Jeremaia 16:19 - Godigo dwagi yai po buku

¹⁹ Genuai Bidi, nago ena dąų walama, ena obogo bagualubao, te nago ena te sęgę ebo sogo tau sobao. Te tigidali digibulu tǫ habu we bidi hani te nageba asama, augwa te tiwai po waibao, “Te dago wąį nǫų dabego tibo god, augwali te mu god menio. Augwali te olo bage tiwai elalu, te da tau sabo usu me ebe dao.

Jeremaia 16:19 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 20:23

Te hasia hwįani side nosali badu, te king Benhadatgo ami ofisa dabego agabolo te tiwai po wai, “Te Israel dabego god te bulu dude bidibo god da, tialima dago te bulu dude hwįani sogo, te god dabego Israel dabe tau selama, te augwaligo da aiyaba elaluai. Tialima, dago augwali dali te odogo bulude hwįbaso da, teda dago augwali aiyaba elalueibao,” wai dao.

Godigo Nogi Ugwaba Sabo Tęąbi Po Wabo Buku Dabe 18:3

Dago te Genuai Bidigo nogi ugwaba sao. Eno agaba gedu haluasa po weyu, usu da obaso, te agai ena tau selama, tama te boi bidi dabego dolainu yali usu ebeo.

Godigo Nogi Ugwaba Sabo Tęąbi Po Wabo Buku Dabe 19:14

Genuai Bidi, eno homugo eno po dali, eno homu kolesaga dali, te nago gedude usu emainogo te homu yai. Genuai Bidi, nage bidibo digi ena duala selama, tama nago ena tau siyu, ma dobola sabo bidi dao.

Godigo Nogi Ugwaba Sabo Tęąbi Po Wabo Buku Dabe 27:5

Te dwai sę enaba pedalubo sogo, teda agai ena te agai beba geme dualaibao. Te aga wiegi yai beba te sunumi paliama, tama ena geme bugagia mu dualaibao. Te agai ena te genuai masigi mu me deli te daiba dualama, tama ena bugagia bidaibao.

Godigo Nogi Ugwaba Sabo Tęąbi Po Wabo Buku Dabe 46:1

God aga te da seselalubo bidi da, tama agai sesemane sogo da bomo mabo dao. Aga te pąde bidiyu, te dago genuai sęgę sabo sogo tau sainu sisi elalubo dao.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

Godigo Nogi Ugwaba Sabo Tęąbi Po Wabo Buku Dabe 46:7

Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

Godigo Nogi Ugwaba Sabo Tęąbi Po Wabo Buku Dabe 62:2

Agai deligo te ena tonalu, tama ena tau siyu ebao. Tama aga deli naga eno bomai obo elalubao. Tama tiyu, te hwįbo side ena me hagagobeo. Mu menio.

Godigo Nogi Ugwaba Sabo Tęąbi Po Wabo Buku Dabe 62:7

God deligo naga ena ma sali, tama aga digi enaba te genuai nogi mani. Aga te ena tonalubo bomai bidi te bidibao. God aga digi aga te eno bomai obo elalubaso, tama te boi bidi dabego ena me dologobeo.

Godigo Nogi Ugwaba Sabo Tęąbi Po Wabo Buku Dabe 65:3

Dago te dena yali dwai sęde homu kone palu tama tiali. Te dena dwai sęgo da aiyaba mu elaluali, tiali goli, dago koneani, te nago dago dwai sę te dagala sąwaibao wabo dao.

Godigo Nogi Ugwaba Sabo Tęąbi Po Wabo Buku Dabe 68:31

Te Isip kingo te polalubo bidi dabe te Jerusalemba tagala palama, te nago po odomainu yaibao. Tama te Itiopia dabego nogo ugwaba siyu, tama nageba gedu haluasa po waibao.

Godigo Nogi Ugwaba Sabo Tęąbi Po Wabo Buku Dabe 86:9

Tigidali hani we bidi nago augwali nigali, te augwaligo lotu po wainogo eyu, nageba kidu sugunagasaibao, tama augwaligo te nago nogi ugwaba saibao.

