Jeremaia 18:18 - Godigo dwagi yai po buku

¹⁸ Te we bidi dabego te tama po wali, “Tegobao, dago te Jeremaiabolo magi sę yabo sunumi gegeinao. Agai po te mu po me wabeo. Te pris dabego augwa bomo yai po dabolo pusubo sę me tagalogobeo. Te wiegi yai homu kolesaga me koneai bidi dabe, augwa wiegi yai po me tagalogobeo. Tama te profet dabego me, te augwa profet po pusubo sę me tagalogobeo. Tama tialima, dago te Jeremaiago poba olo me mugobeo. Menio. Dago aga po tų naga inao,” te po wali.

Jeremaia 18:18 Iomraidhean Croise

2 Samuel 15:31

Tama augwali pelabadi, te sogo Devitgo te tama po odali, “Ahitofel pelama, te Apsalom aga hani dali tau sigi pai da,” po walio. Tialima, Devitgo te tama gedu haluasa po wali, “Genuai Bidio, nago te Ahitofelgo wabo po te tedali gasagi yai omainu ilama, te mu geda mumainu ilao,” wali.

2 Samuel 17:14

Husaigo po ola siminibo si da, teda Apsalom dali, te tigidali Israel dabe daligo te tama po wai, “Te Husaigo homu kolesaga te wiegi yai mu elama, tama te Ahitofelgo homu kolesaga te aiyaba elalualio,” te po wai. Genuai Bidigo te augwaligo homu te Husaigo homu kolesaga wali pomainu ilali, magi baso meni, Genuai Bidigo te Apsalom dolabo homu dola sai elaluai. Te mu tama, te Ahitofelgo homu te wiegi yai po wali, tiali goli Genuai Bidigo augwaligo te homu kolesaga wali pomainu me ilibeo.

Te Israel me Juda Hani Sigo Tuni Bidigo Po Elalubo Buku Deli 22:24

Profet Sedekaia, te Kenango ogwago, Mikaiago Ahapba te pusali po odama, te aga Mikaia pąba pelama, tama aga naboge badu nogo sawaligo eliyu, te tama po wai, “Te Genuai Bidigo Noma Mobo Bidigo ena magi elama tagalama, te nageba solama, tama nagebolo te po maniwe?”

Tuni Bidi Dabego Po Elalubo Buku Si 24:21

King Joas aga ofisa dabe dali augwaligo te Sekaraiago wali po wei ebeo, tama augwaligo aga ela isilabo po miani. Tama tialima kingo pode te bidi dabego masigigo Sekaraia enani, tama aga te Genuai Bidigo tempel be bagulali obo tomode sisinibo pesagede elama isilali.

Jopgo Po Asęani Elalubo Buku 5:13

Bidi mebago haniani kolesagago bidi mebago homu kolesaga dolainu ebo dao. Tiali goli, God te dwai kolesaga ebo bidi aga te dwai kolesaga ebogo aga ma dolomainu ebo dao. Te e tiwai dao. Bidigo sųgų sabo wa te sųgų sainu wąį goli, te wa aga digi aga tigide ma agabesai subo dao. Tama augwaligo sainu yali homu te olo buluba taga pabo dao.

Godigo Nogi Ugwaba Sabo Tęąbi Po Wabo Buku Dabe 21:11

Te boi bidi dabe augwa homude koneama, tama agaba dwai sę yabo miani. Tiali goli, augwaligo aga aiyaba elaluainu ebo usu me ebeo.

Godigo Nogi Ugwaba Sabo Tęąbi Po Wabo Buku Dabe 52:2

Nage te tibo po wabo bidi da, te nago po te resa te mu poa pai tiwai elalu, tama nago po wabogo te gasa bidi dolobo dao. Tigidali side nago te gasa bidi dolabo homu elalubo dao.

Godigo Nogi Ugwaba Sabo Tęąbi Po Wabo Buku Dabe 57:4

Te dwai hasa laion tiwai bidi dabe augwaligo ena bobegelali, tama augwaligo te we bidi dabe tuainu sisi yali. Te augwaligo kele te ene me sesemone poa pai mu tiwai elaluali. Te augwaligo hamena te bainat hwą poa pai mu tiwai elaluai dao.

Godigo Nogi Ugwaba Sabo Tęąbi Po Wabo Buku Dabe 64:3

Te bidi dabego po te mu poa pelama, tama te bainat hwągo ena togobo tiwai ebao. Te augwaligo dwai pogo enaba ponama wali, te bidigo enesigiba ene nanama, te bidi usu sabo tiwai gilama ebo dao.

