Jeremaia 17:18 - Godigo dwagi yai po buku

¹⁸ Tama megi eno homugo nago te enaba dwai posobo po sę ebo bidi dabeba hale ilama, te augwa homu dolomainao. Tialima, nago ena homu dolobo sę me isąyu, te ena hale me iligio. Eno homugo nago te dwai sę ebo sogo augwaliba pedalumainogo ilao, te nago augwali dwagila augwali mu doloyu da yao, ena Jeremaiago te po wai.

Jeremaia 17:18 Iomraidhean Croise

Jopgo Po Asęani Elalubo Buku 16:14

Agai ena obo elama, ena dali hwįbo da, te bomai ami bidigo boi bidi dabego hanu sainu ebo tiwai te ebao.

Godigo Nogi Ugwaba Sabo Tęąbi Po Wabo Buku Dabe 35:4

Te bidi dabego ena ela muainu ebao. Nago te hwįyu, augwali elaluama, tama augwali hale ilao. Augwaligo te ena dolabo po mia sali. Nago augwali pobelama, tama augwali kone tua pomainu mu yao.

Godigo Nogi Ugwaba Sabo Tęąbi Po Wabo Buku Dabe 35:8

Tiali goli, te augwaligo konesiąwai sogo, te augwaligo ena dolomainu te muani bono gągągo, nago te augwa digi polo dolomainu ilao. Tama augwa digi augwa te nigali dedageba tolalumainu yao.

Godigo Nogi Ugwaba Sabo Tęąbi Po Wabo Buku Dabe 40:14

Te bidi mebago ena ela muainu ebao. Nago augwali elalu, tama augwali homu kone mu tuą palama, te augwali dwai hale somainao. Te bidi dabego eno sęgęde wiegi yai pemene ebao, nago augwali ma sela sąnama, tama augwali te elaluao.

Godigo Nogi Ugwaba Sabo Tęąbi Po Wabo Buku Dabe 70:2

Bidi mebago ena ela muainu ebao. Tama tialima, nago augwali homu puna palama, tama augwali aiyaba mu elaluao. Tama bidi mebago eno sęgęde wiegi yai pemene yali. Nago augwali ibaba ma kilasa pomainu elama, tama dwai hale somainu yao.

Godigo Nogi Ugwaba Sabo Tęąbi Po Wabo Buku Dabe 71:1

Genuai Bidi, ena nage dali bidibaso, tama te boi bidi dabego ena me dologobeo. Nago ena te augwaligo elalumainu me sula tagaligio.

Jeremaia 1:17

Tiali goli, nage da, nage sisi elama, hogodama pao. Te tigidali po eno nageba mani, te nago augwaliba pusao. Nage wi me isiąma, augwalide habu bulu me kila sigio. Nage tama tiyu da, teda te ena digi eno nage wi iliyu, te augwali gedude habu bulu kila somainu yaibao.

Jeremaia 11:20

tiali goli, nage Tigidali Bomo Elalubo Genuai Bidi dao, nago te we bidi dabego haliga me homu kolesaga dagalobo dao, te nago po tų dolo mu ebo dao. Eno te sęgę nago nogoba mubao, te eno homugo nago te bidi dabeba dwai sę ebo dene mabo sueibao,” te po wali.

Jeremaia 12:3

Tialima, Genuai Bidi, nago ena koneama, te eno tigidali kolesaga me konebao. Te nago eno homu kolesaga dagalubao, eno nageba haliga mu mubo, te nago konebo dao. Te eno homugo eno boi bidi dabe nago sela sąyao homu ebao, te bidi dabego sipsip elainogo sela pabo tiwai ebao. Te nago bodolu muani sogo, nago augwali ela muao.

