Jeremaia 14:13 - Godigo dwagi yai po buku

¹³ Tialima, eno po wei ponoyu, te tiwai po wali, “Nago po te dolo obao. Tialima, God, Genuai Bidio, te profet dabego gasagi yai po te we bidi dabeba pusudu gebao. Augwaligo nago po e tiwai pusali, ‘Te boi bidi dabego dage me ela mugobeo. Te dage nai me menia sogobeo. Menio. Mu tama, ena Genuai Bidi, eno dage te tǫde sesemane sogo bugagia bidimainogo ebo dao,’ te profet dabego te po pusali,” eno te po wai.

Jeremaia 14:13 Iomraidhean Croise

Jeremaia 1:6

Eno te Genuai Bidigo wali po odolama, te eno agai po wei ponoyu, te tiwai po wali, “Hobede ya, God, Genuai Bidi, ena gesi ogwa bidi mu elalubaso, eno te po pusabo kolesaga konebeo,” po wali.

Jeremaia 20:6

Tama Pasur, odao. Nage dali, naga bede bidibo hani me, dage te Babilonba kalabus igi paibao. Nago te tibo profet po te naga abagi dabebolo pusubao, te nage me, nage te abagi dabe dali, te Babilonde isaibao. Tama augwaligo dage te tǫ kantride pubulaibao.’” Te po wali.

Jeremaia 23:17

Te we bidi augwaligo eno po sela sąbaso, te profet dabego augwaliba te tiwai po waibao, ‘Te dage bugagia bidaibao.’ Te hagoma elama, augwa homu wali pabo we bidiba, te profet dabego augwaliba te tiwai po waibao, ‘Te dwai nai dageba me pedalogobeo.’”

Jeremaia 37:19

Nago profet dabego te profet po te tiwai pusali, ‘Te Babilon kingo nageba me, te tǫ kantriba me, hwįagasogobeo,’ wali. Tialima, megi da, te profet dabe mena bidibawe?

Jeremaia 4:10

Tialima, eno te po obao, “God, Genuai Bidi, nago te Juda me Jerusalem we bidi nago te augwali bugagia bidaibao po wali sogo, te nago augwaliba tibo po wabo tiwai yai dao,” te po wai. “Tiali goli, megi da, te boi bidi aselama, te da ela muainu ebao,” te po wali.

Jeremaia 5:12

Te Israel dabego Genuai Bidi tibo wali peyu, augwa te tama po wali, “Genuai Bidigo magi sę me egobeo. Agai te dwai nai daba me tagala palomainu me iligobeo. Te boi bidi dabego me hwįagasisąyu, te genuai nasi me pedalugobe dao,” te po wai.

Jeremaia 5:13

Mu tamao, te profet dabego te tobage po pusali, tialima te augwa digi poli po pusali. Genuai Bidigo augwaliba po me masiąwai. Tialima, te aga digi augwali dolaibao.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Jeremaia 6:14

Eno we bidi dabe te genuai keni elaluali, tiali goli te pris dabe me profetgo te keni sulama, te olo nai tiwai sula tagaliyu, te augwaligo bugagia marasin me mubeo. Augwaligo te tama po te we bidi dabeba weyu, ‘Dagego moni homu me igio. Da bugagia bidibao.’ Tialima, menio. Augwa te bugagia me bidibeo.”

Jeremaia 8:11

Eno we bidi dabe genuai keni dabe elaluali, tiali goli, te pris dabe me profet dabego te keni dabe sulama, te olo nai subo tiwai yalio, tama augwaligo bugagia sisibeo. Augwaligo te tiwai po te we bidi dabeba weyu yali, ‘Dage homu kone tuą pigio. Da bugagia bidibao.’ Tiali goli, menio. Augwali bugagia me bidibeo.

Esekiel 12:24

“Megi da, te Israelde bidalubo profet dabe augwaligo te nade subo tiwai wabo te tibo po obao, te augwaligo we bidi tibo po ola mabo po pusubao. Tialima, eno te kolesaga ebo mu siminaibao,” te po wai.

Esekiel 13:22

“Dagego te tibo po hauwa weyu, te dagego wiegi yai bidi dabego homu kolesaga dolobao. Tama dagego te dwai bidi dabe tau sobaso, te augwaligo dwai kolesaga ebo me tagalobeo. Te augwaligo dwai kolesaga tagalobaso da, teda augwali bugagia bidigi dao.

Maika 3:11

Te taun bidi dabego te tobolu bidi dabe homu bega sabo sę eyu, te augwaliba mone mayu, te augwa haniani dwai kolesaga emainu ebo dao. Te pris dabego te mone naga sainogo te Godigo bomai po page pusubo dao. Tialima, te profet dabego te mone sabo homu eyu, te geme dualali po pusali. Tigidaligo te tiwai eyu, augwa te po wali, “Genuai Bidi te da dali bidibao,” walio. “Tialima, te magi nai me deligo da me dologobeo,” wabo dao.

2 Pita 2:1

Tiali goli polobadu te tibo po wabo profet bidi dabe meba te Israel dabe tomode pedalai. Tama tialima te tibo po wabo tisa bidi dabe meba augwali te dage tomode me pedalaibao. Te augwaligo geme te bidi dolabo tibo ola mabo po haniani ola mabo gagalaibao. Tama tiyu, te Genuai Bidigo augwali ma dobola siyu abelai goli, augwaligo te Genuai Bidi nogi tudiba muyu hogwa saibao. Te augwaligo tama tiyu, te augwa digi polo dolaibao.