Jeremaia 15:1 - Godigo dwagi yai po buku

¹ Tialima, Genuai Bidigo enabolo te tiwai po wali, “Jeremaia, odao. Te Moses de Samuel si te ena pąba asama, te enaba hanalu, te we bidi dabeba te olo mu tau sabo wiegi yai kolesaga yao wagi sogo da, te tagalao, eno usu menigi da. Te we bidi dabe sela sąyao! Eno augwali subo, te ena hagela homu mu ebo dao.

Jeremaia 15:1 Iomraidhean Croise

Tigidali Nai Gagalama Nigali Side 19:27

Te kigamu digi mu Abraham te Yawe dali dolalu polobadu te po miani pesageba palio.

Te Israel me Juda Hani Sigo Tuni Bidigo Po Elalubo Buku Si 17:20

Tama tibaso, Genuai Bidigo te Israel hani we bidi dabe augwali agai tudiba mu sąyani. Tama agai sębę mu eyu, tama agai te boi bidi dabe tagala palama, tama te boi bidi dabego te Israel hani dali boi hwįnama, te Israel bidi dabe me badu ela muyu, ela pali. Tiali goli, te Israel hani bidi dabe augwaligo te dwai kolesaga ebo sę me tagalobe, tama tibaso te Genuai Bidigo hagela mu eyu, tama augwali aga dali me bidisiąmainogo eyu, te agai augwali augwa buludu digibulu mu sela sąnama, bidigi pao wali.

Godigo Nogi Ugwaba Sabo Tęąbi Po Wabo Buku Dabe 106:23

Tialima, me sogo nosali Godigo te aga we bidi augwali dolaibao po wali. Tiali goli, Moses, te Godigo dąį muani sę bidi, aga te God geduba doligi pelama, tama agai te Israel dabe tau siyu, tama Godigo haliga sębę yali togolama panibaso, tama Godigo augwali me dolobeo.

Godigo Nogi Ugwaba Sabo Tęąbi Po Wabo Buku Dabe 99:6

Moses dali Aron si te Genuai Bidigo pris bidali, tama Samuel me augwalide te Godiba lotu wali bidi me deli dao. Augwa te Genuai Bidiba gedu haluasa po obaso, tama agai augwaligo gedu haluasa po wabo odai dao.

Bugagia Bidibo Kolesagade Po Asęai Buku 14:35

Kingo te sę bidi dabego wiegi yai sę ebaso, te wiegi yai pemene yaibao. Tiali goli, te sę bidi dabego te dwai sę eyu, tama te king hale yabo sę eyu da, teda te king haliga sębę umabo mu ebo dao.

Jeremaia 10:18

Magi baso meni. Genuai Bidigo te tiwai po wali, “Te sogo eno dage Juda tǫ we bidi gasaba sela sąwaibao, bidigo te masigi du te kukulu tede belama, te hogolama, tama sąbo tiwai yaibao. Te eno genuai sęgę dageba menama, te dage dene mu ebaso, gę mu naibao.”

Jeremaia 11:14

Jeremaia, te we bidi dabe te dwai sęgo gegebaso, te augwaligo enaba i weyu, te eno augwali tau sao po waibao. Tialima, te eno augwaligo i wabo me odogobeo. Tama te augwali tau somainu te nago gedu haluasa po enabolo me olamuo. Te nago gela me weyu, te enaba bomonama i weyu, te eno augwaligo sęgę silao po me olamu dao,” te po wai.

Jeremaia 14:11

Genuai Bidigo enabolo te tama po wali, “Jeremaia, nago te we bidi dabe bugagia bidimainu tau sao po me hanalugio,” po wali.

Jeremaia 14:12

“Te augwaligo nai habu selama, enaba gedu haluasa po obadi goli, te tagalao, eno augwaligo i wabo munu me odogobeo. Te augwaligo sia ulama, tigidali dela pabo ofa ebadi goli, te tagalao, te wit ulubo ofa ebo me, eno te we bidi augwaliba wiegi yai pemene me egobeo. Menio. Te eno boi bidi dabe tagala palama, augwali elagasomainu yaibao. Te eno augwali nai menia somainu ilama, te augwali isaibao. Tama genuai gasi augwaliba pedalumainu elama, te augwali isila paibao. Tama tebo kolesagade te eno augwali silimainu yaibao,” wali.

