Jeremaia 13:18 - Godigo dwagi yai po buku

¹⁸ Genuai Bidigo enabolo te tiwai po wali, “Nage pelama, te king dali, aga idaba me, waligi pao, ‘Dage sigo te duga si dugulalubo sia king tagalao, magi baso meni, te dage sigo kingo gudali madi te olo nai tiwai pedelali, te dage sigo tonalubo tǫ kantri dabe me tonalugio,’ wali.

Jeremaia 13:18 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 24:12

Tama te king Jehoiakingo sualima, te king Nebukatnesar aga ami soldia bidi dabe dali asama bidibo suali, tama tialima, te king Jehoiakin ebadi, te aga ida ebadi, tama me te aga gavman ofisa bidi me, me te augwa genuai bidi dabe me, tama me te kingo be tonalubo bidi dabe me, augwali tigidali te taun tagalama, buluba pelama, te king Nebukatnesar dali sisinama, tama augwaligo Nebukatnesarbolo te po wali, “Tama dago homugo te boi ma hwįgobeo,” wali. Tama tialima, te king Nebukatnesargo te king Jehoiakin aga kalabusiba muani. Tama te sę yali sogo, te king Nebukatnesar agai kibu be te 8 kibu be te Babilon bulude king bidai.

Te Israel me Juda Hani Sigo Tuni Bidigo Po Elalubo Buku Si 24:15

Tama te king Nebukatnesargo te king Jehoiakin dali, te aga ida ebadi, me te aga we me, me te aga sę ebo gavman ofisa bidi dabe me, tama me te Juda hanigo genuai bidi dabe me, augwali tigidali te kalabus elama, tama agai augwali te Babilon buluba odasa pali.

Tuni Bidi Dabego Po Elalubo Buku Si 33:12

Tialima aga sęgę genuai mu tolaluali, tama tibaso aga digi Genuai Bidi aga wąį dabego Godigo gedude aga digi aga aiyaba elaluali. Tama aga God pageba ma asali.

Tuni Bidi Dabego Po Elalubo Buku Si 33:19

Tama king Manasego meba po dabe te gasa buku mede elalubao. Augwaligo te Profet Dabego Po Bukude elalubao. Te bukude agai dwai dwai sę dabe yali te po dabe me pusuyu, me agai Genuai Bidibolo tudi ola mani po dabe me pusa elalubao, tama te bukude te lotu wali pesage po, me te tibo godiba lotu wali pesage, me god we Asera piksa noma, me agai nogogo nigali tibo god piksa dabe po me tede elalubao. Te aga digi tibo god nigilama lotu weyu yali po me te Profet Dabego Po Bukude te elalubao. Tama te bukugo agai homu begelama, tama aga digi aga aiyaba elaluali po me tede te bukude pusai dao. Tama me agai Godibolo gedu haluasa po obaso tama Godigo agai gedu haluasa po odali po dabe pusali po me te elalubao.

Tuni Bidi Dabego Po Elalubo Buku Si 33:23

Tama tiali goli agai aga digi Godigo gedude aiyaba elalubeo, te aga ayago yali tiwai ebeo. Menio. Agai dwai sęgę sabo sę genuai mu ela pidu geani.

Ma Dobola Sali 10:3

Tama Moses de Aron si pelama, te tuni bidi agabolo te po wagi pali, “Da Hibru bagego God, Genuai Bidi Yawe, agai te po wai, ‘Nisu naga sogo nago te po sela sąyu, tama nage ena dologode bidigobewe? Te eno we bidi hani tagala palao, te augwaligo lotu po enaba wagasomainao.

Bugagia Bidibo Kolesagade Po Asęai Buku 27:24

magi baso meni, te nago mone te sesemane me elalugobeo, tama te kingo hani me te sesemane sesabi elama, me bidigobeo.

Aisaia 3:20

Agai te tobolu nisi dųbo mǫ, me tobolu nisi tomagebo name ugwa, me te ugwa pedai te kukulu gudubo ąǫ ebo nai, me te dwasianu paus augwaligo sanda wel me te pobi nai dabe te dogonide kebo nai agai sela sąwaibao.

Aisaia 3:26

Tama augwaligo nago nai tigidali saibao. Nage te we me augwaligo agai ugwa dabe sese sela sąwai tiwai yaibao. Tama aga tǫde habu olo dulalubo tiwai yaibao. Tama te obo sunumi dabego te nai dabe nage tigide pedalobo sulama, tama augwali hobede elama, gela waibao.

Aisaia 47:1

Genuai Bidigo te tiwai po Babilonba wali, “Babilon, nago genuai nogi mu elalubo, te kwin we aga sia kingde dugulalubo tiwai ebao. Tama nage te gesi wegi bidigo sisąwai bugagia mu bidibo tiwai ebao. Tiali goli, megi da, te nage sia kingde bidali tagalama, te nage olo tǫ bulude dugulalueibao. Te nago tigi te polobadu elaluali tiwai gilama sawi yai me elalugobeo. Tama te bidi dabego nage te au bugagia elama, bilibo ma sugobeo. Mu meni yaibao.

Jeremaia 22:24

“Ena sesemane sogo bididubo Genuai Bidi, eno po dolo nage Jehoiakinba obao, te Jehoiakimgo ogwa, te Juda king dao. Te nage eno dolo nogode mubo ring me deli tiwai te eno nage godolo mu igi da, tagala, te eno nage sela sągi da.

Jeremaia 22:26

Eno te nage naga ida dali selama, te dage si gasa tǫ kantriba sąwaibao. Te tǫ kantri te dage sigo page bulu mu meni ebadi, tialima, dage si tede bididubadi, te dage si isiboba usu naibao.

