Jeremaia 12:1 - Godigo dwagi yai po buku

¹ Genuai Bidio, nago doloba pai kolesaga sesemane sogo ebao, te eno nage dali po konila eyu wabeo. Tialima, te meba kolesaga eno konesiąwani, tama eno te nagebolo hanalu obao. Magi baso te dwai kolesaga ebo bidi dabe, te augwa sesemane sogo bugagia bidibo dawe? Magi baso te gagamu selibo bidi, me tibo po wabo bidi dabe, te augwa ebo sę bugagia mu ela pidubo dawe?

Jeremaia 12:1 Iomraidhean Croise

Tigidali Nai Gagalama Nigali Side 18:25

Nago te wiegi yai bidi dabe augwali te dwai bidi dabe augwali dali elainu ebo. Te wiegi yai egobeo. Nago tama tiwai me elamuo. Tiyu, te wiegi yai bidi dabe te dwai bidi dabe augwali dali dolabuo. Te dwai mu dao. Nage da, te tigidali tǫ pedaide po tų odobo bidi dao. Nago te doloba pai kolesaga wali pomainogo egobewe?” Abrahamgo te po hanalu wali.

Esra 9:15

God, te da Israel dabego Genuai Bidi, nago te doloba pai kolesaga naga ebo dao. Da wiegi yai we bidi weyu, te da nage pąba me pogobeo. Menio. Da te dwai sę ebo we bidi naga dao, te dwai sęgę umabo elalubao,” eno te gedu haluasa po tama wali.

Nehemia 9:33

Dago te dwai sę ebo kolesaga ebaso, tama nago te daba dene ilibo sę yali. Tama nago te kolesaga te dolo ebao. Sesemane sogo nago te naga dąų walali bomai po wali peyu, tama nago da tau sali, tiali goli dago hagoma eyu, tama dwai kolesaga haniani ebo dao.”

Jopgo Po Asęani Elalubo Buku 12:6

Tiali goli, nai wi sabo bidi dali, me te Godigo po sela sąbo bidi si da, augwali bidibo page da, dwagi yai dao. Augwa digi bomonama sulama, tama augwa bugagia bidibo page usu ilali. Tama tebogo augwaligo augwa god nigilali,” wali.

Jopgo Po Asęani Elalubo Buku 13:3

Tama tiyu yaide, ena dage dali po wabo hagela mu yali. Eno homugo God Tigidali Bomo Elalubo Bidi dali po wabo homu yali. Eno homugo dadi si pogo hwįbo tiwai eyu, eno sęgę dodolaiba.

Jopgo Po Asęani Elalubo Buku 24:12

Te moni hanu tomode te we bidi gela mu wabo. Augwali mu dobaso, Godigo augwali tau somainu gela olama, i wabo dao. Tiali goli, Godigo augwaligo gedu haluasa po wabo odobo menio,” wali.

Jopgo Po Asęani Elalubo Buku 24:23

Godigo digi augwali bugagia dua bidimainu elama, tama dwai sęgę augwaliba me pedalobo menio. Tiali goli, tigidali sogo agai augwali bugagia tonalubo dao.

Jopgo Po Asęani Elalubo Buku 8:17

Tama masigi dude bomonama dąų wala sali.

Godigo Nogi Ugwaba Sabo Tęąbi Po Wabo Buku Dabe 116:5

Genuai Bidigo te olo tau sabo wiegi yai kolesaga elama, tama dabolo wiegi yai sę ebao. Te dena God agai da homu dene eyu, tau sabo dao.

Godigo Nogi Ugwaba Sabo Tęąbi Po Wabo Buku Dabe 119:137

Genuai Bidi, nage doloba pai mu tama elalubao, tama nago bomo yai po tigidali te doloba pai mu naga elalubo dao.

Godigo Nogi Ugwaba Sabo Tęąbi Po Wabo Buku Dabe 119:75

Genuai Bidio, eno koneani, nago bomo yai po tigidali te dolo naga mu elalubao. Nago eno ebo kolesaga deli naga dodolabo homu eyu, tama nago enabolo sęgę mawai dao.

Godigo Nogi Ugwaba Sabo Tęąbi Po Wabo Buku Dabe 145:17

Godigo doloba pai kolesaga naga wali peyu, tama agai da olo mu tau sabo kolesaga mayu, te agai tigidali ebo sęde tebo dao.

Godigo Nogi Ugwaba Sabo Tęąbi Po Wabo Buku Dabe 37:1

Abagi, nago te dwai sę ebo bidi dabego te wiegi yai nai dabe sabode te nago homugo pesa me elamuo. Nago te dwai kolesaga ebo bidi dabego naide haliga dwai me elamuo.

