Jeremaia 18:13 - Godigo dwagi yai po buku

¹³ Tama tibaso, Genuai Bidigo po ma weyu, te tama po wai, “Ena Genuai Bidi, eno po dolo obao. Te gasa we bidi dabeba hanalu wagi pao. Te augwaligo te we bidi mebago dwai kolesaga mu yali po odali, te Israel dabego yali tiwai eba, agawe? Eno te Israel hani mu sai dao, bidigo te bidi dali pagela pisąwai gesi we sabo tiwai yali. Tiali goli, augwaligo dwai sę mu yali.

Jeremaia 18:13 Iomraidhean Croise

Aisaia 36:22

Tiali goli, te Asiria ami ofisa bidigo wali pogo te Eliakim, me Sepna, me Joa te haliga sęgę mu ilali. Tama augwa gudali ugwa pįsilama, tama augwali pelama, te ofisago wali po tigidali te king Hesekiabolo pusigi palio.

Aisaia 66:8

Dagego te tobage sę polobadu sulama, odai da homu eba, agawe? Te bulu tǫ kantri me deli te deli sogo pedalubo da, agawe? Te genuai hani we bidi me deli te deli sogo tama me pedalubo homu eba, agawe? Tiali, Saion aga te wai ame nabo tigi dene ebo gagalobo sogo, te polo tama aga te wai ame naibao.

Jeremaia 14:17

“Tama Jeremaia, eno homugo te nago naga po digi te we bidi dabeba pusao. Nago te tama po wao, ‘Ena Jeremaia, te ena gela umabo mu udubadi gęyu, te eno gedudu gela guwa gealudaibao. Eno te tebo kolesaga te ulade me, hulide me, tagalogobeo, magi baso meni, te boi bidi dabego eno we bidi dabe dwagilama mu eliyu, te we bidi hobedagia mu dolali.

Jeremaia 18:14

Te me sogo te bobobage masigi bulu du pesage te Lebanonde ais menibo homu eba, agawe? Te bulu dude kedau yai wę sula sabo homu eba, agawe? Mu menio.

Jeremaia 23:14

Tialima, megi eno subo, te Jerusalem profet dabego dwai kugumini yai kolesaga mu ebao. Augwaligo te we sabo kolesaga doloyu, te tibo po wabo kolesaga me ebao. Augwaligo te dwai kolesaga ebo bidi dąų walaibao. Tama tiyu, te mena bidi mego te tobage kolesaga tudiba me mubeo. Eno suali, tigidali Jerusalem we bidi te dwai mu, te Sodom dabe me Gomora dabe tiwai mu elalubo dao.”

Jeremaia 31:4

Dage Israel, eno gedude dage te bidi dali pagela pisąwai gesi we tiwai dao. Tama te eno dage bomai hani we bidi ma pedalumainu yaibao. Te gesi ogwa wego pemene elama, hąbidi eleyu, te tęąbi wabo hani dabe dali pemene ebo tiwai dagego yaibao.

Jeremaia 5:30

Dwai nai mu te tǫba pedelai dao.

Te We Bidi Dabego Jerusalem Hagede Gela Wali 1:15

Genuai Bidigo eno bomai ami bidi dabeba tudi ola manio. Agai ami i olama, ena dali hwįagasomainu elama, tama eno gesi bidi dabe dolalio. Genuai Bidigo kantri Juda we bidi dabe aiyaba agayalio, te bidi dabego wain wę nigainu, te wain du agabo masigi poude te wain agabo tiwai yalio.

Hosea 6:10

Eno te Israel dabego te dwai kolesaga mu me deli ebo suai. Te eno we bidi augwaligo te tibo godiba lotu weyu, tama augwali eno gedude dwai meda yai mu pedelalio.”

Amos 5:1

Dage Israel hani dabe, dagego te isai bidide wabo balia odao. Megi ena, Amos, eno dageba te balia obao, magi baso meni, dage te isai bidi tiwai yaibao.

Amos 5:2

Te tiwai balia obao, “Te gesi wegi Israel, aga degasa dulalio, ela mubaso, te ma hodalubo usu ebeo. Aga te aga tǫde pila mubao, te aga tau selama hodolabo bidi deli me meni dao.”

1 Korin 5:1

Te we sabo kolesaga togolama dolobo sę te dage tomode mu tama elalubao, te po wabo eno me odali. Tama te we sabo togolama dolobo gasagi yai kolesaga me, te tobage kolesaga te Godigo po odisawani we bidigo me isąbo dwai kolesaga dao. Te e tama tiwai: te dage tomode bidi me deligo aga ayago we sai.

1 Samuel 4:7

tama teyu, augwali wi elama, te po wai, “Te god meba augwali bidibo pesage tomoba asalio. Tegoba! Megi da, te da mu dolaibao. Polobadu te boi bidi me deligo te tiwai kolesaga da dali me yai menio.