Jeremaia 13:9 - Godigo dwagi yai po buku

⁹ “Ena Genuai Bidi, eno te po obao. Te eno Juda dabe me Jerusalemgo hagoma ebo kolesaga aiyaba elalueibao, te augwa genuai nogi dolaibao, te name ugwa dolali tiwai yaibao.

Jeremaia 13:9 Iomraidhean Croise

Bugagia Bidibo Kolesagade Po Asęai Buku 16:18

Te hagoma ebo kolesaga eyu, tama naga digi naga nogi ugaba siyu da, te nage tulaluama tama dolabo sę ilaibao.

Aisaia 16:6

Te Juda dabe augwaligo te Moap dabego po odobo si da, augwaligo augwa hasi tomode po weyu, e tama po wali, “Dago te Moap dabego dwai kolesaga ebo po dago polo odai dao. Augwaligo haniani po olama, augwaligo augwa nogi ugwaba sabo dao. Augwaligo homugo augwali wiegi yai mu dao homu elama, tama augwaligo gasa we bidi aiyaba elalubo po olama, tama gasa we bidi posobo po wabo dao. Tiali goli, te Moap dabe augwali ili po wabo bage dao. Te augwaligo po mu dao homu igimio,” Juda dabego te po wali.

Aisaia 23:9

Te da te Tigidali Bomo Elalubo Genuai Bidigo pode te bulu tama dolai dao. Genuai Bidigo te tama tiali da. Magi baso meni. Agai te bidi hani augwa bomo de augwa genuai nogi dabe ugwa siyu, me augwa homu gana peyu ebo bidi dabego nogi aiyaba elalubo dao. Tama me, agai te bidi dabe genuai nogi yai bidi dabe me agai aiyaba elalubo dao.

Jeremaia 13:8

Genuai Bidigo enabolo te tiwai po ma wali,

Jeremaia 25:18

Hasia bolo ena te Jerusalemba pelama, te Juda tigidali taunba me peyu, teking dabeba me tobolu bidi dabe dali pali, te augwaligoąį tumainogo yali, te tǫ kantri Juda mu dolama, te tǫolo mu tama elalumainogo yaibao. Te gasa Israel haniisąwai we bidigo te kantri tǫ Juda sulama, te augwalidwai midigi mu selama, te wi umabo yaibao. Tama te webidi dabego augwa boi dabeba dwai i ola mabo po wabosogo, augwa te tama po waibao, “Dage te Juda dabe dolalitiwai yagameo,” te sę dabe pedelai dao.

Jeremaia 48:29

“Da tigidaligo te Moapgo hagoma kolesaga ebo po odali. Te bageo, Moapgo hagoma mu ebao. Agai aga digi nogi ugwaba siyu, te subigila hagoma mu yali. Te agai te aga polalubo mu dao homu yali dao.

Esekiel 16:50

Augwali te hagoma elama, te augwaligo tobolu te masigi dila pai tiwai elalu, tama augwaligo te eno godolo menisąbo sę yali. Eno augwaligo te kolesaga ebo sulama, te eno augwali dolai dao,” wali.

Esekiel 16:56

Te nage eno dolisąwani sogo, nago hagoma elama, nage te wiegi yai we da homu yai, tama nago Sodom te we dwai mu da homu yai dao.

Pris Sę Ebo Bomai Po 26:19

Te eno dagego hagoma aiyaba mu elalueibao. Te eno tulubage tulubo paliama, te dagego tǫba tulubage me tulugobeo, te tǫ mu wa pelama, te ain tiwai dila pai pedelaibao.

Sefanaia 3:11

Eno ede bidibo we bidi, te mu tama dao, dagego eno po mu tama sela sąwai dao. Tiali goli, eno te sę dabe pedelemainu ebo sogo da, teda dagego duga yali kolesagade hale me egobeo dao. Magi baso meni. Eno dagego te bidi dabe augwali te hamaga elama, gagea peyu yali bidi dabe sela sąwaibao. Tama dage Jerusalemde eno bulu dude bidaibao. Tama dagego tede ena dali hamaga ma eyu egobeo.

Dwagi Yai Gesi Po Lukgo Asęani 18:14

Eno dagebolo obao, e bidi aga beba ma peyu, Godigo aga yali dwai sę sela sąwai bidi dao. U Farisi hani bidi te tiwai menio. Mena bidigo te aga nogi me ugwaba sobaso, Godigo te bidi aiyaba elaluaibao. Ma, mena bidi imilasa bidibaso, teda Godigo te bidigo nogi ugwaba saibao,” Jisasgo te po wali.

Jems 4:6

Tama God agai aga Mobo Bidigo dabolo mabo sę te genuai dao. Tama agai da olo mu tau sabo sę, te genuai mu dao. Tama tiyu, agai da olo tau siyu, te dago homude pedalobo ‘Dwai sę yao’ po te po dago odosiąma, tama dago te po aiyaba elalubo dao. Tama te sę ebode te Godigo wali po bukude te po elalubao, “Te aga digi aga nogi ugwaba sabo bidi, te bidi God aga tudiba mubo dao. Tiali goli te imilai bidi da, te bidi God agai olo mu tau sabo dao,” te po asęani.

1 Pita 5:5

Te dage gesi bidi dabe, dage me te dolo kolesaga eyu, te tonalubo bidi dabe dologode bidiyu, augwaligo wabo po bugagia odiąo. Tama dage we bidi me, dage tigidali te nagamea pai homu eyu, tama te olo sę ebo we bidi tiwai bidiyu, dage tomode duga hasi te tau sabo sę yao. Magi baso meni, te Godigo po bukude te nagamea pai homu ebo kolesagade e po elalubao, “God agai te kolesaga hagoma ebo we bidi dali boi bidi homu eyu, bomo elama dolalubo dao. Tialima te nagamea pai homu ebo we bidi dali agai te olo tau sabo kolesaga ebo dao.”