Jeremaia 18:11 - Godigo dwagi yai po buku

¹¹ “Tama tiyu, Jeremaia, nago te Juda dabe me Jerusalemba te tama po walao, ‘Ena Genuai Bidi, eno te po obao, odiąo. Eno te dageba dwai sę yabo sisi ela mubao, awe, tede eno homu kone palobao. Tama tiyu, dage deli deligo te duga dwai kolesaga ebo tagalama, te wiegi yai kolesaga naga wali pao,’ te po wao.

Jeremaia 18:11 Iomraidhean Croise

Tigidali Nai Gagalama Nigali Side 11:7

Tama tidali weyu, da te tǫba dulama, te augwaligo po dedeli wabo te augwali dogoni hasegelama, te mebago te mego wabo po te munu me odisiąmainu, te augwali hamena begela siligi pinao,” te po wai.

Te Israel me Juda Hani Sigo Tuni Bidigo Po Elalubo Buku Deli 22:23

Tama Mikaiago po dolo tama te Ahapba te tiwai po wali, “Genuai Bidigo homugo nage dolomainu homu elama, tama agai te noma mobo bidi tagala palama, tama naga te profet bidi tigidaligo nage te poba homu dąų omainu, tibo po ola mabo tiwai yali dao,” wali.

Te Israel me Juda Hani Sigo Tuni Bidigo Po Elalubo Buku Si 17:13

Tama te Genuai Bidigo te profet bidi dabe me te nosali pedalubo sę koneai bidi dabe me augwali te Israel haniba me, me te Juda haniba me tagala palali, tama augwalibolo bomai po e tama wali, “Dagego kolesaga begelama, tama dagego te dwai kolesaga ebo sę tagalama, tama dagego te tigidali bomai po te eno po odama wali pao,” wali. “Te bomai po dabe me te eno te dagego wąį nǫųbolo mawai po dao, tama te po dabe te eno sę ebo bidi dabego eno ola mobaso, augwaligo pedauwalidu pusai dao, te bage te profet bidi dabe dao,” te po wali.

Te Israel me Juda Hani Sigo Tuni Bidigo Po Elalubo Buku Si 22:13

“Megi te Bomai Po elalubo buku eno salio, Genuai Bidi agai homugo agai da tigidali da e kolesagadu wali pomainu, e tama po hanilama wali. Tiali goli, dago wąį nǫų dabe augwali te e dwagi yai po wali pabeo. Tama tialigo da, teda te Genuai Bidi agai da dali te moni haliga sębę mu yalio. Tiali goli, te megi dago te Genuai Bidigo Bomai Po elalubo buku dago te ma suali dao,” wali, “tama tialima, eno homugo dage pelama, te Genuai Bidibolo hanalugi pelama, tama agai homugo te mena sę te ena dali me, te Juda hani we bidi dabe dali me, me te Jerusalem bulu we bidi dabe dali yabo sę po page gegegi piąo,” wali.

Te Israel me Juda Hani Sigo Tuni Bidigo Po Elalubo Buku Si 5:5

Awe, kingo agabolo e tiwai po tama ola mani, “Eno pas me deli asęnama, te Israel bidigo king bidiba tolaibao. Te pas eno nagebolo menama, tama nago sela pelama, agabolo magi pagameo,” wali. Tama kingo pas asęnama, te Namanbolo mawai, tama Namango te 300,000 silva mone sobadi, tama me te gol te sęgę bidi sese sela 60 kilogram gol sobadi, me te nogo si dwagi yai au ebo bulubo ugwa sobadi elama, tama aga hodaluama, te Samaria buluba pai.

Aisaia 5:5

Megi da, dagebolo ena wain gide yaiba homu yali po dagebolo eno pusa mawaibao. Te eno wain gi obo hųgia sąwaibao. Awe, te obo dolama, tama te bulu hasa dabe te gi tomoba pelama, tama te wain ni tulama, dolomainu yaibao.

Aisaia 57:1

Te bidi dabego te wiegi yai we bidi dabe isibo sogo, te augwa homu si me ebeo, tede homu kone palobo menio. Tama augwa te tiwai homu me sabeo, ‘Genuai Bidigo te bidi dabe isimainogo ilama, te augwaliba pedelainu yali dwai sę te geda mumainogo ebao,’ te homu egobeo.

Jeremaia 11:11

Tama tibaso, ena Genuai Bidigo, eno po dolo tama obao, te eno augwali dwagilama mu dolaibao, te sę augwaliba ebo me ela soagobeo. Te augwaligo enaba i weyu, tau somainu yaibao, tiali goli, eno augwaligo i wabo me odogobeo.

