sę pedalubo si da, teda eno ulu ąį me deli munama elalueibao. Te Devitgo bulai wąį nǫų dabe me te Jerusalem we bidi dabe augwaligo te tibo god dabeba lotu olama, te sęgę hauwa sali. Tibaso, te ąįgo augwaligo te dwai sę yali sęgę tigidali sela sąwainogo yaibao,” Genuai Bidigo te po wai.

Dwagi Yai Gesi Po Jongo Asęani 4:10

Jisasgo te webolo po wei ponoyu, te po wai, “Nago te God agai te we bidibolo olo mabo nai konegi sogo da, tama ena mena bidigo nagebolo ‘Aį ena mao, ena tueio’ obao konegi sogo da, te si nago konegi sogo da, teda nago ena hanalu olama, eno nagebolo te bidabo bomo elalubo ąį mao wagi da,” Jisasgo te po wai.

Dwagi Yai Gesi Po Jongo Asęani 4:11

Te wego Jisasbolo te po wai, “Genuai Bidio, nago ąį tuabo nai meni. Tama te ąį tubo dedage aba mu dao. Tama tiyu da, nago te bidabo bomo elalubo ąį menade saibawe?” te wego Jisas dali te po wai.

Dwagi Yai Gesi Po Jongo Asęani 4:14

Tialima, bidi me deli eno mabo ąį tuyu da, tigidali sogo te bidi ąį nogone ma egobeo. Te ąį eno mawainogo ebo ąįgo da, te tama tiaibao, te ąį da bidabo bomo mabo wę ulu pedalubo ąǫ te bidi tigi tomode tiwai yaibao. Tama te ąį tigidali sogo pedaliyu, te bidi mu bidada peyu, mu bidada paibao,” Jisasgo te po wai.

Dwagi Yai Gesi Po Jongo Asęani 7:37

Te olo bidibo si silibo side, te genuai side dao, wai. Te tebo side Jisas dolaluyu, bomo olama, i wai, “Bidi me deli ąį nogone ebaso da, te bidi ena pageba aselama, ąį tuagasao.

Bomai Po 31:16

Tama Mosesbolo Genuai Bidigo te po walali, “Pąde tama nage isaibao. Tama nosali te Israel we bidigo eno augwali dali dąų wali po togolama, ena tagalaibao, te bidi me aga we tagalama, te penani ebo weba pabo tiwai gilama. Tama tiyu augwaligo ena tudiba togolama, tama augwaligo tibo godiba lotu po waibao, te augwaligo megi sigi painogo ebo te bulude bidiyu tiaibao.

2 Pita 2:17

Tama te tibo po ola mabo bidi dabe augwali te wę ulu meba te wę meni yai pedalisiąbo tiwai dao. Tama augwali te pǫ tiwai elama, te genuai waligo besela sąnama tedela pabo tiwai gilama ebao. Godigo te be sisi yai hulia sai digi aba mu tama augwali teba pabo sisi yai elalubo dao.

Kraisgo Geme Dualali Sę Pedelabo Po Jonbolo Ola Mani 21:6

Agai enabolo te po ma wali, “Te sę tigidali pedela silalio! Ena da, ena digi te hasia bidaluali bidi dao, ena te nosali mu sogo bidalueibao wali bidi mu dao, te ena tigidali nai page bidi, tama eno ebo sę tigidali ela silibo dao. Tama niwai bidi aga te ąį nogone ebaso da, teda eno te bidibo ula sabo ąį te wę ulude selama tama agabolo olo mawaibao.

Kraisgo Geme Dualali Sę Pedelabo Po Jonbolo Ola Mani 22:1

Tama te ensel mobo bidigo pabo ąį me deli ena ola mawai, te bidibo ula mabo wę, tama te wę te dula ula mu gegemani ebo tiwai ula yai. Tama te ąį aga gomo, te God dali te Sipsip Wai augwali sigo tuni bidi duabo sai pagede te ąį gomo elalubao.

Kraisgo Geme Dualali Sę Pedelabo Po Jonbolo Ola Mani 22:17

Te Godigo Mobo Bidi dali, te Kibu Sipsip Waigo we dali sigo te po obao, “Nage asao.” Tama e po odali we bidi tigidali augwaligo me te po wao, “Nage asao.” Tama te wę nogone ebo bidi, aga asomainao. Wę tuainogo ebo bidi, aga aselama, te bidabo ula mabo wę tuagasao, te Godigo agabolo olo mu mawaibao.

Te Israel Tobolu Bidi Dabe 10:13

Tiali goli, dagego ena tagalama, tama gasa tibo godiba lotu wali. Tama tibaso, te eno dage tau ma sogobeo.

1 Samuel 12:10

Tama tiyu, te nǫų wąį dabego te Genuai Bidiba gedu haluasa po wabo bomonama weyu, te augwali tau somainu yali. Augwaligo agabolo te tiwai po wali, ‘Genuai Bidio, dago nage tudiba munama, tama dago te tibo god Balba me te Astarte dabeba lotu po weyu yali. Tama tiyu, dago sęgę salio. Megi dago nageba hanalu obao, te nago da te boi bidi dabego nogode ma dobola sobaso da, te dago nageba lotu weyu, tama nage deli naga wali asaibao,’ augwaligo te po wali.