Bugagia Bidibo Kolesagade Po Asęai Buku 18:21

Te nago pogo bidi bugagia bidabo bomo elalubao. Me ma, nago pogo te bidi dolabo bomo me elalubao. Tama tiyu, nago wiegi yai po wabo kolesaga wei eyu da, te nage bugagia bidaibao.

Aisaia 32:7

Tama te dwai bidi dabego te dwai homu kolesaga hauwa augwaligo tobolude pągąna pabo dao. Augwaligo homu kone palama, tama augwaligo haniani ili po wabo homu kolesaga dabe gegelama, tama augwaligo te nai meni yai we bidi dabego po tų ebode dolama, aiyaba elaluabo sunumi dabe gegebo dao.

Jeremaia 1:19

Te bidi dabego nageba boi bidi ebadi, tiali goli, te augwaligo nage aiyaba me elalugobeo. Magi baso meni, ena digi ena nage dali bidiyu, te eno nage tau siyu, ma dobola saibao. Ena Genuai Bidi, eno te po wai dao,” wali.

Jeremaia 11:19

Hasia eno te sę yabo konesiąwai. Ena te sipsip wai me deli tiwai te bidi dabego selasa pelama, ena eligi pabo tiwai yaibao. Te bidi dabego te tiwai po mia salio, ‘Tegobao, dago megi tama ela muinao, te bidigo te ni du walobadi togobo tiwai yaibao. Dago aga mu silama, te bidi dabego aga homu kone ma egobeo.’ Augwaligo tama po wali,

Jeremaia 18:11

“Tama tiyu, Jeremaia, nago te Juda dabe me Jerusalemba te tama po walao, ‘Ena Genuai Bidi, eno te po obao, odiąo. Eno te dageba dwai sę yabo sisi ela mubao, awe, tede eno homu kone palobao. Tama tiyu, dage deli deligo te duga dwai kolesaga ebo tagalama, te wiegi yai kolesaga naga wali pao,’ te po wao.

Jeremaia 18:19

Tialima, ena, Jeremaia, eno gedu haluasa po te tiwai wali, “Genuai Bidi, eno gedu haluasa po odao. Eno homugo nago eno boi bidi dabego enaba wabo pode homu kone palomainogo ebo dao.

Jeremaia 2:8

“Te pris dabego me enaba homu kone me palobeo. Te eno bomai po page koneai bidi dabe, augwaligo ena me konebeo. Te bulu tǫ kantri tonalubo polalubo bidi dabego enaba hagoma ebao. Te profet dabego te tibo god Bal nogide profetgo wabo po tiwai weyu yali. Augwaligo te augwa tau sisąbo naiba lotu wai dao,” wali.

Jeremaia 20:10

Eno odali, te bidi hauwa augwa hasi pomu po dua digi mia siyu, te tiwai po obao, “Jeremaia aga te po wabo bidi, ‘Te bidi dabe wi ilibo sę eyu, te tigidali badu bidaibao.’ Tegoba, dago aga po tų ilaibao. Te megi tama po tų ilinao,” augwaligo te po wabo. Te eno hai namu tigidaligo homu te dwai sę enaba pedelama, te ena aiyaba elalumainao homu ebao. Tama augwa te tiwai po wali, “Te dago aga gaga munama, te dago aga aiyaba elaluama, te agai yali dwai kolesaga wei ponaibao,” te po wai.

Jeremaia 26:11

Tialima, te pris dabego me, profet dabego me, te po te tobolu bidiba, me te we bidi dabe tigidaliba te tiwai po wali, “Te bidi isimainao, magi baso meni, agai te po wai, te taun dolaibao. Duga digi agai te profet po wali odai dao,” wali.

Jeremaia 37:13

Aga pelama, te Jerusalem genuai obo sunumiba sabaligi pali, augwa nogi eyu Benjamingo Sunumi da wali. Tama ami augwa tobolu bidi ofisa me deligo te we bidi ugwa peyu, eda asu ebo sunumide tonaluali. Te ofisa bidi nogi, Iriya, te Selemiago ogwa, te Hananiago bulali wąį. Tialima, Iriyago Jeremaia pageabi elama, te po wai, “Eno koneani, nage wi pelama, te Babilon dabe dali bidigi painogo ebao,” te po wai.

