Jeremaia 13:22 - Godigo dwagi yai po buku

²² Te nago te magi baso te dwai sę nageba pedalubo te nago koneainogo homu ebaso da, teda nago koneao, te pedalubo te nago dwai sę yali wei ponoyu tebao. Te naga yali dwai sęde naga nago ugwa augwaligo peda sąnama, te augwaligo nageba dwai sę yali.

Jeremaia 13:22 Iomraidhean Croise

Aisaia 20:4

Te Asiria tuni bidigo te Isip dali Sudan bulu siba hwįgi paibao. Tama agai te bulu sigo gesi bidi me, monu dabe me, kalabus elama, gasa buluba sela paibao. Tama augwali pabo sogo da, augwali ugwa me, sągą nadoba me, me gudasa pogobeo, mu meni yaibao. Augwali habu olo bidiyu, augwali hale mu yaibao.

Aisaia 3:17

Tama tibaso, ena Genuai Bidi eno te Saion hanu we dabe dene mawaibao. Eno augwaligo tobolude keni pągąna pomainu yaibao. Tama augwaligo tobolu nisi ma menia saibao,” wali.

Aisaia 47:8

“Nage te wiegi yai sogo naga gegelama bidabo homu ebo we, te po odao. Nago homugo nage bugagia bidaiba homu eyu, te dwai sę nageba me pedalugobe da homu elama, te naga digi nago te po wali, ‘Enaduba deligo eno tigidali bomo elalubao, te ena tiwai gasa me meni,’ wali. ‘Te ena te tiwai we, te aga bidi isama, te aga wai puluba me isai, te tiwai me pedalugobeo,’ homu yalio.

Jeremaia 13:26

Tialima, te ena digi nago gudalubo name ugwa ugwaba dagala palama, te naga gesabidi dualaibao. Tama te bidi dabego nago ugwa olo elalu, hale ebo sę sueibao.

Jeremaia 14:16

Tama te profet dabego po odali we bidi dabe, augwali me te hwįbogo me nasigo dolaibao. Tama boi bidi dabego te we bidi me wai puluba selama, te Jerusalem sunumiba sąsą paibao. Tama augwali tigi pubulabo bidi meni yaibao. Te Jerusalem dwai sę mu ebo we bidi dabe, tiyu te eno augwali mu dolaibao,” wai dao.

Jeremaia 5:19

“Tama nosali, te we bidi dabego nageba te tiwai po hanalu waibao, ‘Magi baso Genuai Bidi dago Godigo te sę dabe dabolo yali dawe?’ Tama Jeremaia, nago eno te po augwaliba pusa mao, ‘Dagego ena tudiba munama, te duga tǫde digi dagego te gasa hani dabego god dologoba pali. Tialima, dage te gasa hani dabego tǫba bidigi pelama, tama te hani bage dabe dologode bidagameo,’ te po pusa mao,” Genuai Bidigo te po wai dao.

Te We Bidi Dabego Jerusalem Hagede Gela Wali 1:8

Jerusalemgo dwai dwai sę hauwa yai madi, tama te dwai sę ebogo aga te dwai meda yai nai pedelali. Polobadu da, te gasa hanigo agabolo genuai nogi mawai dao. Tiali goli, megi da, augwaligo agai hale sulama, tama augwaligo agabolo posobo po weyu, gisugu mabo dao. Tama te Jerusalem hale eyu, aga gesabidi duala selama, genuai dene ebaso, hwąwa wabo tiwai yali.

Esekiel 23:26

Te bidi dabe augwaligo nago ugwa pepeda sąnama, te nago wiegi yai beli me nogode muani ring dabe saibao.

Hosea 12:8

Tialima, augwaligo te tama po wabo dao, ‘Da te mone bidi pedelalio,’ wabo. ‘Dago doado bage hauwa elalubao. Tama niwai bidi me deligo te po weyu, dago te nai wi sabo kolesagade te mone bidi pedelali me wagobeo.’ Augwaligo te po tama wabo dao.

Hosea 2:10

“Tama eno agai gudali ugwa dabe te agai godolo homu ebo bidi dabego gedude pepeda sąwaibao, te aga tigi bolu olo bidaibao. Tama te bidi me deligo aga eno nogode me dobola sogobeo.

Hosea 2:3

Te agai tagalisąbaso da, teda eno aga gudali ugwa tigidali peda sąnama, tama aga tigi olo gagolama, te aga ame nani sogo tiwai tigi olo bidiyu, tama aga hale dwai mu yaibao. Tama eno aga te tǫ wa pai pedalubo tiwai elama, te ni meni ebo tiwai ilaibao, tama te tuabo wę me meni yaibao, tama tebo kolesagago te eno aga dolaibao.

Hosea 2:5

Te wego te tama po wali, ‘Te eno wei eyu, godolo homu ebo bidi dabe wali paibao,’ wai. ‘Augwaligo ena te nai me wę mayu, te gudabo ugwa dabe me mayu yali, tama te oliv wel me wain mayu ebo dao,’ te po wai.

Nahum 3:5

Te Tigidali Bomo Elalubo Genuai Bidigo te po wali, “Ninive, nageba eno dwai dene ilaibao, nage penani we, te eno nago ugwa dabe pepeda sąnama, te nage tigi olo elalu, te ugwa meniama, tama te we bidi hanigo nage subaso, te nage hale saibao.

Sefanaia 1:12

“Tama te sogo eno lam selama, tama ena Jerusalem tomoba pelama, tama eno te bidi dabe eno kolesaga godolo isąma ebo bidi dabe bugagia gegegi paibao. Augwaligo homu augwa digi tigidali sę yaibao homu ebao. Tiali goli, menio. Augwaligo te po wali, ‘God da, olo bidibo dao,’ po wali. ‘Agai wiegi yai bidi dabe tau selama, tama agai dwai bidi dabebolo dwai pe mabeo. Tialima, aga tagalao,’ wali. Tialima, eno te bidi dabe augwali dolaibao.

Bomai Po 18:21

“Tama dagego homugo mena tama dagego koneaibao, te profet bidigo po te Genuai Bidigo pusai po dawe, ma meniwe, dagego konegobeo, te homu yaibao.

Bomai Po 7:17

“Tiyu dagego te homu idali, ‘Te hani bidi augwali genuai hani bidi dao,’ homu elama, dagego ‘augwaligo da elalugowe’ homu idalio. Tama dagego augwali sela sągobeo homu idalio.

Bomai Po 8:17

Tama tialima, dage homugo te wiegi yai nai dabe dena nogogo te nigilali dao, te homu me elamuo. Menio.