Jeremaia 14:17

“Tama Jeremaia, eno homugo te nago naga po digi te we bidi dabeba pusao. Nago te tama po wao, ‘Ena Jeremaia, te ena gela umabo mu udubadi gęyu, te eno gedudu gela guwa gealudaibao. Eno te tebo kolesaga te ulade me, hulide me, tagalogobeo, magi baso meni, te boi bidi dabego eno we bidi dabe dwagilama mu eliyu, te we bidi hobedagia mu dolali.

Jeremaia 16:18

Tama tibaso, hasia bolo eno augwa ebo dwai kolesaga wei ponoyu, te gasa ugwadu daganama, wei ponaibao. Magi baso meni, augwali te kugumini yai tibo god piksa noma hauwa nigilama, te eno augwaliba mani tǫ tigidali badu pągąnobao. Te god dabego bidibo ula me elalubeo, te isai bidi dabego tigi tiwai elalubao. Tama te god dabego eno gedude te tǫ meda ilibo dao,” wali.

Jeremaia 17:13

Genuai Bidio, sesemane sogo da Israelgo konealubo po nageba dąų olama, te nago da tau sabo tonalubao. Te bidi dabego nage tudiba muani, augwali hale dwai mu yaibao. Polo tama te bidi dabego augwali homu kone palubo tagalu, te nogi me deli homu kone gegeda pabo tiwai eyu, bidigo te tǫ hogomude asęai po polo hola pabo tiwai yaibao. Genuai Bidi, nage te ąį ulu tiwai dabolo ula mabo tiwai ąį elalubao. Tiali goli, te bidi dabego nage tagalobo dao.

Jeremaia 17:16

Genuai Bidi, nago enabolo naga te we bidi hani tonalubo sę mawai, tama eno te sę me tagalobeo. Te nago koneai, eno te dwai sę te we bidi dabeba tagala palao po olama, me wabeo. Eno pusubo po tigidali nago bugagia konebo dao.

Jeremaia 17:19

Genuai Bidigo enabolo te tama po wai, “Jeremaiao, nage pelama, te taun obo bagulali pabo genuai sunumiba doligi pao, augwa nogi eyu te We Bidi Dabego Sunumi dao wali. Te Juda king dabe te sunumidu tomoba soyu, bulu teda soyu ebo, te sunumi te taun bagulali genuai obo te badu elalubao. Tama me te Jerusalem gasa genuai sunumi deli deliba nage pelama, doligi pao.

Jeremaia 20:11

Tialima, Genuai Bidi, nage te bomai ami bidi me deli tiwai elalu, te nago ena tialu tau sainu elalubao. Tama te bidi dabego enaba dwai sę pedalumainogo yali, te dwai sęgo augwa aiyaba ma elaluama, te augwaligo ena aiyaba elalueinogo ebaso, usu me egobeo. Mu menio. Te augwa dwai hale mu eyu, tama augwa te hale te tigidali sogo elaludubadi, te me siligobeo.

Bomai Po 33:11

Genuai Bidi, nago Livai dabe dali wiegi yai homu elama, tama nago augwali tau selama, augwaligo sę bomo mu emainogo tau sao, tama nago augwaligo ebo sęde wiegi yai homu pemene yagameo. Tama nago augwaligo boi bidi dabe sese aiyaba agayagameo, tama augwali munu me ma hodalogobeo,” wali.

Kraisgo Geme Dualali Sę Pedelabo Po Jonbolo Ola Mani 18:6

Dagego te penani wego yali kolesaga tiwai koneyu, tama dagego te kolesaga ebo usu nama aga dali wei sao. Te agai dage dali yali dwai kolesaga dali gasa me dali ugwadu daganama agabolo ma mao. Te wego dagebolo dene dali sęgę si mani, te bidigo bomo yai ąį si te kap deli tomode taluama tama gasa bidibolo mabo tiwai yai. Tama te kapde po digi po begelama, tama dagego te bomo mu yai ąįgo te wego kap pągąnama tama aga tumainao. Tama tiyu, tama agai dagebolo mani dene dali sęgę dali agabolo ma mao.