Godigo Nogi Ugwaba Sabo Tęąbi Po Wabo Buku Dabe 37:35

Eno suali, te dwai sę ebo bidigo genuai bomo elalubao, tama agai te we bidi dabe aiyaba elalu, te Lebanonde elalubo te moni ni sidago te gasa ni dabe aiyaba elalubo tiwai gilama ebo dao.

Godigo Nogi Ugwaba Sabo Tęąbi Po Wabo Buku Dabe 51:4

Eno dwai sęgę nage deli dali naga yai. Eno dwai kolesaga nago gedude yai. Tama nago ena po tų ela menama, tama nago doloba pai kolesaga naga yao. Nago eno sęgę wei siyu, tama nage da, dwai sę isiąwai bidi.

Godigo Nogi Ugwaba Sabo Tęąbi Po Wabo Buku Dabe 51:6

Nago homugo te eno nage dolo naga wali asiyu, tibo kolesaga igio homu ebao. Tama tibaso, nago ena dwagi yai homu kolesaga ola mao.

Godigo Nogi Ugwaba Sabo Tęąbi Po Wabo Buku Dabe 92:7

Te dwai bidi dabe te wiegi yai nosa tiwai ma pedaliyu, tama te dwai kolesaga ebo bidi dabego te doado bage hauwa selama, tama augwa bugagia bidaibao, tiali goli, nago augwali mu dolaibao.

Bugagia Bidibo Kolesagade Po Asęai Buku 1:32

Magi baso meni. Te wiegi yai homu kolesaga meni yani we bidi dabe augwaligo te ena tudiba munama, tama augwa te kolesagago digi te augwa ela munama, augwa isaibao. Te bidi dabego homugo augwaligo te tigidali nai koneani homu yali, augwali te wabo pabo bidi dabe tiwai ebao. Augwa te homu kolesagade te augwa digi augwa dolobo dao.

Kolesaga Koneai Bidigo Pusali Po Elalubo Buku 8:14

Mu tama, augwaligo te tama po wabo dao, tiali goli eno suali, te gasa kolesaga pedalubo eno suali, te augwaligo po wali tiwai gilama pedalubeo, tama te kolesaga mu geda muani. Me sogo te doloba pai kolesaga ebo bidi te dwai dene sali, te dwai bidi dabego sabo sę usu te doloba pai bidigo saibao. Tialima, te dwai sę ebo bidi dabego te doloba pai bidi dabego sabo sę usu te augwaligo sali. Te tama tebo kolesaga te aga page meni yai elalubo dao.

Aisaia 41:21

Genuai Bidi, te Israelgo king dao, agai te tama po wai, “Dage te gasa bulu tǫ kantri god dabe, dage te po tų eboba asiąo, te po tų ebode dagego po odomainu yaibao. Te dagego pusabo po bugagia dodolao, tama te po tų eboba asao.

Aisaia 48:8

Eno te tama koneani, te eno gagalama, dage te deli hani we bidi pedalumainu ilali sogo, dage te po sela sąyu, hagoma ebo hani mu pedelali. Tama tibaso, eno te nai dabe po dageba hanilama, me pusubeo.”

Jeremaia 11:20

tiali goli, nage Tigidali Bomo Elalubo Genuai Bidi dao, nago te we bidi dabego haliga me homu kolesaga dagalobo dao, te nago po tų dolo mu ebo dao. Eno te sęgę nago nogoba mubao, te eno homugo nago te bidi dabeba dwai sę ebo dene mabo sueibao,” te po wali.

Jeremaia 12:6

Te sęgę dabede te me deli te tiwai elalubao. Te naga hani dabego digi te nageba dwai sę yabo po mia salio. Te nage augwaligo nage pobeasa pabo tiwai elama, te pąde nage pageabi yainu ebo tiwai yaibao. Te augwaligo nage dali wiegi yai po obadi, te tagalao, nago augwaligo poba homu kęą pelamu dao,” wali.

Jeremaia 3:20

Tiali digi, menio. Dage Israel we bidi hani, dagego ena tagalama, te wego aga bidi tagalobo tiwai yali. Ena Genuai Bidi, eno te po wai dao.”

Jeremaia 3:7

Eno e tama homu yali, agai te hagoma kolesaga eyu bolo elama, tama enaba ma asaibao. Tiali goli, menio. Aga te ma asobeo. Te aga ama, Juda, te we sabo kolesaga togobo we, agai te Israelgo kolesaga suai.

Jeremaia 32:16

Baruk, te Neriago ogwago, te asęani bomo yai po sali dao, tialima, eno Genuai Bidiba te tiwai gedu haluasa po wai dao,

Jeremaia 5:11

Te Israelgo Juda dabego ena tudiba mu muai. Ena Genuai Bidigo eno te po wai dao,” wali.

