Jeremaia 18:21 - Godigo dwagi yai po buku

²¹ Tialima, megi da, eno homugo nago te augwaligo wai dabe te nai sǫą pelama, nasi eyu, isimainogo ilao homu ebao. Tama te boi bidi tagala palomainogo elama, te bidi dabego meba ela mumainogo ilao. Tama te bidi meba dwai gasi selama, isimainogo yao. Tama te gesi ogwa bidi dabe da, te boi hwįgi pabode isimainu yao. Tama te augwa we dabe sibi te wai meniama, te bidi me meni yaibao.

Jeremaia 18:21 Iomraidhean Croise

Tuni Bidi Dabego Po Elalubo Buku Si 36:17

Tialima Genuai Bidigo te Babilon king aga ami bidi dabe dali augwaligo te Juda dabe dolomainu tagala palali. Te Babilon dabe augwaligo te Juda dabego gesi bidi te tigidali Jerusalemde ela siliyu, me te Genuai Bidi aga bede ela siliyu yali. Kingo Juda dabe hobede dwasianu me ebeo. Mu menio. Te Babilon dabe augwaligo te Juda dabe gesi bidi me gesi wegi sese tama, me monu dabe, me te mosi dabe mu yai bage pąde tama te isabo ąǫ yai bage te Genuai Bidigo te Juda dabe sese tama te Babilon kingo nogoba muani.

Godigo Nogi Ugwaba Sabo Tęąbi Po Wabo Buku Dabe 63:10

Te hwįbo side augwali isibaso, tama te uni yowi dabego augwaligo tigi te pesela tuaibao.

Godigo Nogi Ugwaba Sabo Tęąbi Po Wabo Buku Dabe 63:11

Tiali goli, ena king da, te eno wiegi yai pemene te nage Godiba yaibao. Te bidi dabego nogo guni sisu muyu, tama nago nogi weyu, tama augwa po dąų wabo bidi dabe, te augwaligo nage wali pabo bidi dabe, augwa te wiegi yai pemene mu emainao. Tiali goli, nago te tibo po wabo bidi dabego pedauwali pania somainu yaibao.

Ma Dobola Sali 22:24

Tama eno sębę eyu, tama te boi bidi dabego dage dali hwįmainogo ilama, tama dage elemainogo yaibao. Tama dagego we dabe te bidi meni eyu, tama te dagego wai dabe augwaligo aya meni yaibao.”

Aisaia 13:18

Augwaligo te Babilon dabe mu sia sayabo homu bomo mu yalio. Augwali gesi bidi dabe augwaligo enesigigo elama, isilaibao. Tama me augwaligo genuai me dwasianu wai bǫų dabe augwaligo elama, isilaibao. Augwaligo augwali dali homu dene mu egobeo,” wali.

Aisaia 9:16

Te tobolu bidi dabego we bidi dabebolo wiegi yai sunumi dali kolesaga si ola mawai menio. Tama tibaso, we bidi polo hagawali.

Aisaia 9:17

Tigidali we bidi God tagalama, God dologode bidisąbo bidi polo gagawai dao. Augwaligo tigidali po dabe, kolesaga dabe mu dwai mu dao. Tama tibaso, Genuai Bidigo tigidali mu dolaibao. Agai te gesi bidi me bidimainu me sula tagalogobeo. Tama agai te we sibi me hobede me egobeo. Wilawe we dabe, me te tiana wai dabe, agai hobede me egobeo. Genuai Bidi agai te tama tiaibao. Tiali goli, tego agai sębę siligobeo. Menio. Agai nogo me balalubao.

Jeremaia 12:3

Tialima, Genuai Bidi, nago ena koneama, te eno tigidali kolesaga me konebao. Te nago eno homu kolesaga dagalubao, eno nageba haliga mu mubo, te nago konebo dao. Te eno homugo eno boi bidi dabe nago sela sąyao homu ebao, te bidi dabego sipsip elainogo sela pabo tiwai ebao. Te nago bodolu muani sogo, nago augwali ela muao.

Jeremaia 14:16

Tama te profet dabego po odali we bidi dabe, augwali me te hwįbogo me nasigo dolaibao. Tama boi bidi dabego te we bidi me wai puluba selama, te Jerusalem sunumiba sąsą paibao. Tama augwali tigi pubulabo bidi meni yaibao. Te Jerusalem dwai sę mu ebo we bidi dabe, tiyu te eno augwali mu dolaibao,” wai dao.

Jeremaia 15:7

Eno te tigidali we bidi te taun Judade selama, te augwali eno ela gudulali, te waligo wit wali hogomu sela sąbo tiwai yai. Eno ena we bidi dabe dolama, te augwa wai dabe ela muani, magi baso meni, augwa dwai kolesaga ebo me tagalobeo.

