Jeremaia 14:12 - Godigo dwagi yai po buku

¹² “Te augwaligo nai habu selama, enaba gedu haluasa po obadi goli, te tagalao, eno augwaligo i wabo munu me odogobeo. Te augwaligo sia ulama, tigidali dela pabo ofa ebadi goli, te tagalao, te wit ulubo ofa ebo me, eno te we bidi augwaliba wiegi yai pemene me egobeo. Menio. Te eno boi bidi dabe tagala palama, augwali elagasomainu yaibao. Te eno augwali nai menia somainu ilama, te augwali isaibao. Tama genuai gasi augwaliba pedalumainu elama, te augwali isila paibao. Tama tebo kolesagade te eno augwali silimainu yaibao,” wali.

Jeremaia 14:12 Iomraidhean Croise

Jopgo Po Asęani Elalubo Buku 27:9

Te sęgę yai sę augwalide pedalobo sogo da, tama augwaligo Godigo augwali tau somainu i wabo dao. Teda Godigo augwaligo i wabo odaibawe? Mu meni.

Bugagia Bidibo Kolesagade Po Asęai Buku 1:28

“Te tama tebo sogo te eno dage tau somainu te dagego ena i waibao, tiali goli eno po wei me ponegobeo. Tama dagego ena gegebo sę ebadi, tiali goli te dagego ena me susiąwai.

Bugagia Bidibo Kolesagade Po Asęai Buku 15:8

Genuai Bidigo te dwai kolesaga ebo bidigo ofa ebo te wei mu me egobeo. Menio. Agai tede dwai homu mu ebo dao. Tiali goli, agai te doloba pai bidigo gedu haluasa po wabo te wei mu eyu, wiegi yai pemene mu ebo dao.

Bugagia Bidibo Kolesagade Po Asęai Buku 21:27

Genuai Bidigo te dwai kolesaga ebo bidigo ofa te wei mu me egobeo, aga tede sębę ebo dao. Tama te bidigo te tibo kolesaga wali peyu, te ofa ebaso da, teda Genuai Bidigo te dwai kugumini yai kolesaga mu da homu ebo dao.

Bugagia Bidibo Kolesagade Po Asęai Buku 28:9

Te bidigo te Godigo bomai po tudiba mubaso da, teda Godigo agai gedu haluasa po wabo me odogobeo. Te Godigo te gedu haluasa po wabo te kukumini ebo nai subo tiwai yaibao.

Aisaia 58:3

Augwaligo enaba te tiwai po wali, ‘Genuai Bidi, dago te nai habu selama, te dena digi aiyaba elalubo nago suali, tiali goli magi baso nago te da tau sabo sę isąbawe?’” “Tiali goli, ena Genuai Bidi, eno augwaliba te tiwai po wei ponani, ‘Te tigidali side dagego te nai habu selebo sogo dąį ilali, dagego te duga naide digi naga homu kone palama, te dagego duga sę ebo bidi dabeba dwai sę ebo dao.

Jeremaia 11:11

Tama tibaso, ena Genuai Bidigo, eno po dolo tama obao, te eno augwali dwagilama mu dolaibao, te sę augwaliba ebo me ela soagobeo. Te augwaligo enaba i weyu, tau somainu yaibao, tiali goli, eno augwaligo i wabo me odogobeo.

Jeremaia 11:14

Jeremaia, te we bidi dabe te dwai sęgo gegebaso, te augwaligo enaba i weyu, te eno augwali tau sao po waibao. Tialima, te eno augwaligo i wabo me odogobeo. Tama te augwali tau somainu te nago gedu haluasa po enabolo me olamuo. Te nago gela me weyu, te enaba bomonama i weyu, te eno augwaligo sęgę silao po me olamu dao,” te po wai.

Jeremaia 15:1

Tialima, Genuai Bidigo enabolo te tiwai po wali, “Jeremaia, odao. Te Moses de Samuel si te ena pąba asama, te enaba hanalu, te we bidi dabeba te olo mu tau sabo wiegi yai kolesaga yao wagi sogo da, te tagalao, eno usu menigi da. Te we bidi dabe sela sąyao! Eno augwali subo, te ena hagela homu mu ebo dao.

Jeremaia 16:4

“Tigidali te isaibao. Me badu te dwai gasi selama, isaibao. Te boi bidi asama, me badu ela mueibao. Te me badu nai sǫą peyu, isaibao. Tama augwalide hobedai gela olama, te augwali pubulabo bidi me elalugobeo. Menio. Augwaligo tigi dabe te tǫde yowi di munalua pabo tiwai yaibao. Tama te ba dabego me uni hasa dabego augwali tigi tuagasaibao,” wai dao.

Jeremaia 21:6

Eno te webidi dabe me te taunde hasa sibi dolaibao. Te eno dwaigasi augwaliba pedalumainogo ilama, tama augwaliisila paibao.

Jeremaia 32:24

“Tibaso, te Babilon dabego te Jerusalem bagua sagaselama, te da dali hwįbo sę yai. Augwaligo te taun obo pąde tǫ du holama, te augwa tede dolalu boi hwįnama, te taun sainu yai. Te boi bidi dabe da dali hwįbaso, te da nai sǫą pelama, te dwai gasi daba pedelali. Tialima, te Babilon dabego te Jerusalem saibao. Te nago po wali sę dabe, te pedelalio, te megi nago subao.