Jeremaia 11:19

Hasia eno te sę yabo konesiąwai. Ena te sipsip wai me deli tiwai te bidi dabego selasa pelama, ena eligi pabo tiwai yaibao. Te bidi dabego te tiwai po mia salio, ‘Tegobao, dago megi tama ela muinao, te bidigo te ni du walobadi togobo tiwai yaibao. Dago aga mu silama, te bidi dabego aga homu kone ma egobeo.’ Augwaligo tama po wali,

Jeremaia 18:18

Te we bidi dabego te tama po wali, “Tegobao, dago te Jeremaiabolo magi sę yabo sunumi gegeinao. Agai po te mu po me wabeo. Te pris dabego augwa bomo yai po dabolo pusubo sę me tagalogobeo. Te wiegi yai homu kolesaga me koneai bidi dabe, augwa wiegi yai po me tagalogobeo. Tama te profet dabego me, te augwa profet po pusubo sę me tagalogobeo. Tama tialima, dago te Jeremaiago poba olo me mugobeo. Menio. Dago aga po tų naga inao,” te po wali.

Jeremaia 19:15

“Da Israelgo God, aga te Tigidali Bomo Elalubo Genuai Bidi, agai te tama po walio, ‘Bugagia odiąo. Dage Jerusalem we bidi, me te Jerusalem pąde bidibo we bidi, dage tigidaligo te hagoma eyu, te dagego eno po odobo hagela homu yali. Tama tialima, eno te dwai sę tigidali dageba pedalumainogo yaibao, eno te tiwai sę yaibao,’ po wai dao,” eno te po wali.

Jeremaia 19:3

‘Dage te Juda king dabe, me dage Jerusalem we bidi dabe, dagego eno po odiąo. Ena dage Israelgo God dao, ena te Tigidali Bomo Elalubo Genuai Bidi, eno po dolo tama obao, te eno dwai nai mu te pesagede pedalumainogo yaibao. Tama tigidali bidigo te sę pedelali po odolama, augwa te dwai noma mu saibao,’ wali.

Jeremaia 25:2

Profet Jeremaiago te po te tigidali Juda me Jerusalem we bidiba pusali. Agai te tiwai po augwaliba wai dao.

Jeremaia 25:5

Te profet dabego te tiwai po wali, ‘Dage deli deligo homu begelama, te dagego dwai sunumi wali pabo tagalama, te dagego dwai kolesaga ebo me tagalao. Dagego te kolesaga tagalobaso da, teda Genuai Bidigo duga wąį nǫų dabeba te polobadu mu mani tǫde bugagia bidimainogo ilaibao, te tǫ te dage Israelgo tǫ sesemane sogo elaludaibao, te po wai dao.

Jeremaia 26:13

Tama tialima, megi da, dagego te duga bilibo kolesaga dodolao. Tama dagego te Genuai Bidigo po wali pao, te dena God dao. Te dagego tama tibaso da, teda Genuai Bidigo homu hasegelama, tama agai dage dolabo sę me egobeo, te agai po weyu, te sę yaibao po wali.

Jeremaia 26:3

Te nago eno po tigidali bugagia pusubaso da, teda te we bidi deli deligo nago poba olo bugagia munama, te homu begelama, te augwa ebo dwai kolesaga tagalaibawe, te dago sueibao. Augwaligo tama tiyu da, teda eno homu hasegelama, te eno augwaliba yainogo yali sę tagalaibao, te augwa yali dwai kolesaga wei ponainu tiaibao.

Jeremaia 3:1

Genuai Bidigo te tiwai po wai, “Te bidigo aga we sela sąbaso, te wego aga tagalama, te gasa bidiba pali, teda te polasa sali bidigo te we ma sogobeo. Te we agai ma siyu da, teda agai bulu kantri te dwai meda mu eno gedude pedelaibao. Israel, nage te bidi hauwa dali penani ela bilama, tama megi da, te nage enaba ma asainogo, ebawe?

Jeremaia 3:22

Genuai Bidigo te po wai, “Dage te hagoma ebo wai puluba dabe, dage enaba ma asiąo. Te eno dagego ena te duga tudiba mubo kolesaga dodolama, te dage ena dali bugagia bidimainu yaibao.” Tama te we bidi dabego po wei ponoyu, te po wai, “Awe, megi da, da nageba ma asaibao, magi baso meni, nage God, te dago Genuai Bidi dao.

Jeremaia 35:15

Hauwa sogo eno sę bidi, te profet dabe, te dageba tagala palidu geai. Tama augwa te po wali, dage deli deligo te duga homu begelama, dwai kolesaga tagalama, te duga kolesaga dodolao. Te dagego tibo godiba tibo po ola mayu, te augwaliba lotu me wagimio. Dagego eno te po wali pobaso da, teda dage te eno duga wąį nǫų dabeba me dugaba me mani tǫde bugagia bidaibao. Te profet dabego te tobage po pusali, tiali goli, dagego eno po me odisąyu, te wali me pabeo.

Jeremaia 36:3

Te tigidali Judago eno te dwai sę augwaliba yaiba po wabo odobaso da, teda augwa homu begelama, te bidi deli deli augwa dwai kolesaga tagalomainao. Tama tiyu da, eno te augwa yali dwai sę yali sęgę elaluali sela sąwaibao,” po wai dao.