Jeremaia 15:8

Eno te ami bidi hauwa ela muani, tama augwa we dabe te augwa naga olo bidali. Te we dabe namba umabo mu bidai, te nambisde masigi sane aiyaba elaluali. Te giligade digi eno te boi bidi dabe tagala palama, te ami bidi dabego ida dabe ela muagasali. Deli sogo mu tama eno augwaliba te genuai dene menama, te augwali wi dwai mu ilai dao.

Jeremaia 50:30

Ena Genuai Bidigo, eno po dolo obao, te sogo dage boi bidi dabego te Babilon gesi ogwa bidi dabe ela munama, te bidi sisinibo bulu pesagede pągąnalua paibao. Te dagego Babilon ami bidi augwali tigidali ela mueibao,” te po wai dao.

Jeremaia 9:21

Magi baso meni, isibo daba pedelalio, te dago be sunumidu tomoba asali. Te da genuai bidigo bede bidibadi me, ma te olo bidigo bede bidibadi me, te tagalao. Te isibogo da me ela soagobeo. Isibogo te wai puluba sunumide gagali idubo, me te gesi ogwa bidi te bidi sisinibo pesageba sabolama, te isaibao.

Te We Bidi Dabego Jerusalem Hagede Gela Wali 1:15

Genuai Bidigo eno bomai ami bidi dabeba tudi ola manio. Agai ami i olama, ena dali hwįagasomainu elama, tama eno gesi bidi dabe dolalio. Genuai Bidigo kantri Juda we bidi dabe aiyaba agayalio, te bidi dabego wain wę nigainu, te wain du agabo masigi poude te wain agabo tiwai yalio.

Te We Bidi Dabego Jerusalem Hagede Gela Wali 5:3

Da olo mu bidibao, te tiana wai bǫų dabe tiwai bidibao. Me, te we dabe te wilawe we tiwai bidibao.

Esekiel 16:38

Nago te penani kolesaga ebo we tiwai bidiyu, tama nago te we bidi meba ela muani. Tama tibaso, eno nago yali dwai sę dagalama, tama tede sębę posolo mu eyu, nage dolo mu wei ponoyu, dwai dene mawaibao.

Esekiel 22:25

Te profet dabego dwai kolesaga po mia selama, augwali te laion dabego te hasa ela munama, te hasa dili tologa tuyu i wabo tiwai yali. Te bidi dabego te augwa abagi dabe hauwa ela munama, tama augwa te abagi dabego mone me doado bage sali. Tama te isali bidi dabego we dabe sibi, augwaduba odolo bidibao.

Amos 4:10

Genuai Bidigo po ma weyu, te tama wali, “Eno dage dolabo dwai gasi mu tagala palali, eno te Isip dabe augwaliba yali tiwai yalio. Te boi hwįbode eno dage gesi ogwa bidi ela muyu, eno dagego hwįbo hos dabe te boi bidi dabego somainu ilalio. Te eno dagego te hwįbode isali bidi dabego tigigo te dage bidibo pesagede te dwai kugumini ebo dagego denami odomainu ilalio. Tiali goli, tede me dage enaba ma geasa me asobeo. Mu menio,” wali.

Bomai Po 32:25

Tama genuai wąbi hwįbo si asobo suaibao. Te tama tialima, augwali sunumide bidali da, te boi bidi dabego augwali elama, isilaibao. Tialima, augwali bede geme dualaluyu da, augwali wi dwai mu yaibao, tama augwali me isaibao. Te boi bidi dabe augwaligo augwali sese tama ela isila silaibao, te gesi bidi, me gesi wegi, me wai bǫų dabe, me polo monu dabe me ela silaibao.

Polgo Si Wali Pas Timotiba Asęani - 2TI 4:14

Te bidi nogi Aleksander, agai mone ge sabo sę da te haniani nai te aga kapago nigibo bidi, te bidi agai enabolo dwai sę mu ilali. Nosali te Genuai Bidigo agabolo te dwai dene wei ponoyu, te aga yali dwai kolesaga usu nama te dene mawaibao.

1 Samuel 15:33

Tiali goli, Samuelgo te po wai, “Nago bidi hauwa elali, tama megi da, te bidi dabe augwa ida dabego wai meni. Tama tiyu, megi te nago ida me, te ida dabe tiwai gilama pedelaibao,” wali. Tama agai po olama, augwaligo te Agak ela munama, tama aga dwasianu dwasianu te Genuai Bidigo gedude te Gilgal alta pąde te dwasianu tologalio.