Jeremaia 6:20

Augwali te Sabea hani bidi dabeba pelama, te wiegi yai denami ebo hano yabo pauda abeligi pali. Tama augwa te tobage awi te wiegi yai denami ebo nai abelali, te digibulu bidi dabede abelai. Augwaligo homugo te nai dabego te augwa lotu wabo te wiegi yai eno gedude pedelaibao homu eyu tiali. Tialima, menio. Tama me, eno te augwaligo siaba ulama tigidali domainu ebo ofa, me te gasa ofa dabe augwaligo enabolo ebaso, te eno wiegi yai homu pemene ebo menio.

Jeremaia 8:13

“Ena Genuai Bidi, eno po dolo obao, te eno augwali mu silimainu yaibao. Augwali te ni wain, me ni fik, te du munu me walisiąma, te augwa yabe sasia pabo tiwai yaibao. Tialima, eno te boi bidi hani dabe tagala palama, augwali aiyaba elalumainu yaibao.”

Jeremaia 9:16

Te eno augwali ela gudulama, te augwa gasa tǫ kantriba tedela pelama, bidimainu elama, te augwa wąį nǫų dabe me, augwali me, te polobadu pisąwai bulu tǫba paibao. Te eno digi te bidi dabego augwaliba boi bidi eyu, te augwali ela mumainu yaibao, te tama tede pidubadi, te tigidali isila siliboba usu naibao,” te po wali.

Esekiel 14:19

“Ma, eno te dwai gasi te tǫ kantriba tagala palama, te eno haliga sębę yali usu nainu, te we bidi dabe me, te bulu hasa dabe dali elabo homu ebao.

Esekiel 14:21

“Tialima, ena God Genuai Bidi, eno tama po obao. Eno te tobage dwai nai me si me si tigidali te Jerusalemba tagala palama, te Jerusalemba dwai dene mabo sę elama, te augwali mu dolomainu ilaibao. Te boi bidi dabe eno augwaliba hwįgi pomainu tagala palama, te eno augwali nai sǫą palobo sę mu ilama, tama eno te bulu uni hasa dabego augwali elemainu tagala palaibao, tama eno te dwai gasi augwaliba tagala palaibao. Te tama tebo kolesagade eno te we bidi dabe augwali me, te hasa dabe dali, ela silaibao,” te po wai dao.

Esekiel 8:18

Tibaso, eno augwaliba dwai dene umagia mabo sę eyu, te eno haliga sębę yaliba usu naibao. Te eno augwali bugagia bidimainu me sula tagalogobeo. Te eno olo mu tau sabo wiegi yai kolesaga te augwaliba me egobeo. Te eno augwali tau somainu i bomonama obadi goli, tialima eno te augwaligo gedu haluasa po wabo me odogobeo,” te po wai dao.

Hosea 5:6

Augwaligo sipsip me bulmakau te Genuai Bidiba ofa yainu sali, tiali goli augwaligo te ofa olodali yali. Magi baso meni, Genuai Bidigo augwali tagalali, tama tiyu augwaligo aga munu ma susiąbo ąǫ yai.

Amos 5:21

Genuai Bidigo te tama po obao, “Eno dagego te genuai lotu wabo si dabede homu pemene isąma, te eno augwali homu godolo me egobe dao. Hagelabo homu mu ebao.

Maika 3:4

Nosali me sogo si te pedalubo side tama, dage te Genuai Bidiba gela waibao, tiali goli agai te dagego gela wabo me odogobeo. Agai te dagego gedu haluasa po wabo me odisąwaibao, magi baso meni, dagego te dwai kolesaga yalio.

Sekaraia 7:13

Tama eno augwaligo gedu haluasa po wabo odai menio. Magi baso meni, augwaligo eno po odisąma ebaso.

Malakai 1:10

Te Tigidali Bomo Elalubo Genuai Bidigo te po wali, “Te bidi me deligo eno be sunumi dabe palibaso da, teda dage te tomoba me pisąma, tama eno altade te dwai ofa dabe yabo sia me udulugobeo. Te usu dao. Magi baso meni, eno dagego ebo kolesagade wiegi yai pemene homu me ebeo. Tama te dagego enaba sesebo ofa dabe eno me sogobeo,” wai dao.

Malakai 2:13

Tama eno dagebolo te dagego gasa dwai sę me ebo po obao. Genuai Bidigo te dagego agaba sela pabo ofa umabo hagela eyu, te me sogobeo wali. Tama tibaso, dagego gela weyu, te i dwai weyu, te gela kugai ąį te Genuai Bidigo alta daiba gealubo dao wali.

Kraisgo Geme Dualali Sę Pedelabo Po Jonbolo Ola Mani 6:8

Te po obaso eno tonono ma bilali, tama eno sewa yai kibu hos me deli asobo suali. Tama bidi te kibu hosde dulaluali, tama te bidi aga nogi isibo kolesaga da wali. Tama isai bidi bidibo madi aga wali asai. Tama augwaligo te we bidi hani tigidali tomode buguluyu, tama hani me si me si nigilali. Tama augwali sibolo augwaligo te hani dabe tonalubo bomo mawai. Tama te bomogo augwali sigo te we bidi me habu badu ela muao wali, te poa pai ge hwągo hwįbogo ela muainogo, tama te nai nasi me eyu, te haniani gasi me eyu, tama te tǫde bidibo haniani uni hasago me ela tuyu tama elama augwali sigo te bomo selama, te we bidi me habu badu ela muao wali.