Bugagia Bidibo Kolesagade Po Asęai Buku 18:10

Genuai Bidi te bomai be me deli elalubo tiwai ebao. Te doloba pai kolesaga ebo bidi dabe augwa te beba udula sobaso, tama bugagia bidaibao.

Aisaia 25:4

Nage te nai meni yai bidi dabe duala sabo bulu tiwai nage bidai dao. Tama augwali sęgę ebo sogo augwali bugagia bidai dao. Te dwai bidi dabego homu sębę te bomai waligo te be daga tigiba hudula palobo tiwai dao, me te sesana pai giliga te kemi tǫ wa pai bulude nanebo tiwai dao. Tiali goli, te tulubage sogo, me wali ebo sogo, nago augwali mesegelama, tonaluai dao. Te nai meni yai bage nago tonaluai dao. Tama bomai giligago augwali ulumainu sula tagalai menio. Genuai Bidi, nago te boi bidi dabego pedauwali paninama, tama te dwai bidi dabego i hae wabo tama sia sabo dao. Te pǫgo te sesana pai giliga dualobo tiwai ebo dao. Tama te bulu kedaua pabo dao.

Aisaia 32:2

Te deli deli genuai bidi dabego te we bidi dabe augwali tau somainu asali bidi dabe, augwaligo tau saibao. Augwali da, te we bidi augwali te genuai wali dali tulubage dabe ebo side, augwali te duala sabo pesage tiwai dao. Tama me, augwali te wę te hogomua pai pesageba pabo tiwai, me te moni masigigo te hogomua pai pesage te masigigo seselalubo tiwai dao. Tama te bidi dabe te tįwai madi duala selama, toma tubo tiwai dao, te boma pai giligade.

Aisaia 44:10

Augwaligo mena tobage homu kolesaga elalubo, augwaligo te tiwai tibo godigo piksa nigibawe? Te tibo god dabego augwali dwasianu munu me tau sogobeo. Mu menio.

Aisaia 44:20

Augwa homu kolesaga te mu kone tuą palio, tama augwa te geda mubo homu kolesaga mu eyu, te bidigo sia keli tubo tiwai yalio. Te we bidi dabe me deligo homu kolesaga dolo ma siyu, te po wabo sunumi deli me menio, ‘Te eno dolo nogode tolalubo nai, te ni dage naga, te god meni,’ te po wagobeo.’” Te po wai.

Aisaia 45:14

Genuai Bidigo te po wai, “Te Isip tǫ kantrigo mone doado bage tigidali, me te tǫ kantri Sudango doado bage tigidali me, te dage Israelgo saibao. Te boi bidi dabego te tǫ kantri Seba bobobage bidi dabe te kalabus ilama, te augwali dageba tagala palaibao. Tama augwaligo nogo te sen dabego dunama, augwali dage wali asu, te augwali dagego olo sę ebo bidi dabe pedelaibao. Te augwaligo dageba kidu sugunama, tama wi eyu, te tiwai po waibao, ‘Mu tamao, God dage dali bidibao,’ waibao. ‘Aga deli naga te God mu, te gasa god me bidibeo,’ waibao.

Aisaia 49:6

“Hasiabolo eno nageba te boi bidi dabego ela musiąwai Jekopgo hani dabe ma hodolabo sę mawai. Eno te Israel bage meba hagea sai dao, tama eno nageba te augwali sisinama, enaba odasa asabo sę mawai dao. Tialima, te sę ebogo te nago bomogo dęą me sogobeo. Eno te gasa sę me mawaibao. Eno nage te Israel hani isąwai we bidi hani tigidaligo sole ula tiwai nigaibao. Awe, nago te eno te tigidali bulu tǫ habu we bidi ma dobola sabo sę yaibao,” te po wali.

