Jeremaia 16:16 - Godigo dwagi yai po buku16 “Ena Genuai Bidi, eno te tama po obao, te eno Juda dabeba boi bidi tagala palama, te we bidi dabe augwaligo saibao, te bidigo aga hagani togobo wade te sųgų hauwa sabo tiwai yaibao. Tama nosali eno gasa boi bidi dabe tagala palama, te we bidi gegegi paibao, te bidigo buside hasa gegegi pabo tiwai yaibao. Tama te boi bidi dabego te we bidi dabe te geme bulu dude, me ola bede, dulalua pobadi, te tola saibao,” wai dao. Faic an caibideil |
Jeremaia 16:16
21 Iomraidhean Croise
Tama tialima, odao. Ena Genuai Bidi, eno te not badu bidibo Israel hani isąwai bage hani tigidali i waibao. Tama me, te eno ena sę bidi i waibao, te king Nebukatnesar, te Babilon bidi dao. Tama eno te hani dabe odasa aselama, te e Juda dabego tǫ dolama, te tǫ pąde bidalubo gasa we bidi hani dabe me dolaibao. Eno te not badu hani dabego augwali mu dola silimainogo elama, tama augwali sesemane sogo doludaibao. Te gasa hani we bidi dabego subo sogo da, te augwali dwai noma mu siyu, wi umabo mu yaibao.
Ena Jeremaia dao, eno suali, te ami bidi dabe te hosde ene sesemoni tolalu dulalubo suali, te tigidaligo Judaba hwįagasali. Te we bidigo augwali asobo odolama, te augwa taun tagalama, te wi paibao. Me badu te bulu buside duala siyu, me badu te masigi ola bede duala sali. Te taun tigidali olo elalueibao, tama te taun dabede te bidi menia sai mu elalueibao.
Tialima, odao. Ena God, Tigidali Bomo Elalubo Genuai Bidi, eno po dolo obao, te nage pąde bidibo hani tigidali eno hodolama, te augwaligo nage wi dwai mu ilagasaibao. Te augwaligo dage Amon dabe sela sąbaso, te dage tigidali tǫ habuba wi tedela pelawaibao. Te dage ma sisinabo bidi meni yaibao,” wali.
Tigidali Bomo Elalubo Genuai Bidi, agai enabolo e tama po wali, “Te boi bidi dabego te Israel hani me badu elaluali te mu silaibao,” wali, “te bidi dabego te wain giba pelama, te hasia tagalali wain du tigidali sabo tiwai yaibao,” wali. “Te hasia nage bolo pelama, te po Jerusalemba pusugi pao, te bidi wain giba pelama, te wain du deli deli elalua pali te gegegi pabo tiwai yao. Te bidi deli deligo nago po odomainu homu yao.”
Da wi pobadi, tama te boi bidi dabego da pobeasa asalio. Awe, augwali bomonama mu, te ba kemodagego te hasa ela sainu bogo pobeasa aiyaba tulalubo tiwai yalio. Augwaligo da bulu du dabedu pobeasa bilama, tama augwali te nai meni yai wa pai bulude dualaluyu, da tonalualio. Te da asobo suainu, tama augwaligo da tola siyu, ela palio.
Tialima, eno te sę yabo homu ebaso da, teda te tiwai naga eno te bidi dabeba hwįyu, te augwaliba dene ilaibao. Augwaligo te genuai dwai sę si yali. Augwaligo ena tagalama, tama augwaligo te tibo god dabeba lotu po odu geai dao. Tama tibaso, eno te augwali dali gasa bulu tǫ kantri bidi dabe deliba sisinama, te augwaliba hwįagasomainu ilaibao,” wai dao.
Genuai Bidi Tigidali Bomo Elalubo Bidi aga te wiegi yai doloba pai kolesaga ebo God dao, tama tibaso agai te tama bomai po dąų walali, “Mu tama, me sogo deli pedalubo si da, te boi bidi augwaligo dage te gąų yai bisigigo kekelama, dage sela paibao. Awe, dage tigidali te pis sųgų daboasa holobo gąų yai nai hukgo sųgų sabo tiwai yaibao.
Te si asobo, dage geda mugobeo. E tiwai yaibao. Te bidi me deli te dwai hasa laionde wi pabo tiwai elama, tama aga te laion hasa tagalama, wi pobadi, te gasa moni dwai hasa me nogi bea te aga deliba gesabidi si unulama, tama beago aga gąų kelainogo yali. Tama te bidi te hasa bea wi pelama, tama aga be tomoba wi peyu, sana pabo homu elama, bugagia bidaiba homu yai. Tama toma tumainogo, aga te be dagaba nogo tola sigi pabo tiwai yali, tiali goli, tegoba, te be dagade bidali dwai hasamanigo aga gąų kelai dao, tama te bidi isai dao.
“Tama te sogo eno lam selama, tama ena Jerusalem tomoba pelama, tama eno te bidi dabe eno kolesaga godolo isąma ebo bidi dabe bugagia gegegi paibao. Augwaligo homu augwa digi tigidali sę yaibao homu ebao. Tiali goli, menio. Augwaligo te po wali, ‘God da, olo bidibo dao,’ po wali. ‘Agai wiegi yai bidi dabe tau selama, tama agai dwai bidi dabebolo dwai pe mabeo. Tialima, aga tagalao,’ wali. Tialima, eno te bidi dabe augwali dolaibao.
Eno aya, suao, nago eno e tolalubo ugwa dage pedai bugagia suao. Eno te nago ugwade togwa sali, tiali goli eno nage me elibeo. Tama teyu, nago bugagia koneao, eno nageba dwai sę yabo homu me, te nage dolabo homu me elalubeo. Eno nagede hagoma eyu, nage dologode bidibo hagela homu ebeo. Eno tede sęgę sabeo. Eno dwai sę me deli nageba me ebe, tiali goli, nago ena gegebo sę eyu, te ena ela muainu ebao.
Sanasan