Jeremaia 29:2

Jeremaiago te pas asęna tolali sogo, te Babilon dabe te Jerusalemba aselama, te king Jehoiakin dali, te genuai we bidi hani dabe, te augwali Babilonba odasa pali sogo te pas asęai. Augwaligo te king me aga ida dali sobadi, te aga bede bidali ofisa dabe, me te Juda tobolu bidi dabe, me te Jerusalem tobolu bidi, me te tobage wiegi yai nai dabe nigibo koneai bidi dabe, te selasa pai dao.

Jeremaia 36:16

Augwaligo te bukude nedali po tigidali odama, te augwali wi elama, te midigi dwai mu siyu, te augwa hasiba digi tonono palio. Tama augwaligo Barukbolo te tama po wali, “Mu tama dao, dago kingba te sę yabo po dabe pusugi paibao,” wali.

Te We Bidi Dabego Jerusalem Hagede Gela Wali 1:6

Saiongo polobadu elaluali genuai nogi polo tulaluai dao. Tama agai tobolu bidi dabe te boi bidi dabede wi painogo eyu, augwaligo bomo sia sali, te nai tusiąwai bulu hasa dabego augwali dili bomo kilabo tiwai yalio.

Te We Bidi Dabego Jerusalem Hagede Gela Wali 1:9

Polobadu aga dwai kolesaga te pepeli dilide mu elaluai dao. Tiali goli, agai aga dolabo homu kone me ebeo. Tama tialigo aga mu dolama, mu dolali, tama bidi mego aga hobede eyu, tau sabo me egobeo. Tama Jerusalem agai e tama tiwai po i obao, “Genuai Bidi, eno e sęgę suao. Te boi bidi dabego ena aiyaba mu elalualio. Tama augwaligo ena dolalide wiegi yai homu pemene elama, gana pali dao,” wabo.

Te We Bidi Dabego Jerusalem Hagede Gela Wali 2:10

Te Saion monu dabe, augwali olo dali tǫde dulaluyu, tama augwali pedauwali pania selama, bidalubao. Augwaligo augwa tobolude tǫ hogomu munama, tama augwaligo hobede side gudubo ugwa gudama bidibao. Tama te Jerusalemde gesi wegi mane augwali homu sęgę mu elama, tama augwaligo tobolu tǫba basi gulama, elalubao.

Te We Bidi Dabego Jerusalem Hagede Gela Wali 5:16

Dago genuai nogi polo tulalualio, te dago gawe yali nai dabe dolai dao. Da hobede mu yao. Magi baso meni, dago yali dwai sęde sali sęgę dwai yalio.

Esekiel 16:12

Tama eno nage te gunide me olode walabo ring mani, tama wiegi yai sawi yai tobolu madi, te kwin wego madi tiwai mawai dao.

Esekiel 21:26

Ena God Genuai Bidi, eno te po obao, nage te king munu me bidilamuo. Tialima, nago te kingo madi me, te tobolude bagulali ugwa nami me, peda muao. Megi da, eno te tigidali nai hasegelebo sę ebao. Te olo bidali bidi dabe te genuai bidi pedalu, te genuai bidi bidali bidi da, te olo bidali bidi tiwai pedelaibao.

Esekiel 24:17

“Nago haligade naga hwąwa wao. Te bidi dabego nage odomainu me ilamuo. Tama nago te isai bidi dabede hobede ebo kolesaga dabe tiwai me elamuo. Te nago tobolude mubo ugwa name belama, te sągąde nadoba gudao, te naga sesemane sogo au ebo tiwai yao. Te nago pedauwali panigio. Te abagi dabego hobede ebo kolesaga wali peyu, te nageba nai sela asobo sę tiwai nago me elamuo dao.” Genuai Bidigo enabolo te po wali.

Esekiel 24:23

Te dagego ugwa tobolude belama, te sągąde nadoba bulama, paibao. Dagego te isali we bidide homu dene elama, gela wabo homu eyu tigobeo. Magi baso meni, te dagego duga digi yali sęgęde homu kone hauwa tųą pelama, te dagego tigi dabe te nomona saibao. Tama dagego duga haside digi hwąwa weyu tiaibao.

Esekiel 44:18

Augwaligo trausis, me name ugwa tobolude gudubo gudumainao, te augwaligo wiegi yai name ugwago nigai. Tiali goli, augwaligo kukulu gudamo dao. Tiyu posologo augwaligo tigi dolabuo.

Daniel 5:20

Tiali goli, nago wąįgo homugo te aga umabo ugwanu mu da homu elama, tama aga hagoma eyu, haniani dobo kolesaga subigila ebaso, tama Godigo aga sela sąnama, tama aga te king me bidibeo, tama aga genuai nogi elaluali te tulaluai dao.

Jona 3:6

Te Ninive tuni bidigo te Jonago pusagasali po odama, tama aga te dualaluali gasagi yai wiegi yai duabo sai tagalali. Agai te wiegi yai au yali ugwa sela sąnama, tama homu dene ebo gudubo ugwa munama, tama aga te sia keli daide bidalio.

Matyu 18:4

Te mena bidi aga digi te aga ebo kolesaga dabe dali aga aiyaba elaluama aga nagamea homu eyu, e wai bǫų tiwai gagawali da, te tiwai kolesaga ebo bidi agai te gasa Godigo tonalubo we bidi dabe augwaligo yali kolesaga aiyaba elaluaibao.

Jems 4:10

Tama duga digi duga nogi Genuai Bidigo gedude aiyaba dualao. Dagego tama tiyu da, te Genuai Bidi agai dagego nogi ugwaba saibao.

1 Pita 5:6

Tama tibaso, te nagamea pai homu eyu, God agai genuai bomo elalubo nogo dologode bidiąo, te agai bodolu mani sogo asobo si agai dage ugwaba somainogo tama bidiąo.