Jeremaia 15:21 - Godigo dwagi yai po buku

²¹ Te eno nage tau siyu, nagede te dwai kolesaga ebo bidi dabego nogode, me te wiegi yai homu elama, olo tau sisąbo bidi dabego nogode, ma dobola selama, tama augwaligo nage me dologobeo.” Te po wai dao.

Jeremaia 15:21 Iomraidhean Croise

Tigidali Nai Gagalama Nigali Side 48:16

Te mobo bidi enselgo tigide pedelali God, te agai ena tonaluyu, tama ena me dolobe, eno homugo aga digi mobo te augwali si momainao. Te eno homugo te eno nogi me, te eno wąį Abrahamgo nogi me, te eno aya Aisakgo nogi me, te augwali sigo hanide elaluaibao. Te augwali sigo wai hauwa mu ame nenama, tama genuai hani bage pedelaibao. Godigo augwali side tama timainao,” wali.

Godigo Nogi Ugwaba Sabo Tęąbi Po Wabo Buku Dabe 27:2

Te dwai sę ebo bidi dabe ena pąba aselama, tama dolainu usu sobaso da, te bidi dabe augwa digi sągą tǫ dedageba tuloliyu, habala paliyu, augwa digi augwa ma dolaibao.

Godigo Nogi Ugwaba Sabo Tęąbi Po Wabo Buku Dabe 37:40

Augwaligo konealubo homu agaba dąų wai. Tama tiyu, agai augwali tau siyu, tama agai augwali te dwai bidi dabego nogode dobola selama, tama augwa bugagia bidibo dao.

Godigo Nogi Ugwaba Sabo Tęąbi Po Wabo Buku Dabe 97:10

Genuai Bidigo te dwai kolesaga wei isąbo we bidi dabe augwali te agai wei homu mu ebao. Agai te aga we bidi dabe bugagia tonalu, tama augwali te dwai bidi dabego nogode ma sabo dao.

Aisaia 29:20

Tiali goli, te gasa bidi dali homu dene isąbo dwai bidi dabe, me te Godigo po olo nai dao homu ebo bidi dabe, me te dwai kolesaga hauwa yabo homu ebo bidi dabe, augwali sese dolama, hagala silaibao.

Aisaia 29:5

Tiali goli, te gasa bidi dabe nageba hwįagasobo bage da, augwali te tǫ hogomu tiwai hauwa mu yaibao. Tama augwali sese polo tama gasaba paibao, te bidigo te wit haluama, agai nai sainu ebode te yabe dabe hauwa bola bilibo tiwai yaibao,” wali. Tiali goli, deli sogo tama,

Aisaia 49:26

Te eno nago boi bidi dabe augwa haside digi tomode hwįmainu yaibao. Te augwa hasi digi elebo sę umabo eyu, te bidi dabe te wain wę tulama, gęǫ page ebo tiwai yaibao. Tama te tǫde we bidi tigidaligo eno te ebo sę sulama, te augwa te tiwai koneaibao, ena naga ena te Genuai Bidi da homu yaibao. Ena te ena we bidi ma sabo God dao, te eno nage tudibadu posolalu, tonalu, te nage tau siyu ebao, ena te Jekopgo hanigo bomai God elalubo dao,” wali.

Aisaia 54:17

Tiali goli, te hwįbo nai dabe me deligo nage me dologobeo. Te nage bomonama dolalu, te bidi dabego nageba haniani po kisilama wabo po te wei ponoyu, aiyaba elalueibao. Eno te kolesagade ena sę bidi dabe tigidali bugagia tonalu, te augwali doloba pai we bidi pedelaibao. Ena Genuai Bidi, eno te po wai dao.”

Aisaia 60:16

Te nago wiegi wiegi yai nai te gasa kantride siyu, te king dabego augwa wiegi yai sawi yai nai nageba mawaibao. Tama nago te tiwai koneama, ena naga te Genuai Bidi da waibao. Ena te ena we bidi ma sabo God dao, ena te nage posolalu, tonalu, tau sabo God, ena te Jekopgo hani dabego bomai God dao,” wali.

