Jeremaia 14:3 - Godigo dwagi yai po buku

³ Te genuai bidi dabe augwa sę ebo bidi dabe tagala palama, te ąį tugi pao wali. Augwali te ulu wę dabeba pali, tiali goli ąį me elalubeo. Tama augwa te sospen sene olo ma sela pai. Te we bidi dabe augwa homu kone palali dwai mu ebaso, te augwa hale ebaso, augwa gesabidi halua siyu yai dao.

Jeremaia 14:3 Iomraidhean Croise

2 Samuel 15:30

Tama king Devit te homu sęgę mu ebaso, tama aga sągą nadoba su dia sanama, tama ugwa namego aga tobolu mesegaluali. Tama aga gela umabo sę elama mu weyu, tama peyu, te sunumidu wali palio. Te ugwaba holobo sunumi te Oliv bulu du bolama pabo sunumi elaluali. Tama aga dali pali we bidi tigidali, augwali me te augwa tobolu mesega selama, tama augwa gela wabo sę ela peyu, tama palio.

2 Samuel 19:4

Tama te sogo te kingo aga gesabidi halua selama, tama homu dene ebo sę ebaso, te bomonama i weyu, te tama po wai, “O eno wainu, Apsalom. O Apsalom, eno wai, eno waio.” Te tama po wai.

Te Israel me Juda Hani Sigo Tuni Bidigo Po Elalubo Buku Deli 17:7

Tiali goli, te Israel bulude te tulubage munu me tulube, tama teyu, te me badu sogo nosali, te dwasianu wę Kerit me sula siyu yai.

Te Israel me Juda Hani Sigo Tuni Bidigo Po Elalubo Buku Si 18:31

Dagego te king Hesekiago agai wabo po munu me odogio, tama agai po dagego odama, tama dagego ena dali dagego boi hwįagasabo homu egio. Tiali tama, dage bugagia bidabo homu eyu, tama naga te ulu ąį bugagia tuyu, tama duga te ni wain du me tuyu, tama me duga te gide ebo kaya du me bugagia bidiyu tuainu da, teda tea dagego te taun dago sagasobaso da, teda dagego gedugo sula tagalao,’ wali.

Esta 6:12

Nosali Mordekai te tuni bidigo sęba ma palio. Tiali goli, Haman da, te genuai hale elama, tama haliga sęgę yali, tama aga gesabidi halua selama, tama aga beba ma geasa pai.

Godigo Nogi Ugwaba Sabo Tęąbi Po Wabo Buku Dabe 109:29

Eno homugo te eno boi bidi dabe te genuai hale somainu yaibao, tama augwali te hale dwai mu ebo te we bidi dabego sumainu yao.

Godigo Nogi Ugwaba Sabo Tęąbi Po Wabo Buku Dabe 40:14

Te bidi mebago ena ela muainu ebao. Nago augwali elalu, tama augwali homu kone mu tuą palama, te augwali dwai hale somainao. Te bidi dabego eno sęgęde wiegi yai pemene ebao, nago augwali ma sela sąnama, tama augwali te elaluao.

Jeremaia 14:4

Te Juda tǫ kantride te tulubage munu me tulisąbadi, te tǫ gebo pai tǫ pedelali. Tama te gide nai bulubo hani dabe, augwa haliga husugu dwai mu eyu, te augwa gesabidi halua sali.

Jeremaia 15:18

Magi baso ena dene ebo silibewe? Eno keni genuai mu elalubao. Magi baso aga te pedelasiąbewe? Mu tamao, nago ena tau me sabeo. Ena ąį tueinu ąįba pabo bidi tiwai ebao, tiali goli, aga te wę sula sai subaso, te aga ąį tusiąwai tiwai ebo dao.”

Jeremaia 2:13

magi baso meni, eno we bidi dabego te dwai sę si yali. Hasia augwaligo ena tudiba muai. Ena te ulu wę tiwai te augwali bidabo ula maiabo wę elaluali, tiali goli, augwaligo ena tagalali. Tama me, tǫ diganama, augwa digi te wę sabobo nai nigali. Tiali goli, te wę sabobo nai te alua pelama, te ąį augwalide elalubo usu ebeo.’”

Jeremaia 2:37

Te nago Isip dabe me tagalu, te sogo nage hale elama, te haliga sęgę dwai yaibao. Nago koneani, te hani dabego nage tau saiba homu yali, tiali ena, Genuai Bidi, eno augwali tudiba muanio, tama tiyu, augwaligo nage tau me sogobeo. Mu menio.” Te po wai dao.

Jeremaia 20:11

Tialima, Genuai Bidi, nage te bomai ami bidi me deli tiwai elalu, te nago ena tialu tau sainu elalubao. Tama te bidi dabego enaba dwai sę pedalumainogo yali, te dwai sęgo augwa aiyaba ma elaluama, te augwaligo ena aiyaba elalueinogo ebaso, usu me egobeo. Mu menio. Te augwa dwai hale mu eyu, tama augwa te hale te tigidali sogo elaludubadi, te me siligobeo.

Jeremaia 3:3

Te pagede naga te eno tulubage paliama, tama te tulubage nago tǫba tulubeo. Awe, te gi tau sabo tulubage asobeo. Tialima, nago te penani wego hagoma ebo tiwai eyu, te nage dwasianu hale me ebeo.

Te We Bidi Dabego Jerusalem Hagede Gela Wali 4:4

Te dwasianu wai bǫų dabe augwali tuabo ame menio. Tama augwaligo dogoni dolama, mu aloa pabo dao. Te wai bǫų dabe augwali biliyu, te we bidigo augwali nai momainu biliyu, hanalua bilalio. Tiali goli, te bidi mego augwali nai me mabeo.

Hosea 2:3

Te agai tagalisąbaso da, teda eno aga gudali ugwa tigidali peda sąnama, tama aga tigi olo gagolama, te aga ame nani sogo tiwai tigi olo bidiyu, tama aga hale dwai mu yaibao. Tama eno aga te tǫ wa pai pedalubo tiwai elama, te ni meni ebo tiwai ilaibao, tama te tuabo wę me meni yaibao, tama tebo kolesagago te eno aga dolaibao.

Joel 1:20

Te uni hasa dabego me nageba i obao, magi baso meni, tigidali ąį sula siyu, tigidali nosai me wa pai dao.

Amos 4:7

Genuai Bidigo te po wali, “Ena digi eno te tulubage paliali, te tulubage tulubo sogo te nai wiegi yai pedalumainu ilibo tulubage te eno paliali. Eno te tulubage te taun mebaba tagala palali, te gasaba me tebeo. Menio. Te gi mebago tulubage sali. Tialima, te gasa gi dabego me sabeo, menio, tama tigidali te sasia palio.

Amos 4:8

Te taun me badu we bidi augwali wę nogonego mu salio. Tama tialima, bomo meni baso, dwai biliyu, augwa te gasa taun dabeba wę gege palio. Tiali goli, wę sǫą palio. Eno te tama sę me yali, tiali goli te dage enaba ma geasa asobeo. Mu menio,” wali.

Sekaraia 14:17

Te bulu tǫ kantri me deli te we bidi augwaligo te Tigidali Bomo Elalubo Genuai Bidi, te kingba lotu wagi pabo hagela homu ebaso da, teda te tulubage augwaligo tǫba me tulugobeo.