Jeremaia 15:19

Tialima, Genuai Bidigo enabolo po wei ponoyu te tiwai wali, “Te nage haliga begelama, enaba ma begasa asobaso da, teda nage eno ma selama, te nago eno sę ma yagameo. Te nago dwai po pusubo tagalama, te nago wiegi yai po naga pusubaso da, teda nage eno pedauwalide po sabo bidi bidagameo. Tama te we bidi dabe nage wali pomainogo yaibao, tialima nage augwali wali me pelamu dao.

Jeremaia 16:13

Tama tialima, eno dage e tǫ kantride ela gudulama, te dage gasa tǫ kantriba bidigi paibao, te tǫ kantri te dagego me duga wąį nǫų dabego polobadu me konesiąwai. Tama te gasa tǫ kantride eno te wiegi yai olo mu tau sabo kolesaga dageba me egobeo. Tama te giligade me hulide te dagego gasa god dabeba lotu udaibao,’” te po wai dao.

Jeremaia 16:5

“Magi baso meni. Ena Genuai Bidi, eno te tama po ma obao. Jeremaia, nage te we bidi dabe bidalubo digi pelama, te isali bidi dabede gela munu me wagi pigio. Te naga digi gela weyu, hobede yai balia me olamuo, magi baso meni, eno te we bidi bugagia bidimainu me iligobeo. Te eno wiegi yai haliga augwaliba me isąyu, te olo tau sabo wiegi yai homu kolesaga augwaliba me magobeo. Te Genuai Bidi eno po dao.

Jeremaia 18:20

Te wiegi yai kolesaga ebo bidiba, te bidi dabego dwai kolesaga agaba wei ponobaso usu da, agawe? Menio. Tialima, te boi bidi dabego ena dolainogo ebao, augwali te tǫ dedage dogobo bidi tiwai ebao, te hasa dabe teba tulalumainogo tiaibao. Nago te eno polobadu yali kolesaga homu kone palao. Te ena nage pąba aselama, te nageba hanalu, te nago haliga sębę tagalama, te bidi dabeba wiegi yai sę bugagia yao po wai dao.

Jeremaia 22:28

Jeremaiago te tiwai po wai, “Magi basowe? Te bidi Jehoiakin te tǫgo nigai dwai tagalai sospen sene alua pai tiwai te bidigo godolo isąbo homu ebo ąǫ eba, agawe? Magi baso Genuai Bidigo aga, te aga wai puluba dabe dali, te augwaligo konesiąwai tǫ kantri me deliba sąwaibawe?

Jeremaia 23:39

Tama tialima, mu tamao, te dage eno selama, te enade digi sągi paibao. Eno dageba tama tilama, te eno dagego wąį nǫų dabeba mani tǫ taun me te dageba digi te eno digibulu tagala palaibao.

Jeremaia 35:19

Tama tialima, ena, Tigidali Bomo Elalubo Genuai Bidi, eno te po obao, sesemane sogo Jonadapgo hani, Rekapgo ogwade, te eno sę yabo bidi dabe augwali hanide elalueibao,’ Genuai Bidigo te po dagede wali,” Jeremaiago te po wai dao.

Jeremaia 52:3

Te Juda dabe me Jerusalemgo dwai kolesaga ebogo te Genuai Bidigo haliga sębę dwai mu ilali, tibaso Genuai Bidigo te we bidi dabe augwali hagela ebaso, te augwa bulu tǫde sela sąnama, digibulu pai dao. Sedekaiago homu te Babilon aga tonalubo hagela mu yai, tibaso aga munu me aga dologode me bidibeo.

Jeremaia 9:19

Te Saionde te we bidi gela weyu, hobede ebo tęąbi te tiwai wali, “Hobede ya, da mu dobao. Da hale dwai mu ebao, magi baso meni, te boi bidi dabego dago be dabe dolalio, tama dago dena tǫ dabe tagalobao,” wali.

