Jeremaia 12:17 - Godigo dwagi yai po buku

¹⁷ Tiali goli, mena we bidi hani me deligo eno po odobo hagela homu ebaso da, teda eno augwali sela sąnama, te augwali mu dolaibao. Ena Genuai Bidi, eno te po wai dao,” wali.

Jeremaia 12:17 Iomraidhean Croise

Aisaia 41:11

Te dagede haliga sębę elama, te dage po tųba odasa pobaso da, te dage augwaligo aiyaba elalusiąbaso, te augwali hale dwai mu yaibao. Te augwali olo nai tiwai mu pedelama, te augwali mu hagawaibao.

Aisaia 60:12

Tiali goli, te nage dologoba aselama, nago sę isąbo bulu tǫ kantri dabe, te augwali dolama, mu silaibao,” wali.

Jeremaia 18:7

Me sogo eno te we bidi hani me deliba hanilama weyu, ma te tǫ kantri we bidi augwali me te eno ela gudulama, te aiyaba elaluyu, te dolabo po hanilama, augwaliba wabo dao.

Jeremaia 31:28

Polobadu augwali enotonaluali, te gudumainu, me augwali alumainogo eyu, meaugwali aiyaba elalumainogo eyu, augwali dolomainuelama, te dwai sę augwaliba emainogo yai. Tialima, megi da, ena Genuai Bidi, eno te po obao, te augwali enotonalu, te augwali nigilama, te augwali bulama, te augwalibugagia bidaibao wai dao.

Esekiel 19:12

Tiali goli, te bidi dabego wado po weyu, aga maga gudulama, te aga tǫba degelai. Te giliga asobo badu te posolai wali aselama, te agai wai dabe tigidali boga pai. Te bidi dabego te ni nologo tigidali tologolama, tama te ni nologo dabe sasia pali te augwaligo isiba ulai dao.

Daniel 11:4

“Tiali goli, aga bomo te genuai pedalubo sogo da, teda agai tonaluali bulu tǫ kantri te peda pelama, tama te kantri bulu tǫ me si me si pedelaibao, tama aga wai te ogwa dabego digi te bulu tǫ kantri me tonalubo sę egobeo. Menio. Te gasa bidi dabego augwali tonalueibao,” wali, “tiali goli, augwaligo bomo te bomai kingo bomo tiwai si me elalusiąwaibao,” wali.

Maika 5:14

“Te eno te god we Aserago noma elalubo pos dabe guda sąnama, te duga bidali pesagede sela sąnama, te dagego taun dabe eno dolaibao,” wai dao.

Sekaraia 1:6

Tiali goli eno po te profet sibi dabego pedauwalidu eno pedelaibao wali te sę dabe duga wąį dabeba polo pedelai dao. Augwaligo eno augwalibolo mani te po wali pai menio. Tama tialigo augwali te dolali dao. Tama nosali augwali homu begelama augwaligo e tama po wai dao, ‘God, Tigidali Bomo Elalubo Genuai Bidi, agai dabolo wali gilama tama agai dabolo dene mawai dao. Te dena dagede tama dao,’ augwaligo te po wali,” God Genuai Bidigo te po wai.

Dwagi Yai Gesi Po Lukgo Asęani 19:27

Tama eno boi bidi odasa asao. Augwali ena dologode bidibo hagelabo wali. Tama te bage odasa asao, eno gabidide hwągo ela muao,’ te genuai bidigo te po wali,” Jisasgo te po wai dao.

2 Tesalonaika 1:8

Tama tiwai aselama, tama te sogo God konebo hagela yali we bidi dali, Genuai Bidi Jisasgo po wali pisąwani bidi dali augwalibolo agai dene mawaibao.