Jeremaia 14:6 - Godigo dwagi yai po buku

⁶ Te uni donki dabe te bulu dude dolalu, te augwa homu hę obaso, te bomonama mobo ma kekali, te uni yowi dabego ebo tiwai yai. Augwa te tuabo nosai meni baso, te augwali gedu kimi isalio,” Genuai Bidigo te po wali.

Jeremaia 14:6 Iomraidhean Croise

Aisaia 32:14

Magi baso meni. Te tigidali we bidi dabe augwali te hanu taga pelama, tama augwali te hanude ugwa eda iyu, augwali te hanude sę dabe me egobeo. Te tuni bidigo be, me te ami bagego bomai obo, me te ami bidi dabe bidama boi bidi dabe asobo tonalubo te bobobage sigi be dabe, sese olo elaluama, tama dolaibao. Tama te bulu yowi donki dabe tede biliyu, wiegi yai homu yaibao. Tama me, te sipsip kibu dabe aselama, teba nosai tuagasaibao.

Jeremaia 2:24

Tama nage te so uni donkigo te tǫ wa pai pesagede sesemane sogo bilidubo tiwai ebao. Aga te homu hę wai bilidu, te donki bidi gegali te aga guni ugaba sagolama, te omai donki menade bidibowe, te denami odada bilali. Te aga tama tebo sogo, dego agai tų palibo usu egowe? Bidi menio. Te sogo te omai donki dabego te so donki aga gegebo sę dene me egobeo, te augwa godolo ebo homu sia somainu tiaibao.

Te We Bidi Dabego Jerusalem Hagede Gela Wali 4:17

Dago tonaluama, tama dago te gasa tǫ kantri bidi hani me deligo da ma oda sagasomainu tonaluali. Dago te sunumi dabeba gedu tonono ela bilibadi, tama dago gedu dene yali. Tiali goli, dago olo dali tonalualio. Augwali me asobeo. Augwaligo da tau sabo menio.

Te We Bidi Dabego Jerusalem Hagede Gela Wali 5:17

Dago homu te Saion bulu du te dolali dao, homu yali. Tama te bulu uni yowigo bulu pedelali dao, homu yalio. Tama dago dwai homu mu elama, tama da gela wali madi dago gedu dene mu yalio.

Joel 1:18

Hobede dao, te bulmakau dabe nasi dwai mu ebaso, te hou weyu, ga walio. Augwali te homu kolesaga meni yani, magi baso meni, te tuabo nosai me elalubeo. Te sipsip hani me nasi eyu, te nomona salio.

1 Samuel 14:29

Tialima, Jonatango agabolo te po wai, “Eno ayago te wali pogo te da tigidali dolalio. Dagego ena suao. Eno te dwasianu hanamu naga tuali goli, te ena bomo ma salio.