Aisaia 62:2

Tama te gasa tǫ kantri we bidi dabego nago te doloba pai kolesaga ebo sulama, te augwa king dabego te nago bomo me genuai nogi elalubo sueibao. Te augwa nage gesi noma nogi nogi yaibao, te nogi Genuai Bidigo digi nageba mawaibao.

Jeremaia 10:3

Suao. Te hani dabego mu kolesaga me ebeo. Augwaligo ebo kolesagago augwali tau sabo usu egobeo. Augwa te ni me deli buside gelama, tama te ni piksa dulubo konebo bidi dabego te ni selama, tama tego tibo god dulama, nigali.

Jeremaia 10:5

Te god dabe te olo nai dao, te bidi dabe piksa noma tiwai, te gi page bidigo te ba dabe wi iliyu, te gide muaibao. Te god dabego po me wagobeo. Te augwali bilibaso usu egobeo, tiyu te bidigo augwali tolaibao. Dage augwalide wi igio, magi baso meni, augwaligo dwai sę me deli yabo usu egobeo. Te augwa wiegi yai kolesaga me yabo usu egobeo,” te po wai dao.

Jeremaia 12:16

Tama te sogo te gasa hani augwaligo te eno we bidi dabego kolesaga bugagia konea sabo sę yaibao. Polobadu te hani dabego eno we bidiba te god Bal nogide mu po waiyąo wabo po ola mawai. Tiali goli, te sogode te augwa digi eno nogide mu po dao waibao, te sesemane sogo bidada pabo Genuai Bidi dao. Te kolesaga augwaligo wali pobaso da, teda augwali me eno we bidi hani pedelaibao.

Jeremaia 14:8

Sesemane sogo da Israelgo nageba konealubo homu dąų weyu, te nageba tonalu, te nago da tau somainu yali. Te sęgę me sabo sogo, nago da ma siyu yai. Tialima, megi da, magi baso te nago da konesiąbo homu ebawe? Magi baso nage te digibulu bidi asai bidi te da dali deli pilama pabo tiwai yai dawe?

Jeremaia 17:17

Nago ena wi dwai mu me iligio. Menio. Te dwai sogo nage te ena geme bugagia dula sabo pesage tiwai ebo dao.

Jeremaia 2:11

Te hani bagego augwa god te god mu menio. Tiali goli, te hanigo augwa te god hasegelama, te gesi god wali me pabeo. Ena God, eno te genuai nogi dali bomo dali si elalubao, tiali goli dage we bidigo te ena hasegelama, te dage tau sisą yabo dwai god dabe wali pidubo dao.

Jeremaia 2:8

“Te pris dabego me enaba homu kone me palobeo. Te eno bomai po page koneai bidi dabe, augwaligo ena me konebeo. Te bulu tǫ kantri tonalubo polalubo bidi dabego enaba hagoma ebao. Te profet dabego te tibo god Bal nogide profetgo wabo po tiwai weyu yali. Augwaligo te augwa tau sisąbo naiba lotu wai dao,” wali.

Jeremaia 3:23

Mu tamao, te bulu du dabede penani sę ela bilibo kolesagago te da tau sabo usugobeo,” wali. “Genuai Bidi, dago God, nage deligo naga da Israel ma sobaso usu mu yaibao,” te po wai dao.

Jeremaia 33:9

Tama tigidali tǫde we bidi hanigo eno te wiegi yai sę tigidali te Jerusalemba ebo sulama, tama tebogo te hani dabe wiegi yai pemene elama, enaba bugai haliga eyu, enabolo genuai nogi mawaibao. Te hani dabego te Jerusalem bugagia dugulalubo sulama, te eno wiegi wiegi yai nai dabe te Jerusalemba mobaso, te augwali dwai noma mu selama, midigi umabo yaibao,” wali.