Jeremaia 43:2

tialima, Asaria, te Hosaiago ogwa, me Johanan, Kareago ogwa dali, te gasa hagoma ebo bidi dabe dali, augwaligo Jeremaiabolo e tiwai po wali, “Nago tibo po obao. God, dago Genuai Bidigo dabolo te po wagasu, te da Isipba me pigio olama, te nage me tagala palobeo. Mu menio.

Jeremaia 44:16

“Nago te Genuai Bidigo nogide dabolo po pusali. Tiali goli, dago te po me odogobeo. Menio.

Jeremaia 44:17

Dago te dena yaibao olama, po dąų wali sę tigidali yaibao. Dago te wiegi yai denami ebo ofa te god weba idu geaibao, augwa te tama nogi yali, Te Dagalude Kwin We dao wali. Te dago agaba te wain ofa gelidu geaibao. Polobadu dena digi me, dago wąį me, king dabego me, te tobolu bidigo me, dago te tobage ofa Te Dagalu Kwin Weba yali. Dago te ofa te Juda taunde, me Jerusalem sunumi dabede yalio. Te dago tama tiali sogo, te dago nai hauwa elalu, te da bugagia bidiyu, te dwai me deli dabolo me pedalubeo,” te po wali.

Jeremaia 8:8

“Magi baso dage Juda dabego te tiwai po weyu, ‘Dago te wiegi yai homude koneani kolesaga elalubao,’ po weyu, ‘magi baso meni, te Genuai Bidigo agai bomai po dabolo mawai da,’ obao. Dagego te tama po wagio, magi baso meni, te bomai po ola mabo tisa dabego te bomai po hasegelama, te tibo po naga asębo dao.

Te We Bidi Dabego Jerusalem Hagede Gela Wali 3:62

Tigidali bubugade augwali po minama, posolu weyu, ena dolabo po gegeyu ebao.

Esekiel 7:26

Te dolobo sę haniani augwaliba pedaludu geaibao, tama augwaliba te dwai nai dabe hauwa pedelabo po odu geaibao. Tialima, augwali wi ebaso, augwali te geme nosali pedelabo sę po pusubo bidi profet dabeba pelama, tama augwaliba hanalu te eno homude ebo yabo sę po hanilabo po koneai hagede yaibao, tiali goli te eno po augwaliba me magobeo. Te pris dabego augwali ola mabo po meni yaibao, te tobolu bidi dabe augwaligo te wiegi yai homu kolesaga augwaliba maiabo meni yaibao.

Pris Sę Ebo Bomai Po 10:11

Tama dagego te Israel we bidi te bomai po tigidali eno dagebolo te Mosesgo pedauwalide mabo te ola mobaso usu yaibao,” te po wai.

Maika 3:6

“Dagego eno we bidi dabe tibo po ola mobaso, tialima megi da, dagego te profetgo te nade sabo po tiwai munu me ma sogobeo,” wali, “tama te nosali pedelaibao wabo nai po te dagego me wagobeo. Te dagego bodolu sogo megi silainu ebao. Te giliga iba dega sigulama, te be hulia sabogo dage mesega sabo tiwai gilama ebao,” walio.

Maika 3:7

“Tama te mena sę dabe te nosali pedelaibao po pusali profet dabe, te augwali hale elama, te augwali dwai haliga yaibao, magi baso meni, Godigo te augwaligo gedu haluasa po wabo me odisąma, te pedelao wali nai dabe pedalumainu me isąbaso, te tama tiai dao.” Genuai Bidigo te po obao.

Malakai 2:7

Te pris dabego sę dao, te we bidi dabego ena bugagia konemainu ola mabo sę yao. Te we bidi dabe augwaliba pelama, te eno homu bugagia konemainu yao, magi baso meni, te pris bidi dabego te Tigidali Bomo Elalubo Genuai Bidi eno po pusumainu ebo bidi dabe dao,” wali.

Dwagi Yai Gesi Po Lukgo Asęani 11:45

Te Juda dabego bomo yai po ola mabo bidi mego agabolo te po wali, “Po ola mabo bidi, nago te tama po wabogo te dago nogi me dolobao.”

Dwagi Yai Gesi Po Jongo Asęani 9:40

Te Farisi bage me badu augwali Jisas dali tede bidai. Tama augwaligo te po odai. Augwaligo Jisasbolo te po wai, “Da me homu kolesaga tomode gedu halua sai dawe, nago te po obawe?”