Jeremaia 36:7

Genuai Bidigo wado eyu, haliga sębę umabo mu te we bidi dabeba ebao, tama agai dene mabo sę augwaliba yaiba wali. Tialima, te we bidi deli deli augwa te dwai sę ebo kolesaga tagalaiba homu eyu, te Genuai Bidiba gedu haluasa po obaso da, teda agai augwaligo gedu haluasa po wabo odaibao,” wali.

Jeremaia 4:1

Genuai Bidigo te tama po wai, “Dage Israel, te dage ma begasa asabo homu ebaso da, teda dage enaba naga asiąo. Dagego te dwai kugumini yai tibo god eno gedude mubo te sela sąyao. Tama dagego ena sesemane sogo wali asiąo,” wai dao.

Jeremaia 4:14

Dage Jerusalem bage, mena sogo dagego te tobage dobo homu kolesaga tagalaibawe? Te dagego duga dwai kolesaga tigidali tagalama, te dage wiegi yai pedalubaso, teda Genuai Bidigo dage ma saibao.

Jeremaia 4:23

Ena Jeremaia, eno te tǫ dolai olo mu tama elalubo suali. Te eno dagaluba tonono ebadi, te magi me deli ula me ebo subeo.

Jeremaia 4:6

‘Te we bidi dabe te Saionba pomainu po walobo plak ugwa ugwaba sao,’ wali. ‘Dage me bidigio. Dage wi pelama, duala sigi pao. Magi baso meni, eno digi te tǫ boi bidi dabe not badu bidali tagalama, te dage mu dolagasomainu ebao,’ wali.

Jeremaia 51:11

Dage Babilongo boi bidi dabe, duga ene dabe dulama, te hwįabo sabele dabe sao. Genuai Bidigo te Babilon dabego agai be dolaliba homu kone palama, te agai dwai dene augwaliba wei ponainogo ebao. Agai te Babilon mu dolainogo, tama agai te bulu kantri Midia homu hodolama, te Babilonba hwįagasomainogo yai dao.

Jeremaia 7:3

Ena duga Israelgo God dao, ena te Tigidali Bomo Elalubo Genuai Bidi, eno po obao, dagego duga bilibo, me duga kolesaga dolasa elalubaso da, teda eno dage te duga bulu tǫde bugagia bidimainu yaibao.

Esekiel 13:22

“Dagego te tibo po hauwa weyu, te dagego wiegi yai bidi dabego homu kolesaga dolobao. Tama dagego te dwai bidi dabe tau sobaso, te augwaligo dwai kolesaga ebo me tagalobeo. Te augwaligo dwai kolesaga tagalobaso da, teda augwali bugagia bidigi dao.

Esekiel 18:23

Ena God Genuai Bidi, eno dageba hanalu wabo homu yali, te dwai bidi me deli isibo sogo eno homu pemene eba homu dagego eba, agawe? Mu menio. Te bidi me deligo aga dwai sę ebo tagalama, bugagia bidibaso, tede eno wiegi yai pemene yaibao,” wali.

Jona 3:8

Dage tigidaligo te homu dene ebo ugwa munama, tama te tobage dwai name ugwa dabe te bulmakau sipsip dabe me munama, tama dagego bomo elama, Godibolo gedu haluasa po wao. Dage tigidaligo te dwai kolesaga tigidali badi, te dwai sę haniani ebo kolesaga, te tigidali dagego tagalao.

Maika 2:3

Tialima, Genuai Bidigo te po obao, “Odiąo. Eno dage dolabo homu ebao, te wi pabo usu me egobeo. Te dage hagoma elama bilainu ebaso, usu me egobeo, magi baso meni, te dwai sogo mugo dage gegaibao.

Sekaraia 1:3

Tiali goli megi da, eno dagebolo e tama po e walobao, dage enaba geasa ma asiąo, tama eno dage tau sagasaibao.

Godigo Sęba Tagala Palai Bidigo Po 26:20

Tama hasia bolo eno te Damaskus we bidi pageba pali. Eno augwalibolo te po tama pusa mani, ‘Dagego dwai kolesaga ebo sę tudiba sąnama, dage God pageba asao. Tama dagego dwagi yai kolesaga ebo tigidali we bidi augwaligo sulama, dwai kolesaga tudiba sąyani konemainao,’ wali. Tama eno te po Jerusalem we bidibolo me, te Judia tǫ tomode bidibo we bidi tigidalibolo me, te Israel hani isąwai we bidibolo me, eno te po tama augwalibolo pusali.

Jems 4:13

Dage meba bidi dagego te po wabo dao: “Megi me, do me, da te hanu meba pelama, tama te hanude dago bisnis sę eyu, kibu be deli bidaibao. Tama dago mone ge hauwa saibao,” te po dage mebago wabo dao. Tialima eno dagebolo te po obao:

Jems 5:1

Megi eno te dage walu hauwa munalubo bidi dabe dali te po obao. Dage dwai homu eyu, te hwa weyu, gela weyu yao. Dagebolo moni dwai sęgę dali, dene dali si tamadi pedalaibao.