Jeremaia 9:2

Te olo masigi kemi tǫde te eno bulu tolu yabe be me deli elalugi da, te wiegi yai igi da. Teda ena te hani bidi digibulu taga pelama, ena te beba bidigi pabo usu igi dao. Magi baso meni, tigidaligo God tagalali, te bidigo aga we tagalama, te gasa penani we dabe wali bilibo tiwai ebao. Tama augwali te nai wi sabo genuai tiwai dao.

Te We Bidi Dabego Jerusalem Hagede Gela Wali 1:18

Tiali goli, Jerusalemgo te po wali, “Genuai Bidigo ena dali te yali kolesaga te dolo mu dao. Magi baso meni. Eno agai po sela sąwai dao. Tega, dage tigidali kantri we bidi, dagego eno te po odiąo. Eno te genuai sęgę tolali suao. Te boi bidi dabe augwaligo eno gesi bidi me gesi wegi dabe selama, tama augwali digibulu tǫ kantri dabeba mu kalabus igi palio.

Esekiel 18:25

“Tiali goli, dagego te tama po obao, ‘Genuai Bidigo ebo te kolesaga, te dolo menio,’ wali. Tialima, dage Israelgo, eno po wabo bugagia odao. Dagego homude eno kolesaga te dolo meni da homu eba, agawe? Menio. Te dagego ebo kolesaga da, te dolo me ebe dao.

Daniel 9:14

God, dago Genuai Bidi, nago te dago yali dwai sę wei ponainu sisi elama tonaluali. Tama megi da, te sę nago yalio, magi baso meni, nage te doloba pai kolesaga naga ebo God dao. Tiali goli, dago te nago po me odobeo.”

Daniel 9:7

Genuai Bidi, naga duba deligo naga te doloba pai kolesaga ebo God da, tiali goli te dena dwai kolesagago te hale genuai da tigidali Israelba sela asali. Tagala, da Judia tǫde bidibadi, ma Jerusalemde bidibadio, ma tigidali buluba te nago da tagala paliyu ela bilibo da, te dago nago po me sela sąbaso, nago da tagala palai dao. Tama megi te dwai halego da mesegelai dao.”

Hosea 6:7

“Te we bidi dabe augwaligo te bulu Adam pesagede te wę Jordan nogelama, tama eno augwaliba te mani tǫba sabolali. Tama polo tama te eno augwali dali polobadu dąų walali po augwaligo togolama, bolai dao.

Habakuk 1:4

Tama te we bidi augwaligo po tų ebo si, augwaligo te nago bomai po wali pisąma, tama augwaligo homugo te bomai po te olo nai dao tiwai homu ebao. Tama sesemane sogo te bidi dabego doloba pai kolesaga wali pabeo. Te dwai bidi dabego te doloba pai bidi dabe aiyaba elaluama, tama nago bomai po te hųgia sabo dao.

Sefanaia 3:5

Tiali goli, Genuai Bidi Jerusalemde me bididuali. Agai doloba pai kolesaga naga ebo dao. Te agai dolo isąwai kolesaga da agai me ebo menio. Mu menio. Te tigidali sogo bubugade agai te we bidi dabe dali doloba pai po tų naga ebo dao. Agai te sę tagalobo menio. Tiali goli, te taunde bidibo dwai bidi dabego te dolo meni yai kolesaga naga ebo dao. Tama augwali tede hale dwasianu me ebeo. Mu menio.

Malakai 2:17

Dagego te haniani po hauwa obaso, tama Genuai Bidi te pode hagela yalio. Tiali goli, dagego te tiwai po hanalu wali, “Dago mena po obaso, te Genuai Bidigo dade hagela homu ebowe?” Dagego te tiwai po obao, “Genuai Bidigo homude te dwai sę ebo bidi te augwali wiegi yai bidi dabe da waibao, po meni, te agai augwali godolo eba homu yali.” Tama dagego e tiwai po weyu yali, “Augwa te po weyu, Godigo te doloba pai kolesaga ebo dao wali. Tiali goli, dago aga te dwai kolesaga ebo bagede te tama tebo subeo,” wali. Tama tibaso, agai dagego te wabo pode hagela homu mu ebo dao po walio.

Malakai 3:15

‘Dago te hagoma ebo bidi dabe bugagia bidiyu pemene ebo suali. Tama te dwai kolesaga ebo bidi dabego te doado bage hauwa elalubao, tama augwa te God usu sabo tobage kolesaga yalio, te augwaliba dene mabowe, ma meniwe, te suainu tiali. Tama Godigo augwali me dolisąwai. Mu menio.’ Dagego te po wai dao,” Genuai Bidigo te po wai.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.