Jeremaia 15:7 - Godigo dwagi yai po buku

⁷ Eno te tigidali we bidi te taun Judade selama, te augwali eno ela gudulali, te waligo wit wali hogomu sela sąbo tiwai yai. Eno ena we bidi dabe dolama, te augwa wai dabe ela muani, magi baso meni, augwa dwai kolesaga ebo me tagalobeo.

Jeremaia 15:7 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 1:4

Tiali goli, dwai bidi dabe augwali te tiwai gilama mu menio. Augwali te tubo nai wit bo te waligo selasa pabo tiwai ebo dao, te yalala pai olo nai mu dao.

Aisaia 41:16

Dagego te sęgę elalusiąyu, te bidigo te bo dabe ugwaba sąnama, te waligo tolasa pabo tiwai yaibao. Tialima, dagego wiegi yai pemene te Genuai Bidi enaba yaibao. Te dagego ena nogi ugwaba saibao, te Israel God da, ena te Wiegi Yai Doloba Pai Kolesaga Ebo God dao,” wali.

Aisaia 9:13

Te Israel we bidi homu begelebeo. Genuai Bidi Tigidali Bomo Elalubo Bidigo augwali dene mani. Tiali goli, augwali agaba ma asobeo.

Jeremaia 18:21

Tialima, megi da, eno homugo nago te augwaligo wai dabe te nai sǫą pelama, nasi eyu, isimainogo ilao homu ebao. Tama te boi bidi tagala palomainogo elama, te bidi dabego meba ela mumainogo ilao. Tama te bidi meba dwai gasi selama, isimainogo yao. Tama te gesi ogwa bidi dabe da, te boi hwįgi pabode isimainu yao. Tama te augwa we dabe sibi te wai meniama, te bidi me meni yaibao.

Jeremaia 5:3

Genuai Bidi, nago godolo ebo homugo te tigidali bidigo te dolo yai kolesaga mu wali pomai homu ebao. Nago te we bidi dabe elebadi goli, tialima augwali te dene ebo gę nabeo. Nago augwali elaluali, tiali goli te augwali nago dodolomainu me ebeo. Augwa tobolu te masigi dila pai mu tiwai elalu, te augwa haliga begelibo hagela mu yali.

Jeremaia 51:2

Eno te gasa badu tǫ kantri bidi hani dabe tagala palama, te Babilonba hwįagasama, te augwaligo aga doado bage me sela sąwaibao, te bidigo wit bo hogomu sela sąbo tiwai yaibao. Tama te Babilon dolobo sogo, mu tama, te augwali tigidali tǫ habu badu aselama, aga dali hwįagasaibao,” te po wali.

Jeremaia 9:21

Magi baso meni, isibo daba pedelalio, te dago be sunumidu tomoba asali. Te da genuai bidigo bede bidibadi me, ma te olo bidigo bede bidibadi me, te tagalao. Te isibogo da me ela soagobeo. Isibogo te wai puluba sunumide gagali idubo, me te gesi ogwa bidi te bidi sisinibo pesageba sabolama, te isaibao.

Esekiel 24:21

te dage Israelba te po pusao wali, Godigo te tama po wali, ‘Dagego God eno moni tempel bede wiegi yai homu pemene eyu, tama dagego te po weyu, te bomai dila pai be mu da, wali. Tama te be dagego godolo mu ebao. Tiali goli, eno te be dolaibao. Te dage hani wai dabe te Jerusalemde me bidalubo te boi hwįnama dolaibao.

Esekiel 24:25

Te Genuai Bidigo po enabolo weyu, te tama po ma wali, “Tǫde bidio, eno be augwaligo be tomode elaluali, tialima te augwali bomo elama, dolalueiba, te homu augwaligo yali. Augwaligo te be godolo homu elama, tede wiegi yai pemene eyu, teba sesemane homu kone elaluali. Tiali goli, eno ena te be dolama, tama eno augwaligo wai dabe ela muaibao,” te po wai dao.

Esekiel 36:12

Tama eno ena we bidi Israel dage bulu du dabede bugagia bidimainu yaibao. Tama dage augwaligo tǫ elaluaibao, tama augwaligo te tǫ augwa wai dabebolo nosali mawaibao. Tama dagego te Israel dabego wai bǫų dabe munu me ma dologobeo.” Te tama po te bulu du dabe dali, me odogo malu bulu dabebolo tama pusao,’ ena Genuai Bidi eno te po obao,” wali.

Sekaraia 1:4

Dagego duga wąį dabego yali sę tiwai igimio. Te eno poloba profet dabego augwalibolo te dwai kolesagaba tudi ola mao po obadi, augwaligo te dwai kolesagaba tudi ola mawai menio. Tiali goli augwaligo eno po odai menio.

Matyu 3:12

Te nai dagalobo bidi tiwai agai aga savol te aga nogode tolalubao, tama agai te tubo nai wit ge dagalobo sę emainogo ebao. Tama agai te wit hogomu te tigidali sela sąwaibao. Tama agai te wiegi yai wit ge naga aga wit ge muabo beba sisinaibao. Tiali goli agai te dwai wit hogomu te isisąbo siaba ulaibao,” Jongo te po wai.

Bomai Po 28:18

“Godigo dage dali dwai sę elama, tama dagebolo wai bǫų dabe hauwa me magobeo. Tama dagego gi dabe mu dwai mu yaibao, tama te kau kibu me sipsip kibu dabe hauwa me ame nogobeo.”

Bomai Po 28:32

Tama dagego olo gedugo naga tonalubadi yaide, te gasa kantri bidi dabego duga wai puluba dabe selasa paibao. Tama tigidali sogo dage duga wai puluba ma asogowe weyu, tonaluyu yaibao, tama dagego te sunumidu gedu pomonama tonaluyu yaibao. Tiali goli, dage olo dali tonalubadi, dagego gedu olo dali dene yaibao. Tama dagego wai puluba ma oda sainogo dagego magi sę me egobeo.

Bomai Po 28:41

Tama me dagego wai dabe elaluaiba, tiali goli augwali dage dali bugagia me bidigobeo. Te boi bidi dabego augwali sagaselama, tama augwa kantriba sela paibao.