Jeremaia 16:1

Genuai Bidigo ena, Jeremaiabolo, te tiwai po pusali,

Jeremaia 20:13

Te Genuai Bidiba balia po weyu, agai nogi ugwaba saibao. Magi baso meni, agai te walu doado bage meni yai bidi dabe tau siyu, tama te dwai sę ebo bidi dabego aga aiyaba me elalugobeo.

Jeremaia 26:24

Tialima, te we bidi augwaligo te Jeremaia ela muainogo yali sogo, Ahikam, te Sefango ogwago, te Jeremaia tau selama, te augwaligo agade dwai sę me ebeo.

Jeremaia 31:11

Ena Genuai Bidi, eno augwali te Jekopgo hani dabe ma saibao. Awe, te boi bidi dabego bomogo augwaligo bomo edelai goli, eno augwali te bomai boi bidi dabego nogode ma dobola saibao.

Jeremaia 38:28

Tialima, Jeremaia te ami dabe badu kalabus elaludubadi, te boi bidi dabego te Jerusalem sagasobo sogoba usu nai dao.

Jeremaia 39:11

King Nebukatnesargo Jeremaia homu kone palama, te Jerusalemba te aga polalubo ofisa bidi Nebusaradanba po ola tolali. Nebukatnesargo po te tiwai wali,

Jeremaia 39:12

“Nago Jeremaia sigi pelama, bugagia tonaluao. Nago agaba dwai sę me igio. Te agai magi sę me yainogo nageba hanalu obaso, te nago agai homu wali pao,” wali.

Jeremaia 50:34

Tialima, te augwali ma sabo bidigo, agai bomo elaluai, agai nogi e tiwai dao, Tigidali Bomo Elalubo Genuai Bidi dao. Agai bomonama eyu, augwali tau selama, te augwa boi bidi dabe aiyaba elaluaibao. Te agai tigidali bulu tǫ kantri we bidi augwaliba te bugagia homu tegaluama bidabo sogo mawaibao, tiali goli, te Babilon dabe me tegobeo. Menio. Agai augwali te dwai mu tama bididumainogo yaibao.

Daniel 3:17

Dago lotu po te God muba wabo dao. Dago te God agai da tau sabo usu elalu, te nago bomo, me te siago bomo geda mubaso da, teda te Godigo sę dao,” wali.

Daniel 3:25

Tialima, agai te po wali, “Magi elama tama eno suali, te bidi me si me si te sia tomode bilibowe? Tama te dago augwali kęnani baklain bono, te augwali tigide elalubo ma me subeo. Tama siago me augwali me dabeo. Tama te me si me si wali bidi te god me deli tonobo ąǫ ebao,” te po wai.

Matyu 6:13

Te da te dwai sę yanama sinawainogo ebo sogo daba asidali weyu, nago te habu selao. Tama te dwai sę page bidi agai da dolidali weyu te nago da tau sao. [Tama nago te genuai bomo me ula, te genuai nogi me te nagede sesemane sogo bidada paibao. Mu dao, te tama tiwai pedalomainao, te dago homugo dao.]’ Te tiwai eyu, gedu haluasa po wao,” wali.

Polgo Po Pas Rom Dabeba Asęani 16:20

Tama tiyu da, teda God da, aga te wiegi yai homu nagame ebo page bidi, dwasianu sogo tama silama, tama agai te Satan dagego sągą dologoba munama agawaibao. Te eno homugo te dago Genuai Bidi Jisas Kraisgo da olo mu tau sali wiegi yai kolesaga dage dali bidao.

2 Korin 1:10

Te Esia tǫde dwai nai mugo da ela muainogo yali, tiali goli Godigo tede da ma dobola sai. Tama megi me te agai da ma sidu gebo dao. Tama tibaso, dago dena homu te tobage sę ebo God agaba dąų weyu, tama dago homu e tiwai ebo dao, sesemane sogo te dwai naigo da dolainogo ebadi, te agai da ma selama, tama da bugagia bidaibao.