Esekiel 14:14

Te Noa, me Danel, me Jop, te wiegi yai bidi sela te tǫ kantride bidigi sogo da, te tagalao, eno te sela bidide homu kone elama te dwai sę ebo we bidi augwaliba eno olo tau mabo wiegi yai kolesaga me igi menio. Menio. Te doloba pai bidi sela naga bugagia bidimainu eno sula tagalaibao, tama te we bidi augwali da isimainao homu igi dao. Ena God Genuai Bidigo eno te tama po wai dao.”

Esekiel 22:30

“Te eno po pusulama, te we bidi dabe enaba ma odasa asabo bidi deli me eno gegebo usu sali. Tialima, eno gegebo sę ela pali, menio. Te tobage bidi bidigi sogo da, aga te taun dolainu asobo boi bidi dabe asobo sunumi paligi da, te taun bagulali obo tiwai pedaligi da. Tama aga te obo alua pali badu dolalu, te boi bidi dabe taun tomoba asainu ebo sogo, te hwįbo bidi tiwai pedaligi da. Ena digi eno te Israelgo boi bidi tiwai pedelali, te eno augwaligo tǫ kantri dolainu yali, tiali goli te tobage bidi bidigi sogo da, eno tama sę igi menio. Tialima, eno te tiwai bidi me subeo. Mu menio.

Hosea 9:15

Tama Genuai Bidigo po ma wai, “Polobadu augwali te Gilgalde bidiyu, tama augwa te dwai kolesaga ebo gagalali, tama te sogo naga eno me eno augwaliba haliga sębę ebo gagalali. Te we bidi dabego dwai sę hauwa yai, tama augwa polalubo tobolu bidi dabego me eno po sela sąwani. Tama tialima, eno tǫde te augwali eno sela sąnama, tama eno augwali godolo homu munu ma egobeo.

Sekaraia 3:3

Te Josuago ugwa dabe sese meda mu elama, tama aga te ensel pagede dolaluali.

Bomai Po 9:26

Tama eno gedu haluasa po weyu, te po wali, ‘God, Genuai Bidi, nago naga we bidi doligio,’ te po wali. ‘Naga digi nago te we bidi augwali nago genuai bomogo Isip bulude oda selama, odasa asai dao.

Hibru 9:24

Dago koneao, Krais aga te Tedali Gasagi Yai Be habu tomoba peyu, aga te bidi dabe augwaligo nogogo sę yai be tomoba pelama, tama te Godigo be mu tiwai elama te piksa tiwai naga ebeo. Menio. Aga te dagaluba digi tomoba dolo mu pai. Tama megi aga te God gedude hania bidibao, tama agai da tau sabo sę megi ebo dao.

Te Israel Tobolu Bidi Dabe 5:9

Te eno homu kolesaga te Israel dabego ofisago ami bidi dabede elaluali, tama te boi hwįainogo ebo bidi dabe dali elalu yali. Te Genuai Bidigo nogi ugwaba sao!”

1 Samuel 12:19

Tama teyu, te we bidi dabego te tiwai po Samuelbolo wali, “Genuai bidio, dago homugo te nago gedu haluasa po te Godiba omainu homu ebao, te dago Genuai Bidibolo, tama agaba hanalu, te dabolo olo mu tau sabo wiegi yai homu kolesaga emainao, teda da isimainu me egobeo. Dago te dwai sę hauwa yali, tama megi dago koneani, dago te gasa sę me ma eyu, te dago nageba hanalu, te king me deli sa muyu nigilao po wali sogo, te sęgę me dago salio,” augwaligo te po wai.

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.

1 Samuel 7:9

Tialima, Samuelgo te ogwa bidi sipsip me deli elama, tama te tigidali siaba ulama, te Genuai Bidiba ofa ebo tiwai yai. Tama Samuelgo gedu haluasa po bomo elama weyu, te Genuai Bidigo te Israel dabe tau somainu yai, tama Genuai Bidigo agai te gedu haluasa po wabo odama, tama augwali tau sai dao.