Jeremaia 4:2

“Te dagego wabo po dąų waliyu, te tama po obao, ‘Te sesemane sogo bidada pabo Genuai Bidigo nogide mu da,’ po wainogo eyu da, teda dagego mu po tama naga weyu, te wiegi yai doloba pai kolesaga wali peyu, te po wao. Te dagego tama tibaso da, teda gasa hani dabego enaba hanalu, te eno augwaliba wiegi yai sę ebaso, te augwaligo enaba genuai nogi mawaibao,” te po wai.

Esekiel 11:16

tialima, nago augwaliba te tiwai po walao,” walio, “‘Ena Genuai Bidigo, ena digi eno te dagego abagi dabe te gasa tǫ kantriba besela palali. Mu tama, te pęwadage sogo augwali kalabuside bidali, te enaba dolo augwaligo lotu wabo be meni yai. Tialima, ena digi ena augwali dali bidali, tialima augwaligo enaba lotu udubo usu igi dao,’ nago te po augwalibolo pusao,” wali.

Joel 3:16

Genuai Bidi te Jerusalem te Saion bulu dude bidiyu, te po dagą genuai mu waibao. Agai i wabo te dagalu kulukulu wabo tiwai obaso, te tǫ dali dagalu si mumunu yaibao. Tiali goli, Genuai Bidigo te aga we bidi tigidali tonalu, te augwali me dologobeo.

Amos 2:4

Genuai Bidigo wabo po e dao, “Hauwa sogo te Juda tǫ kantri we bidi dabe augwaligo dwai sęgę sabo sę idu geai. Augwaligo te tama tibo sęde augwaligo dwasianu toma me nabeo. Menio. Ena da, Genuai Bidi dao, tiali goli augwaligo eno bomo yai po sela sąyu, te eno augwali ola mani po augwaligo wali me pabeo. Augwaligo homu kolesaga umuna selama, geda muyu, ena wali munu ma pabeo. Magi baso meni, augwa te tibo god dabe wali pidu, te augwa wąį nǫų dabego yali sę tiwai yali. Tialima, mu tama, eno te Juda dabe augwaliba te dwai sęgę mabo dene ilaibao.

Nahum 1:7

Genuai Bidi agai wiegi yai kolesaga da dali ebao. Aga te aga we bidi dabe te sęgę sabo sogo geme duala sabo tiwąį madi tiwai elalu, tama te agaba pabo we bidi dabe tau sabo dao.

Habakuk 3:19

God eno Genuai Bidi da, agai enabolo bomo mobao. Agai eno sągą bomo ilali, te bulu du polo holobo uni hasa dia dabego sągą tiwai ilama, tama agai ena te bulu du dabe daide ugadu bugagia bilimainogo yai dao.

Sekaraia 2:11

“Tama te sogo kantri hauwa we bidi augwali Genuai Bidiba aselama, tama augwali eno we bidi bidaibao. Tama ena dage tomode bidaibao, tama dagego koneaibao, ena aga digi dage tomoba taga palama, dage tomode bidibo koneaibao.

Malakai 1:11

“Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.

Polgo Po Pas Rom Dabeba Asęani 1:25

Da bidi dago te Godigo nogi sesemane bidada pabo sogo ugwaba sidu geao. Mu dao. Tiali goli te tobage bidi dabe augwaligo te Godigo mu po tagalama tama hasegelama tibo po sali. Tama tiyu, augwaligo te tigidali nai nigali God tagalama, tama augwaligo agai nigali naiba naga lotu po weyu, tama augwaligo teba sę yali.

1 Pita 1:18

Magi baso meni. Dagego wąįgo dagebolo polobadu ola mani bidabo kolesaga te usu isiąbo kolesaga dao. Tama dagego koneai, God agai dage te usu isiąbo kolesagade ma dobola siyu, agai te mobi elama damua pabo nai mego agai dage ma abela sabeo, te dila pai kapa si nogi gol dali silva dali si, te tobage gamonasiąbo naigo dage ma sabeo.

Kraisgo Geme Dualali Sę Pedelabo Po Jonbolo Ola Mani 11:15

Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.